പുസ്തക പ്രകാശനവും - “കൂരോപ്പടയുടെയും താന്നിക്കൽ കുടുംബത്തിന്റെയും ചരിത്ര വഴികളിലൂടെ..”

📕𝐁𝐎𝐎𝐊 𝐋𝐀𝐔𝐍𝐂𝐇 📚പുസ്തക പ്രകാശനം📕

പുസ്തക പ്രകാശനവും താന്നിക്കൽ കുടുംബ സംഗമവും …💝🙏🥰 𝗧𝗵𝗮𝗻𝗸 𝗚𝗢𝗗!..🙏

𝑻𝒊𝒕𝒍𝒆 𝑶𝒇 𝑻𝒉𝒆 𝑩𝒐𝒐𝒌: “കൂരോപ്പടയുടെയും താന്നിക്കൽ കുടുംബത്തിന്റെയും ചരിത്ര വഴികളിലൂടെ..” 

✍️𝑨𝒖𝒕𝒉𝒐𝒓 : 𝑴𝒓. 𝑻. 𝑽. 𝑴𝒂𝒕𝒉𝒂𝒊 Mathai Thannickal

𝘿𝙖𝙩𝙚: 𝟏𝟑.𝟎𝟗.𝟐𝟎𝟐𝟔 , 𝟏𝟏 𝘼𝙈

𝗩𝗲𝗻𝘂𝗲: 𝗦𝗶𝗴𝗺𝗮 𝗦𝘁𝘂𝗱𝘆 𝗖𝗲𝗻𝘁𝗿𝗲, 𝗡𝗲𝗮𝗿 𝗧𝗵𝗮𝗻𝗻𝗶𝗰𝗸𝗮𝗹 𝗛𝗼𝘂𝘀𝗲𝘀, 𝗞𝗼𝗼𝗿𝗼𝗽𝗽𝗮𝗱𝗮

𝑺𝒑𝒆𝒄𝒊𝒂𝒍 𝑷𝒓𝒐𝒈𝒓𝒂𝒎: 𝑶𝒏𝒆 𝑴𝒂𝒏 𝑺𝒉𝒐𝒘 𝒃𝒚 𝑴𝒓. 𝑺𝒕𝒂𝒏𝒍𝒆𝒚 𝑲𝒐𝒕𝒕𝒂𝒚𝒂𝒎 Stanly Kottayam

എന്റെ പിതാവായ ശ്രീ റ്റി. വി. മത്തായി ഒരു നാടിന്റെയും, കുടുംബത്തിന്റെയും ചരിത്രത്തിലൂടെ നടത്തിയ യാത്രയാണ് “കൂരോപ്പടയുടെയും താന്നിക്കൽ കുടുംബത്തിന്റെയും ചരിത്ര വഴികളിലൂടെ..” എന്ന പുസ്തകം. ഒരുപക്ഷെ ഈ യാത്രയിലൂടെ എന്റെ പിതാവ് 900 വർഷം പഴക്കമുള്ള കൂരോപ്പട എന്ന നാടിന്റെ ചരിത്രത്തിലേക്കും, 106 വർഷം പഴക്കമുള്ള താന്നിക്കൽ കുടുബത്തിലെ ഓരോ കണ്ണികളിലേക്കും വീണ്ടും കൂട്ടിച്ചേർക്കപ്പെടുകയായിരുന്നു. നമ്മുടെ വേരുകൾ താണ്ടിയുള്ള യാത്രയിൽ നമ്മൾ നമ്മളെത്തന്നെ കണ്ടെത്തുന്നു എന്നതാണ് വാസ്തവം. 

താന്നിക്കൽ കുടുംബത്തിൽ ജനിക്കുവാൻ സാധിച്ചത് ഏറ്റവും ഭാഗ്യമായി കരുതുന്നവരാണ് ഈ കുടുംബത്തിലെ ഓരോ മനുഷ്യരും. ആ കുടുംബത്തിന്റെ ഐക്യത്തിനും, സ്നേഹ സഹകരണങ്ങൾക്കും, മാതൃകാ ജീവിതത്തിനും നിദാനമായത് ദിവംഗതരായ ഞങ്ങളുടെ പൂർവ്വ പിതാക്കൻമാർ തന്നെയാണ്. ഒരു കുടുംബം കെട്ടിപ്പെടുക്കുവാൻ അവർ അനുഭവിച്ച യാതനകളും, കഷ്ടപ്പാടുകളും, അവർ സമൂഹത്തിന് നൽകിയ സേവനങ്ങളും വരും തലമുറ അറിഞ്ഞിരിക്കണം എന്നതും, അതൊരു മാതൃകയായി തലമുറകൾക്ക് പകർന്ന് കൊടുക്കണം എന്ന ആഗ്രഹവുമാണ് ഈ പുസ്തകത്തിലേക്ക് ചുവടുവെക്കുവാൻ പ്രേരിപ്പിച്ചത്. ഒരിക്കൽ ഞാൻ സോഷ്യൽ മീഡിയായിൽ ഞങ്ങളുടെ കുടുംബത്തെക്കുറിച്ച് ഒരു കുറിപ്പെഴുതിയപ്പോൾ, “എന്തുകൊണ്ട് നിങ്ങളുടെ കുടുംബ ചരിത്രം ഒരു പുസ്തകമാക്കിക്കൂടാ?” എന്ന് ശ്രീമതി ഗീതാകൃഷ്ണൻ Geetha Krishnan എന്ന എഴുത്തുകാരി ചോദിച്ച ചോദ്യത്തിൽ നിന്നാണ് ഈ പുസ്തകത്തിലേക്കുള്ള യാത്ര തുടങ്ങുന്നത്. നന്ദി ഗീതേച്ചി!.. 🙏🥰 വിദേശ വാസിയായ എനിക്ക് അങ്ങനെയൊരു ചരിത്ര പുസ്തകം എഴുതുവാനുള്ള പരിമിതി മൂലം, എന്റെ ആഗ്രഹം പിതാവിനോട് പങ്കുവെയ്ക്കുകയായിരുന്നു. ആ ഉദ്യമം അദ്ദേഹം ഏറ്റെടുക്കുകയും, കുടുംബത്തിലുള്ളവർ അതിന് പൂർണ്ണ പിന്തുണ നൽകുകയും ആയിരുന്നു. എന്റെ പിതാവിന്റെ ആശയമായിരുന്നു കുടുംബ ചരിത്രത്തോടൊപ്പം, കൂരോപ്പടയുടെ ചരിത്രം കൂടി എഴുതണമെന്നുള്ളത്. അങ്ങനെ ഒരു ചരിത്ര പുസ്തകത്തിലേക്കുള്ള യാത്ര ആരംഭിച്ചു.

കൂരോപ്പടയുടെ മണ്ണിൽ മനുഷ്യ സംസർഗ്ഗം തുടങ്ങുന്നത് 900 വർഷങ്ങൾക്ക് മുൻപ് തെക്കുംകൂർ രാജാവിന്റെ സൈനിക സങ്കേതങ്ങളിലൂടെയാണ്. എന്നാൽ മനുഷ്യ വാസം തുടങ്ങുന്നത് 600 വർഷങ്ങൾക്ക് മുൻപാണ്. കുരോപ്പടയിൽ കുടിയേറ്റം വ്യാപകം ആകുന്നത് കഴിഞ്ഞ 300 വർഷങ്ങൾക്കിടയിലാണ്. കൂരോപ്പട കവല ഉണ്ടായിട്ട് ഏകദേശം 100 വർഷമേ ആയിട്ടുള്ളൂ. എന്നാൽ 102 വർഷത്തിന് മുൻപ് താന്നിക്കൽ മാത്തു (കുഞ്ഞപ്പൻ) എന്ന ഞങ്ങളുടെ വല്ല്യ വല്ല്യപ്പച്ചൻ ആയിരുന്നു കൂരോപ്പടയിൽ ആദ്യ വഴിയോര കച്ചവടം തുടങ്ങിയത്. ആ കച്ചവടത്തിന്റെ ശാഖ ആയിട്ടായിരുന്നു കുരോപ്പട കവലയിലെ ആദ്യ വ്യാപാര സ്ഥാപനം ആയ താന്നിക്കൽ സ്റ്റോഴ്സ് 1935-ൽ ശ്രീ റ്റി. എം വർഗ്ഗീസ് എന്ന ഞങ്ങളുടെ വല്ല്യപ്പച്ചനിലൂടെ സ്ഥാപിതമായത്. 

നടപ്പാതകളിൽ നിന്ന് കാളവണ്ടി മൺ വഴികളും, പിന്നീട് മെറ്റൽ ഇട്ട വഴികളും, അത് പുരോഗമിച്ച് ടാറിട്ട റോഡുകൾ ആയതും കഴിഞ്ഞ തലമുറയുടെ പ്രയത്നത്തിന്റെ ഫലമായിരുന്നു എന്നത് അഭിമാനാർഹം തന്നെയാണ്. വഴികളും, വാഹന സൗകര്യങ്ങളും ഒരു നാട്ടിലേക്ക് കൊണ്ടു വരുന്ന വികസനത്തിന്റെ ബാക്കി പത്രയമായിരുന്നു കൂരോപ്പടയിൽ തുടങ്ങിയ വ്യാപാര സ്ഥാപനങ്ങളും, പള്ളിക്കൂടങ്ങളും, ആതുര ശുശ്രൂഷാലയങ്ങളും, ബാങ്കുകളും, സർക്കാർ ഓഫീസുകളുമെല്ലാം. ഈ പുരോഗമനങ്ങൾക്കെല്ലാം കൈകോർത്ത ഒരുപാട് മഹത് വ്യക്തികളെക്കുറിച്ച് ഈ പുസ്തകത്തിൽ പ്രതിപദിക്കുന്നുണ്ട്. കൂരോപ്പടയുടെ വികസനത്തിന് ചുക്കാൻ പിടിച്ച മുൻ MLA-യും, മന്ത്രിയും , മുഖ്യമന്ത്രിയുമായിരുന്ന ദിവംഗതനായ ശ്രീ ഉമ്മൻ ചാണ്ടി സാറിനോടുള്ള കുരോപ്പടക്കാരുടെ സ്നേഹവും, കടപ്പാടും ഈ പുസ്തകത്തിലൂടെ രേഖപ്പെടുത്തിയിരിക്കുന്നു. എന്റെ പിതാവിന്റെ സ്വപ്നമായ ഈ പുസ്തക പ്രകടനത്തിന് എല്ലാ ഭാവുകങ്ങളും നേരുന്നു. ഈ പുസ്തകത്തിന്റെ സൃഷ്ടിയ്ക്കായി ഇതിന്റെ പിന്നാമ്പുറങ്ങളിൽ പ്രവർത്തിച്ച ഓരോ വ്യക്തികളോടുമുള്ള നന്ദിയും കടപ്പാടും എന്റെ പിതാവായ ശ്രീ റ്റി വി മത്തായി അറിയിക്കുന്നതോടൊപ്പം ഈ പുസ്തകം കൂരോപ്പടയിലേയും താന്നിക്കൽ കുടുംബത്തിലെയും വരും തലമുറകൾക്കായി ഈ പുസ്തകം അദ്ദേഹം സമർപ്പിക്കുകയും ചെയ്യുന്നു.

എന്ന് അഭിമാനപൂർവ്വം 

𝑲𝒂𝒓𝒕𝒉𝒊𝒌𝒂 𝑻𝒉𝒂𝒏𝒏𝒊𝒄𝒌𝒂𝒏 

𝐓𝐇𝐀𝐍𝐍𝐈𝐂𝐊𝐀𝐋 𝐅𝐀𝐌𝐈𝐋𝐘

❤️ Karthika Thannickan’s Writing 💛: 🌺🌻 ചോതി 🌸🌼 CHOTHI 🌺🌼

❤️ Karthika Thannickan’s Writing 💛: 🌺🌻 ചോതി 🌸🌼 CHOTHI 🌺🌼: ഓണത്തിന്റെ മൂന്നാം നാൾ...🌺 കുടുംബ ബന്ധങ്ങൾക്കിടയിലുളള കെട്ടുറപ്പുകൾ ഊട്ടിയുറപ്പിക്കുവാനുളള ദിനമായ്‌ ഓണത്തിന്റെ മൂന്നാം നാൾ ആയ ചോതി അറിയപ്പെ...

കമ്പിളികണ്ടത്തെ കൽഭരണികൾ | Book Review

 

നന്ദികുന്നേൽ മേരി 

ബാബു ജോൺ 

നന്ദിക്കുന്നേൽ മേരി… എന്റെ മേരി അമ്മേ!.. നിങ്ങൾ എന്തൊരു സ്ത്രീയാണ്!..  🙏🙏 ഒരു പക്ഷേ എന്റെ വായനകളിൽ ഞാൻ കണ്ടെത്തിയ ഏറ്റവും ശക്തയായ സ്ത്രീകളിൽ ഒരാൾ… 🥹🥹🙏🙏 ഇത് ആരും വായിക്കാതെ പോകരുത് ..🙏

കമ്പിളികണ്ടത്തെ കൽഭരണികൾ | Book Review 

Author: Babu Abraham 

Publisher: Mathrubhumi Books 

Year of Publication: 2025

പുസ്തകം കൈയ്യിൽ കിട്ടിയിട്ട് വായിക്കുവാൻ സാധിച്ചത് ഈ അടുത്തിടയ്ക്കാണ്… ഒരു സുഹൃത്തുമായി അനാഥാലയങ്ങളിൽ നടക്കുന്ന ചൂഷണങ്ങളെക്കുറിച്ച് ഒരു സംവദിച്ചപ്പോൾ വളരെയധികം ഞെട്ടിക്കുന്ന കാര്യങ്ങൾ അറിയുവാൻ ഇടയായി. ആ കാര്യങ്ങൾ ചേർത്ത് വെച്ച് കുറിപ്പെഴുതിയാൽ മറ്റുള്ളവർ അതിനെ എങ്ങനെ സ്വീകരിക്കും എന്ന് ചിന്തിച്ചിരുന്നപ്പോളാണ് ശ്രീ ബാബു എബ്രഹാം എഴുതിയ ബുക്കിന്റെ കാര്യം മനസ്സിലേക്ക് വന്നത്. അത് വായിച്ച് കഴിഞ്ഞപ്പോൾ ഞാൻ എഴുതുവാൻ ആഗ്രഹിച്ചത് സ്വന്തം അനുഭവത്തിലൂടെ അദ്ദേഹം എഴുതി കണ്ടപ്പോൾ വർഷങ്ങൾക്കിപ്പുറവും അനാഥരെ ചൂഷണം ചെയ്യുവാൻ നമ്മുടെ നാട്ടിലെ സഭകളും, മത മേലധ്യക്ഷന്മാരുമൊക്കെ മത്സരിക്കുന്നു എന്നതിൽ അതിശയപ്പെടേണ്ട ഒന്നല്ലെന്നും, സമൂഹത്തിൽ ഒട്ടുമിക്ക മനുഷ്യരും ഇ ചൂഷണത്തെക്കുറിച്ച് അറിവുള്ളവരാണെന്നും, എല്ലാം ദൈവത്തിന്റെ മറയിൽ ഇല്ലാതാക്കുന്നു എന്നും മനസ്സിലായി. 

ഇനി നമുക്ക് കമ്പിളികണ്ടത്തേക്ക് പോകാം. അവിടെ മേരി അമ്മയും കുട്ടികളും ഒരു ചെറ്റക്കുടിലിൽ ജീവിതത്തോട് പടപൊരുതുകയാണ്. മദ്യപാനിയായ ഭർത്താവിന്റെ ഉപദ്രവത്തിനിടയിലും, ഉത്തരവാദിത്വമില്ലായ്മക്കിടയിലും മൂന്ന് പെൺമക്കളും ഒരു ആൺകുട്ടിയുമുള്ള ആ കുടുംബത്തെ പട്ടിണിയിൽ നിന്ന് കരകയറ്റുവാൻ രാവന്തിയോളം ആ അമ്മ കൂലി പണി ചെയ്യുകയാണ്. ഭർത്താവ് വാങ്ങിയ കടത്തിന്മേൽ വീട് ജപ്തി ആകുമെന്ന് ആകുമ്പോൾ അയാൾ ആ ഭാര്യയേയും, മക്കളേയും ഉപേക്ഷിച്ചു പോവുകയാണ്…. അയാൾ ഇറങ്ങി പോകുമ്പോൾ, “ഞങ്ങൾക്കിനി ആരുണ്ട്!” എന്ന് ആ സ്ത്രീ നിലവിളിക്കുന്നുണ്ട്. പക്ഷേ ഒരു പുരുഷന് തന്റെ ഉത്തരവാദിത്വത്തിൽ നിന്ന് എത്ര വേഗം ഇറങ്ങി പോകാം എന്ന് അയാളിലൂടെ നമുക്ക് കാണിച്ച് തരുന്നു. അവിടെ അയാൾക്ക് തന്നെ വിശ്വസിച്ച് കൂടെ വന്ന ആ പാവം സ്ത്രീയോ, താൻ മൂലം ജന്മം കൊണ്ട ആ നാല് കുഞ്ഞുങ്ങളോ അയാൾക്ക് ഒരു ബാധ്യതയായി തോന്നിയില്ല…

ഒരു പെണ്ണ് തനിയെ ജോലി ചെയ്ത് ജീവിക്കുന്നത് ആ കാലത്ത് കുറച്ചിലായി കണ്ടിരുന്നതിനാൽ അമ്മയേം മക്കളേയും രണ്ടിടങ്ങളിൽ മാറ്റി പാർപ്പിക്കുവാൻ ബന്ധുക്കളും പള്ളി അധികാരികളും തുനിഞ്ഞപ്പോൾ , ഈ ലോകത്തിൽ നിങ്ങളാരും എന്റെയും എന്റെ കുഞ്ഞുങ്ങളുടേയും കാര്യങ്ങൾ തീരുമാനിക്കില്ല “ എന്ന് നെഞ്ചുറപ്പോടെ പറയുന്നിടത്ത് ആ അമ്മയുടെ ധൈര്യം നമ്മൾ കാണുന്നു.. എന്നാൽ മക്കളെ നോക്കാൻ നിർവാഹം ഇല്ലാതാകുമ്പോൾ, ജപ്തിയെ ഭയന്ന് ആത്മഹത്യ ചെയ്യുവാൻ ആ മക്കളേയും കൂട്ടി അമ്മ ഡാമിന്റെ മുകളിലേക്ക് നടക്കുമ്പോൾ ആ അമ്മയുടെ നിസ്സഹായാവസ്ഥയും നമ്മൾ കാണുന്നു. മരണത്തിൽ നിന്ന് ജീവിതത്തിലേക്ക് നടന്നു കയറിയ ആ നാൾ മുതൽ അവർ തന്റെ കുഞ്ഞുങ്ങൾക്കായി പോരാടുവാൻ തുടങ്ങി… നാട്ടിലെ ബന്ധുക്കളോട്, ആണുങ്ങളോട് പട വെട്ടി, പട്ടിണി കിടന്ന്, മുണ്ട് മുറുക്കിയിടുത്ത് മക്കളെ പഠിപ്പിച്ചു … ഇടിഞ്ഞ് വീഴാറായ വീടിന്റെ പണി നടത്തുന്ന സമയത്ത് കുഞ്ഞുങ്ങളെ അനാഥാലയത്തിൽ ആക്കേണ്ടി വന്നപ്പോൾ ആ അമ്മ എത്ര വേദനിച്ചിട്ടുണ്ടാകും… പക്ഷേ ഒരു കാര്യത്തിൽ മാത്രം ആ അമ്മ ആശ്വസിച്ചു, “എന്റെ കുഞ്ഞുങ്ങൾക്ക് വയറ് നിറച്ച് മൂന്ന് നേരം ആഹാരം കിട്ടും.”

ഇനിയാണ് ഞാൻ പറയുവാൻ ആഗ്രഹിച്ചതും, ശ്രീ ബാബു എബ്രഹാം പറയുവാൻ ആഗ്രഹിച്ച കാര്യവുമായി സമാനതകൾ ഉള്ളത്. അനാഥാലയങ്ങൾ സഭയ്ക്കും, സഭയുടെ കീഴിലുള്ള സ്ഥാപനങ്ങൾക്കും, ആ സഭയിലുള്ള പുരോഹിതന്മാർക്കും, കന്യാ സ്ത്രീകൾക്കുമൊക്കെ സുഭിഷമായി ജീവിക്കുവാനും, വളരുവാനുമുള്ള വിളനിലങ്ങൾ മാത്രമാണ്. അനാഥാലയങ്ങളുടെ പേരിൽ വിദേശങ്ങളിൽ നിന്നും സ്വദേശങ്ങളിൽ നിന്നും കിട്ടുന്ന ഫണ്ടുകളിലൂടെ അവിടുത്തെ പാവപ്പെട്ട കുട്ടികൾക്ക് ഒരു പ്രയോജനവും ലഭിക്കുന്നില്ല. നല്ല ഭക്ഷണമോ, അവർ ചെയ്യുന്ന ജോലികൾക്കുള്ള കൂലിയോ അവർക്ക് ലഭിക്കുന്നില്ല. ചിക്കൻ കറി എന്ന പേരിൽ എല്ലും, കുറെ തൊലി പോലും കളയാത്ത വാഴയ്ക്കയും, ഉരുളക്കിഴങ്ങും വെച്ച കറികൾ അവർക്ക് ലഭിക്കും. അതിൽ ചിലപ്പോൾ പുഴുക്കൾ വരെയുണ്ടാകും.. നിവൃത്തികേട് കൊണ്ട് ആ പാവം കുട്ടികൾ അത് കഴിക്കുന്നു. ഈ ചിക്കൻ കറിക്ക് വേണ്ടി അവർ ചെയ്തിരുന്നത് സെപ്റ്റിക് ടാങ്കിലെ വിസർജ്ജ്യം ഒരു കുട്ടയിൽ തല ചുമടായി കൊണ്ട് പോയി തോട്ടങ്ങളിൽ ഇടുക എന്നതായിരുന്നു. ആ വിസർജ്യങ്ങൾ അവരുടെ മുഖത്ത് കൂടിയും, ദേഹത്ത് കൂടിയും ഒഴുകുമ്പോൾ അവരുടെ മനസ്സിൽ അന്ന് കിട്ടുവാൻ ഇരിക്കുന്ന ചിക്കൻ കറിയുടെ രുചി മാത്രമാണ്. അവിടെയുള്ള പണികൾ എല്ലാം ചെയ്താലും ഒരു വേതനവും അവർക്ക് ലഭിക്കില്ല. എന്റെ സുഹൃത്ത് പറയുകയായിരുന്നു, അനാഥാലയത്തിൽ നിന്ന് കുട്ടികളെ പള്ളിയിൽ അച്ചന്മാരുടെ വീട്ടിൽ പണിക്ക് വിടും, അല്ലെങ്കിൽ അവരുടെ ബിസിനസ്സ് സ്ഥാപനങ്ങളിൽ പണിക്ക് വെക്കും. അവിടെയും മൂന്ന് നേരത്തെ ആഹാരമല്ലാതെ മറ്റൊന്നും അവർക്ക് ലഭിക്കില്ല. പിന്നെ ആണായാലും പെണ്ണായാലും പീഡനങ്ങൾ വേറെയും. ആരും ചോദിക്കാൻ ഇല്ലാത്ത ആ പാവങ്ങളോട്, പോകുവാൻ ഒരിടം ഇല്ലാത്തവരോടുള്ള ചൂഷണം എത്ര അധികമാണെന്ന് ഈ ലോകം അറിയേണ്ടതുണ്ട്.. ഈ പുസ്തകത്തിലും അനാഥാലയത്തിലെ ചൂഷണത്തെക്കുറിച്ച് വളരെ ഹൃദയ ഭേദകമായി അദ്ദേഹം കുറിക്കുന്നുണ്ട്.

തന്റെ ക്യാൻസർ രോഗം മറച്ച് വെച്ച് തന്റെ മക്കൾക്ക് വേണ്ടി ജീവിച്ച് അവർ മരണത്തെ പുൽകുമ്പോൾ ആ അമ്മയുടെ ത്യാഗം വാക്കുകൾക്കും അതീതമാകുന്നു. അവരെ വായിക്കുന്തോറും, ഓരോ പേജ് മറിക്കുമ്പോഴും തിരികെ പോയി ഞാൻ ആ അമ്മയുടെ മുഖത്തേക്ക് നോക്കും… കാരണം അവരെന്നെ അതിശയിപ്പിച്ചുകൊണ്ടേയിരുന്നു. അവരെന്നെ ഏറ്റവും അതിശയിപ്പിച്ചത് ഈ ഒരു ഭാഗത്താണ്, “തങ്ങളെ ഉപേക്ഷിച്ച് പോയ തന്റെ ഭർത്താവ് തിരികെ വന്നപ്പോൾ അവർ എടുത്ത ഒരു നിലപാട്… മക്കൾ അപ്പനെ വീട്ടിൽ കയറ്റുവാൻ വിസമ്മതിച്ചപ്പോൾ.. ആ അമ്മ പറഞ്ഞു “ഇനി മുതൽ അപ്പൻ ഇവിടെയുണ്ടാകും, ആർക്കെങ്കിലും എതിർപ്പുണ്ടെങ്കിൽ അവർക്ക് ഇവിടെ നിന്ന് ഇറങ്ങി പോകാം..” സ്വന്തം മക്കൾക്ക് ക്ഷമയുടെ, ബഹുമാനത്തിന്റെ വലിയ പാഠങ്ങൾ ആ അനുഭത്തിലൂടെ ആ അമ്മ അവരെ പഠിപ്പിക്കുക ആയിരുന്നു. 

ഈ പുസ്തകം ശ്രീ ബാബു എബ്രഹാമിന്റെ ആത്മ കഥയാണ്… അദ്ദേഹവും അദ്ദേഹത്തിന്റെ കുടുംബവും കടന്നു പോയ യാതനകൾ, പട്ടിണി, ജീവിതത്തിന്റെ കഠിനമായ പരീക്ഷണങ്ങൾ, എല്ലാം അതിജീവിച്ച്, ജീവിതത്തിൽ ഇന്ന് ഫ്രാൻസിൽ അസോസിയേറ്റ് പ്രൊഫസറായി ജീവിക്കുമ്പോഴും, ആ ഓർമ്മകൾ ഇന്നും അദ്ദേഹത്തെ വീർപ്പ് മുട്ടിക്കുന്നു എന്ന് അദ്ദേഹത്തിന്റെ ഓരോ വരികളിൽ നിന്നും വ്യക്തമാണ്. കാരണം അതെല്ലാം ഒരിക്കലും മറക്കുവാൻ പറ്റാത്ത “ട്രോമകൾ” ആണ്. സഫാരി ചാനലിൽ അദ്ദേഹത്തിന്റെ ഇന്റർവ്യൂ കണ്ടപ്പോൾ, പലയിടങ്ങളിലും അദ്ദേഹം വിങ്ങി പൊട്ടുകയാണ്. ആ വേദനയുടെ ആഴം എത്ര അധികമായിരുന്നു എന്ന് നമുക്കൊന്നും ഊഹിക്കാൻ കൂടി സാധിക്കില്ല..😔😔😢😢 ഈ പുസ്തകം വായിച്ച് കഴിഞ്ഞപ്പോൾ ഞാൻ ആദ്യം ചെയ്തത് മേരി അമ്മയുടെ ആത്മാവിനെ ചേർത്ത് പിടിച്ച് കരയുകയാണ് ചെയ്തത്. ആത്മഹത്യ ചെയ്യാതെ ആ കുഞ്ഞുങ്ങൾക്ക് വേണ്ടി ജീവിച്ചതിൽ നന്ദി പറയുകയാണ് ചെയ്തത്. ഈ പുസ്തകം എഴുതിയതിന് സർ അങ്ങയോടും നന്ദി പറയുന്നു. 🥹🙏 ഇന്നും ഒരുപാട് അമ്മമാർ, കുഞ്ഞുങ്ങൾ കടന്നു പോകുന്ന അവസ്ഥയാണിത് ..😢

വായിക്കുവാൻ അറിയാവുന്ന ഓരോ മനുഷ്യരും ഈ പുസ്തകം വായിക്കണം. കാരണം ഇതൊക്കെയാണ് ജീവിതം…🙏🥹

MUST READ BOOK 

Karthika Thannickan 

മെഡിക്കൽ കോളേജുകളിൽ പുഴുവരിക്കപ്പെടുന്ന ജീവിതങ്ങൾ …😠😠😡😡

 

തിരുവനന്തപുരം മെഡിക്കൽ കോളേജിൽ ആക്സിഡൻറ് മൂലം അഡ്മിറ്റ് ആയി, കാലിൽ സർജറി കഴിഞ്ഞ ഒരു രോഗിയുടെ മുറിവിൽ പുഴു കണ്ടതായ വാർത്ത കണ്ടപ്പോൾ ശരിക്കും അവിടെയുള്ള രോഗികൾക്കൊക്കെ എന്ത് സേഫ്റ്റി ആണുള്ളതെന്ന് ചിന്തിച്ചു പോയി!… അതും ICU-വിൽ നിന്ന് ഷിഫ്റ്റ് ചെയ്യപ്പെട്ട രോഗിയുടെ മുറിവിലാണ് ഈ പുഴുക്കൾ കണ്ടത് എന്നത് അതിലേറെ ലജ്ജാകരം.

മുറിവ് വൃത്തിയായി സൂക്ഷിക്കാത്തതുകൊണ്ടോ, അണുബാധ മൂലമോ ആണ് രോഗിയുടെ മുറിവിൽ പുഴുക്കൾ ഉണ്ടാകുന്നത്. ഈച്ചകൾ മുറിവിലെ അഴുക്കിലും ദുർഗന്ധത്തിലും ആകർഷിക്കപ്പെടുകയും, മുട്ടയിടുകയും, പിന്നീട് അത് പുഴുക്കളായി മാറുകയും ചെയ്യുന്നു. 

പാവപ്പെട്ട മനുഷ്യരും, മറ്റ് ആശുപത്രികൾ സ്വീകരിക്കാത്ത അതി ഗുരുതരമായ അവസ്ഥയിലുള്ള രോഗികളുമാണ് ഇവിടെ ചികിത്സ നേടുന്നത്. ഇന്നത്തെ വാർത്തയിൽ പറഞ്ഞത് പ്രകാരം പുഴുക്കൾ ഉണ്ടെന്ന് നേഴ്സിനോട് ചെന്ന് പറഞ്ഞപ്പോൾ അത് വളരെ സാധാരണമാണെന്ന രീതിയിൽ പ്രതികരിച്ചുവെന്നും, മണിക്കൂറുകൾ കഴിഞ്ഞാണ് ആ രോഗിയെ വന്ന് നോക്കിയതെന്നും ബന്ധുക്കൾ പറയുന്നു. 

1:4 or 1:6 നേഴ്സ്: രോഗികളുടെ അനുപാതം വേണ്ടയിടത്ത്, 1:50 ആണ് മെഡിക്കൽ കോളേജുകളിലെ വാർഡുകളിൽ എന്നാണ് അറിയുവാൻ കഴിഞ്ഞത്. അപ്പോൾ ആ നേഴ്സുമാർ എങ്ങനെ ഈ രോഗികളെയെല്ലാം പരിചരിക്കുന്നു എന്നത് ശ്രമകരവും, വിഷമം പിടിച്ചതുമായ ജോലി ആണെന്നുള്ളത് മറുവശത്ത്. എന്നിരുന്നാലും ICU-വിൽ 1:1 നേഴ്സ് രോഗി അനുപാതം ഉള്ളപ്പോൾ ഒരു രോഗിയുടെ മുറിവിൽ നിന്ന് പുഴു വരുന്നു എന്നത് ഗുരുതരമായ വീഴ്ച്ച തന്നെയാണ്. പക്ഷേ അവിടെയും ഗവണ്മെന്റ് ആശുപത്രികളിൽ ICU-വിൽ 1:6 - 1:8 വരെ നേഴ്സ്-രോഗി അനുപാതം എന്ന് പറയപ്പെടുന്നു. സ്റ്റാഫ് ഷോർട്ടേജ് എന്നത് അത് ഡോക്ടർമാർ, നേഴ്സുമാർ, ഫിസിയോ, ഫാർമസി അങ്ങനെ എല്ലാ വിഭാഗങ്ങളിലും നമ്മുടെ ഗവൺമെന്റിന്റെ കീഴിൽ ഉള്ള എല്ലാ ആരോഗ്യ കേന്ദ്രങ്ങളിലും ആ കുറവ് ഉണ്ടെന്നുള്ളത് എല്ലാ ഭരണാധികാരികൾക്കും, ജനങ്ങൾക്കും അറിവുള്ള സത്യവും. ഈ ഒഴിവുകൾ എത്രയും വേഗം നികക്കണമെന്നും, ആരോഗ്യ മേഖലയിൽ ഏറ്റവും സുതാര്യവും, മികവുറ്റതുമായ ശുശ്രൂഷ ഉറപ്പ് വരുത്തേണ്ടതും ഈ നാട്ടിലെ ഗവൺമെന്റിന്റെ ഉത്തരവാദിത്വമാണ്. 

വലിയ വലിയ ആശുപത്രികളിലെ ഭീമമായ ആരോഗ്യ ചിലവുകളെ പേടിച്ച് ഗവൺമെന്റ് ആശുപത്രികളിൽ അഭയം തേടുന്ന മനുഷ്യരെ സംരക്ഷിക്കേണ്ടത് നമ്മുടെ ഗവൺമെന്റിന്റെ ഉത്തരവാദിത്വം തന്നെയാണ്. ബഹുമാനപ്പെട്ട ആരോഗ്യമന്ത്രി അതിനുള്ള നടപടികൾ സ്വീകരിക്കുമെന്ന് തന്നെ വിശ്വസിക്കാം..🙏

പ്രതീക്ഷയോടെ 🙏

𝓚𝓪𝓻𝓽𝓱𝓲𝓴𝓪 𝓣𝓱𝓪𝓷𝓷𝓲𝓬𝓴𝓪𝓷

കുഞ്ഞേ മാപ്പ്!..😢😔😔

നിയമ വ്യവസ്ഥിതിയോട് ചില ചോദ്യങ്ങൾ!!. 

 ഒന്നര വയസ്സുള്ള കുഞ്ഞിന്റെ ദാരുണാന്ത്യത്തിന്റെ വാർത്ത കണ്ട് ഹൃദയം നുറുങ്ങുന്നു. 91 മുറിവുകൾ ആ പിഞ്ചു ശരീരത്തിൽ ഉണ്ടാക്കിയ ആ കാട്ടാളൻ ഒരു കൊടും ക്രിമിനൽ ആണെന്നുള്ളതിൽ സംശയമില്ല. അതിനേക്കാൾ ഞെട്ടിച്ചത് സ്വന്തം അമ്മയും ഈ കൊടും ക്രൂരതക്ക് കൂട്ട് നിന്നുവെന്നതാണ്. 

ആമിന എന്ന തന്റെ ആദ്യ ഭാര്യയെ അയാൾ ക്രൂരമായി ശരീകമായും ലൈംഗികമായും പീഢിപ്പിച്ച വാർത്തകൾ മനസ്സാക്ഷിയെ തന്നെ ഞെട്ടിക്കുന്നതാണ്. അയാളുടെ പീഢനം മൂലം കഴിഞ്ഞ രണ്ട് വർഷത്തോളമായി ആ പെൺകുട്ടി കോമയിൽ ആയിരുന്നുവെന്നും, അതിൽ പോലീസിന് പല തവണ ആ പെൺകുട്ടിയുടെ മാതാപിതാക്കൾ പരാതി നല്കിയിട്ടും, ഒരു നിയമ നടപടിയും ഉണ്ടായിട്ടില്ലെന്നുള്ളത് എത്ര ലജ്ജാകരമാണ്. 

ആമിന എന്ന പെൺകുട്ടിയുടെ ഉമ്മ പറയുന്നത് അയാളുടെ അമ്മയും, സഹോദരിയും ആമിനയെ പീഢിപ്പിക്കുന്നതിൽ കൂട്ട് നിന്നുവെന്നാണ്. ഗാർഹിക പീഢനങ്ങൾ ഏറ്റ് വാങ്ങുന ഒരുപാട് സ്ത്രീകൾ നമ്മുടെ സമൂഹത്തിൽ ഉണ്ട്. അതും പതിനെട്ടാം വയസ്സിൽ പഠനം പൂർത്തിയാക്കാതെ, ഒരു ജോലി പോലുമില്ലാതെ കുടുംബത്തിന്റെ ഭാരം ഒഴിച്ച് വിടുവാൻ കെട്ടിച്ച് അയക്കുന്ന പെൺകുട്ടികളാണ് ഏറെ പീഢനങ്ങൾക്ക് ഇരയാകുന്നത്. 

സംരക്ഷണം നൽകേണ്ട പോലീസിന്റെ അനാസ്ഥ ഇന്ന് ഒന്നര വയസുള്ള മറ്റൊരു ജീവനും കൂടി നഷ്ടപ്പെടുവാൻ കാരണമായിരിക്കുന്നു. ആ കുഞ്ഞിന്റെ സുരക്ഷയെ സംബന്ധിച്ച് ആ കുഞ്ഞിന്റെ ഗ്രാൻഡ് പേരന്റ്സ് നൽകിയ പരാതിയെങ്കിലും കാര്യക്ഷമമായി പരിഗണിച്ചിരുന്നെങ്കിൽ ആ കുഞ്ഞിന്ന് ജീവനോടെ ഉണ്ടാകുമായിരുന്നു. 

പാവം കുഞ്ഞ് എത്ര വേദന സഹിച്ചിട്ടുണ്ടാകും…😔😔 എത്രയധികം പേടിച്ചായിരിക്കും ആ കുഞ്ഞ് ആ വീട്ടിൽ കഴിഞ്ഞിരുന്നത്…😢😢 വേദനകൾ ഇല്ലാത്ത ലോകത്ത് നീ ഇപ്പോൾ സുഖമായിരിക്കുന്നു, സന്തോഷമായിരിക്കുന്നു. വേദനിക്കുവാൻ വേണ്ടി മാത്രം എന്തിനാണ് ദൈവമേ നീ ആ കുഞ്ഞിനെ ഈ ഭൂമിയിലേക്ക് അയച്ചത്??

ഗാർഹിക - ലൈംഗിക പീഢനങ്ങൾക്ക് എതിരെ ശക്തമായ നിയമ സംവിധാനങ്ങൾ വരണം… കുട്ടികളുടെ സംരക്ഷണം ശക്തമായ നിയമ വ്യവസ്ഥിതിയിലൂടെ ഉറപ്പ് വരുത്തണം… നിയമം സംരക്ഷിക്കേണ്ടവരുടെ അനാസ്ഥക്കെതിരെ ശക്തമായ നടപടികൾ സ്വീകരിക്കണം. 

പ്രതീക്ഷയോടെ 🙏

𝓚𝓪𝓻𝓽𝓱𝓲𝓴𝓪 𝓣𝓱𝓪𝓷𝓷𝓲𝓬𝓴𝓪𝓷

ആർത്തവ അവധി!… ഒരു പെൺകുഞ്ഞിന്റെ അവകാശം!..💪💪

ആർത്തവ അവധി പ്രഖ്യാപിച്ച് മണിക്കൂറുകൾക്കുള്ളിൽ അതിനെ പ്രതിരോധിക്കുന്നത് വിവരവും വിദ്യാഭ്യാസവുമുള്ള സ്ത്രീകളാണെന്ന് കാണുമ്പോൾ ശരിക്കും അതിശയവും, അമർഷവും തോന്നുന്നു.

എനിക്കും ഒരു മകളാണ്. അവൾ വളരുന്തോറും എന്റെ മനസ്സിലെ ആകുലത അവൾ എങ്ങനെ ആർത്തവം എന്ന അവസ്ഥയെ സ്വീകരിക്കും, അതിജീവിക്കും എന്നതാണ്. കാരണം ആർത്തവം എന്നത് ഏഴ് ദിവസത്തെ രക്തസ്രാവം മാത്രമല്ല, അതിനോട് അനുബന്ധിച്ചുള്ള വയറ് വേദന, അസ്വസ്ഥതകൾ, മൂഡ് സ്വിങ്സ്, ക്ഷീണം, സ്തനങ്ങളിൽ അനുഭവപ്പെടുന്ന വേദന, നടു വേദന, ചിലർക്ക് വയറിളക്കം, ചിലർക്ക് മലബന്ധം, മറ്റു ചിലർക്ക് ശർദ്ദി, തലകറക്കം അങ്ങനെ ഒരുപാട് ആരോഗ്യ പ്രശ്നങ്ങളിലൂടെ പെൺകുട്ടികൾ കടന്നു പോകേണ്ട ഒന്നാണ്. ഈ സമയത്ത് അവർക്ക് വേണ്ടത് വിശ്രമം ആണ്. അത് ഒരു പെൺകുഞ്ഞിന്റെ അവകാശം ആണ്. 

അവകാശങ്ങൾ എങ്ങനെ നാണക്കേട് ആകും. അത് നേടേണ്ടതും, നേടിയെടുക്കപ്പെടേണ്ടതും ആണ്. 

ഇന്ന് പെൺകുഞ്ഞുങ്ങൾക്ക് 8 വയസ്സ് മുതൽ ആർത്തവം ആരംഭിക്കുന്ന സാഹചര്യമുണ്ട്. കുട്ടികൾക്ക് വളരെ ചെറു പ്രായത്തിലേ ആർത്തവം വരുന്നത് കൊണ്ട് പെണ്മക്കൾ ഉള്ള എല്ലാ അമ്മമാരും എപ്പോഴും പ്രാർത്ഥിക്കുന്നത്, അല്ലെങ്കിൽ ആഗ്രഹിക്കുന്ന ഒന്ന്, “എന്റെ മകൾക്ക് കുറച്ച് പാകത വന്നിട്ടേ ആർത്തവം ആകാവൂ.” എന്നാണ്. ചെറു പ്രായത്തിൽ ആർത്തവം വരുമ്പോൾ അവർ കടന്നു പോകേണ്ട വേദനയും, ബുദ്ധിമുട്ടുകളുമാണ് മിക്ക അമ്മമാരെക്കൊണ്ടും ഇങ്ങനെ ചിന്തിപ്പിക്കുന്നത്.

സാമൂഹിക പ്രതിബന്ധത ഉള്ള ഒരു നേതാവും, ഒരു സ്ത്രീ പുരോഗമന വാദിയും ആർത്തവ അവധി പ്രഖ്യാപനത്തെ ഒരു നാണക്കേടായി കാണുകയില്ല. ഒരു സ്ത്രീയായി ജനിച്ച് ജീവിക്കുന്ന ഓരോരുത്തരും കടന്നു പോകുന്ന അവസ്ഥയാണ് ആർത്തവം. അത് നാണക്കേടല്ല, സ്വകാര്യതയല്ല മറിച്ച് ഒരു സ്വാഭാവിക പ്രക്രിയ മാത്രമാണ്. 

പണ്ട് കാലങ്ങളിൽ കേരളത്തിലെ പഴയ വീടുകളിൽ ആർത്തവ സമയത്ത് സ്ത്രീകളെ വീടിനുള്ളിലെ മുറികളിലോ പ്രത്യേക ‘പുരകളിലോ’ മാറ്റിപ്പാർപ്പിച്ചിരുന്നു. ഈ ദിവസങ്ങളിൽ അടുക്കളയിൽ കയറുവാനും അനുവദിച്ചിരുന്നില്ല. ശരിക്കും പറഞ്ഞാൽ ആ ആചാരങ്ങൾ ആർത്തവമുള്ള ഏഴ് ദിവസം അവർക്ക് വിശ്രമം അനുശാസിക്കുന്ന ആചാരങ്ങൾ ആയിരുന്നു. എന്നാൽ ഇന്ന് വിദ്യാഭ്യാസവും, ജോലിയുമൊക്കെ നേടിയ സ്ത്രീകൾ “ആർത്തവ അവധി” നാണക്കേടായി മാറുന്നത് ഒരു വിരോധാഭാസം തന്നെ…🙄🙄

ആർത്തവത്തെക്കുറിച്ച് മാതാപിതാക്കൾ നൽകുന്ന അവബോധം ആകട്ടെ കുട്ടികൾക്കുള്ള ആദ്യ പാഠം. അതുപോലെ 

ആൺകുട്ടികൾക്കും പെൺകുട്ടികൾക്കും ഒരുമിച്ച് സ്കൂളുകളിൽ ആർത്തവത്തെക്കുറിച്ചും, ലൈംഗികതയെക്കുറിച്ചും അവബോധ ക്ലാസുകൾ എടുക്കുന്നത് വഴി ആർത്തവം എന്നത് സ്വകാര്യതയല്ല എന്നും അതൊരു സ്വാഭാവിക പ്രക്രിയയാണെന്നുമുള്ള ചിന്താഗതി കുട്ടികളിൽ ചെറുപ്പം മുതലേ വേരൂന്നുവാൻ സഹായിക്കും.

ആർത്തവ അവധി!… ഒരു പെൺകുഞ്ഞിന്റെ അവകാശം!..💪💪എന്ന് ഉറക്കെ പ്രഖ്യാപിക്കുന്നു.🙏

അഭിമാനത്തോടെ 🙏🥰

𝓚𝓪𝓻𝓽𝓱𝓲𝓴𝓪 𝓣𝓱𝓪𝓷𝓷𝓲𝓬𝓴𝓪𝓷

“മഴ” പോലും ചൂടായി മാറി കേരളം!…😓😰🥵😓

 നാട്ടിലെ കാലാവസ്ഥാ വ്യതിയാനത്തിന് കാരണമായ സാഹചര്യത്തെക്കുറിച്ച് അറിയണമെന്ന് തോന്നിയപ്പോൾ വായിച്ചറിഞ്ഞ കാര്യങ്ങൾ ഇവിടെ പങ്കു വെക്കുന്നു…🥰🙏

കേരളത്തിൽ ഈ വർഷം (2026) അനുഭവപ്പെടുന്ന കനത്ത ചൂടിനും ഉഷ്ണതരംഗത്തിനും പ്രധാനമായും പ്രകൃതിദത്തവും മനുഷ്യനിർമ്മിതവുമായ ഘടകങ്ങളാണുള്ളത്. എൽ നിനോ പ്രതിഭാസം (El Niño), അർബൻ ഹീറ്റ് ഐലൻഡ് പ്രതിഭാസം, അന്തരീക്ഷത്തിലെ ആന്റിസൈക്ലോൺ എന്നിവയാണ് പ്രധാന കാരണങ്ങൾ. 

• എൽ നിനോ (El Niño): ശാന്തസമുദ്രത്തിലെ താപനിലയിലുണ്ടാകുന്ന വർദ്ധനവ് (El Niño) കേരളത്തിലെ വേനൽമഴ കുറയ്ക്കുകയും ചൂട് വർദ്ധിപ്പിക്കുകയും ചെയ്യുന്നു.
• അർബൻ ഹീറ്റ് ഐലൻഡ് (Urban Heat Island): നഗരങ്ങളിലെ കോൺക്രീറ്റ് കെട്ടിടങ്ങൾ, ടാറിട്ട റോഡുകൾ, പച്ചപ്പിന്റെ കുറവ്, എന്നിവ താപം ആഗിരണം ചെയ്യുകയും രാത്രിയിലും ചൂട് നിലനിർത്തുകയും ചെയ്യുന്നു.
• ആന്റിസൈക്ലോൺ (Anticyclone): വടക്കൻ കർണാടകയ്ക്കും മഹാരാഷ്ട്രയ്ക്കും മുകളിലുള്ള ആന്റിസൈക്ലോൺ (ഉയർന്ന മർദ്ദ മേഖല) ചൂടുകാറ്റ് കേരളത്തിലേക്ക് എത്തുന്നതിനും അന്തരീക്ഷത്തിൽ ചൂട് കുടുങ്ങിക്കിടക്കുന്നതിനും (Heat Dome) കാരണമാകുന്നു.
• വേനൽമഴയുടെ കുറവ്: ഡിസംബർ, ജനുവരി മാസങ്ങളിൽ ലഭിക്കേണ്ട മഴ ലഭിക്കാത്തത് ഫെബ്രുവരി മുതൽ തന്നെ ചൂട് വർദ്ധിക്കാൻ കാരണമായി.
• സൂര്യൻ നേരിട്ടു വരുന്നു: മാർച്ച്, ഏപ്രിൽ മാസങ്ങളിൽ സൂര്യൻ ഭൂമധ്യരേഖയ്ക്ക് മുകളിലൂടെ വടക്കോട്ട് സഞ്ചരിക്കുമ്പോൾ കേരളത്തിന് മുകളിൽ സൂര്യരശ്മികൾ നേരിട്ട് പതിക്കുന്നു.
• ഉയർന്ന ആർദ്രത (Humidity):അറബിക്കടലിൽ നിന്നുള്ള ഈർപ്പമുള്ള കാറ്റ് അന്തരീക്ഷത്തിലെ ആർദ്രത വർദ്ധിപ്പിക്കുകയും, ഇത് യഥാർത്ഥ താപനിലയേക്കാൾ കൂടുതൽ ചൂട് അനുഭവപ്പെടാൻ കാരണമാവുകയും ചെയ്യുന്നു

മരങ്ങളും, പച്ചപ്പും പ്രകൃതിയുടെ താപനിലയുടെ സന്തുലനാവസ്ഥക്ക് അത്യന്താപേക്ഷിതമാണെന്ന് എല്ലാവർക്കും അറിയാം!.. ആ മരങ്ങൾ മഴയ്ക്കും കാരണം ആകുന്നുവെന്നും നമ്മൾക്ക് അറിയാം!.. പക്ഷേ നമ്മൾ നഗര വൽക്കരണത്തിന്റെ ഭാഗമായി ആ മരങ്ങൾ വെട്ടി, കാട് തെളിച്ച് ശീതീകരിച്ച മുറികളിലേക്ക് കയറുന്നു… എത്രയോ ദേശങ്ങൾ ഇപ്പോൾ കുടിവെള്ളം ഇല്ലാതെ വരളുന്നു.. ശിതീകരണ സൗകര്യങ്ങൾ ഇല്ലാത്ത വീടുകൾ വേനൽ ചൂടിൽ ചുട്ടു പൊള്ളുന്നു!.. 

ഈ ഭൂമി ഭാവിയിൽ ഭാവിയിൽ അനുഭവിക്കുവാൻ പോകുന്നത് വരൾച്ചയും, കുടിവെള്ള ക്ഷാമവും, ശുദ്ധവായും ഇല്ലായ്മയുമൊക്കെയാണെന്ന് ആരൊക്കെയോ പറഞ്ഞത് അർത്ഥവർത്താകുന്നത് പോലെയാണ് ഇപ്പോഴുള്ള കാലാവസ്ഥ വ്യതിയാനങ്ങൾ!.. ഇനിയും നമ്മൾ വൈകിയിട്ടില്ല.. ഈ ഭൂമിയെ സംരക്ഷിക്കുവാൻ ഒരു 🌳 “മരം” 🌳എങ്കിലും നമ്മുടെ വീട്ടു വളപ്പിലും, പാതയോരത്തും ഒക്കെ നടുവാൻ ഓരോ പൗരന്മാരും, നേതാക്കളും ഉത്സുകാരകട്ടെ..🙏

നല്ലൊരു നാളേക്ക് പ്രതീക്ഷയോടെ..💚

കാർത്തിക താന്നിക്കൻ 

✨✨70th Wedding Anniversary ✨✨

 ദാമ്പത്യ ജീവിതത്തിൽ 70 വർഷങ്ങൾ തികയ്ക്കുന്ന പാലക്കൽ തറവാട്ടിലെ (വാലേൽ പീടികയിൽ) പി എം ഏബ്രഹാം, പൊന്നമ്മ ഏബ്രഹാം എന്ന 

ഞങ്ങളുടെ അപ്പച്ചനും അമ്മച്ചിയും.. 💝💝

ദൈവ കൃപയുടെ അനന്തമായ അനുഗ്രഹത്തിന് സാക്ഷിയാകുവാൻ ഞങ്ങൾക്കും സാധിച്ചു എന്നത് കൊച്ച് മക്കൾ എന്നതിൽ ഞങ്ങളും അത് ഭാഗ്യമായി കാണുന്നു.✨✨💝💝🙏🙏

ഇനി വരുന്ന തലമുറകൾക്ക് 70 വർഷത്തെ വൈവാഹിക ജീവിതമൊക്കെ ഒരു കേട്ടുകേൾവി മാത്രമായിരിക്കും. കാരണം പുതിയ ജീവിത സാഹചര്യത്തിൽ 60-70 വയസ്സിനുള്ളിൽ ആയുസ്സ് തികയ്ക്കുന്നവരാണ് നമ്മൾ. പിന്നെ ഏറി വരുന്ന വിവാഹ മോചനങ്ങളും ദാമ്പത്യ ജീവിതത്തിന്റെ നാൾവഴികളിലെ വർഷങ്ങളെ ചുരുക്കുന്നു. 🙏🙏

എന്നത്തേയും പോലെ അപ്പച്ചന്റെ പ്രിയ ശിഷ്യനും, പുത്രതുല്യനുമായ സുനിലച്ചൻ വീട്ടിൽ വന്ന് പ്രാർത്ഥിച്ച് കേക്ക് മുറിച്ച് ഈ ദിനത്തെ അനുഗ്രഹ പ്രദമാക്കി.. ആ വലിയ ആത്മാക്കൾക്ക് അതിനേക്കാൾ വലിയ സന്തോഷവും അനുഗ്രഹവും വേറെയില്ല… നന്ദി!.. സുനിലച്ചൻ അപ്പച്ചനോടുള്ള സ്നേഹത്തിന്… കരുതലിന്… 🥰🥰🙏🙏

With lots of Love 

Karthika Thannickan 

കുഞ്ഞേ മാപ്പ്!..😢😔😔

നിയമ വ്യവസ്ഥിതിയോട് ചില ചോദ്യങ്ങൾ!!. 

 ഒന്നര വയസ്സുള്ള കുഞ്ഞിന്റെ ദാരുണാന്ത്യത്തിന്റെ വാർത്ത കണ്ട് ഹൃദയം നുറുങ്ങുന്നു. 91 മുറിവുകൾ ആ പിഞ്ചു ശരീരത്തിൽ ഉണ്ടാക്കിയ ആ കാട്ടാളൻ ഒരു കൊടും ക്രിമിനൽ ആണെന്നുള്ളതിൽ സംശയമില്ല. അതിനേക്കാൾ ഞെട്ടിച്ചത് സ്വന്തം അമ്മയും ഈ കൊടും ക്രൂരതക്ക് കൂട്ട് നിന്നുവെന്നതാണ്. 

ആമിന എന്ന തന്റെ ആദ്യ ഭാര്യയെ അയാൾ ക്രൂരമായി ശരീകമായും ലൈംഗികമായും പീഢിപ്പിച്ച വാർത്തകൾ മനസ്സാക്ഷിയെ തന്നെ ഞെട്ടിക്കുന്നതാണ്. അയാളുടെ പീഢനം മൂലം കഴിഞ്ഞ രണ്ട് വർഷത്തോളമായി ആ പെൺകുട്ടി കോമയിൽ ആയിരുന്നുവെന്നും, അതിൽ പോലീസിന് പല തവണ ആ പെൺകുട്ടിയുടെ മാതാപിതാക്കൾ പരാതി നല്കിയിട്ടും, ഒരു നിയമ നടപടിയും ഉണ്ടായിട്ടില്ലെന്നുള്ളത് എത്ര ലജ്ജാകരമാണ്. 

ആമിന എന്ന പെൺകുട്ടിയുടെ ഉമ്മ പറയുന്നത് അയാളുടെ അമ്മയും, സഹോദരിയും ആമിനയെ പീഢിപ്പിക്കുന്നതിൽ കൂട്ട് നിന്നുവെന്നാണ്. ഗാർഹിക പീഢനങ്ങൾ ഏറ്റ് വാങ്ങുന ഒരുപാട് സ്ത്രീകൾ നമ്മുടെ സമൂഹത്തിൽ ഉണ്ട്. അതും പതിനെട്ടാം വയസ്സിൽ പഠനം പൂർത്തിയാക്കാതെ, ഒരു ജോലി പോലുമില്ലാതെ കുടുംബത്തിന്റെ ഭാരം ഒഴിച്ച് വിടുവാൻ കെട്ടിച്ച് അയക്കുന്ന പെൺകുട്ടികളാണ് ഏറെ പീഢനങ്ങൾക്ക് ഇരയാകുന്നത്. 

സംരക്ഷണം നൽകേണ്ട പോലീസിന്റെ അനാസ്ഥ ഇന്ന് ഒന്നര വയസുള്ള മറ്റൊരു ജീവനും കൂടി നഷ്ടപ്പെടുവാൻ കാരണമായിരിക്കുന്നു. ആ കുഞ്ഞിന്റെ സുരക്ഷയെ സംബന്ധിച്ച് ആ കുഞ്ഞിന്റെ ഗ്രാൻഡ് പേരന്റ്സ് നൽകിയ പരാതിയെങ്കിലും കാര്യക്ഷമമായി പരിഗണിച്ചിരുന്നെങ്കിൽ ആ കുഞ്ഞിന്ന് ജീവനോടെ ഉണ്ടാകുമായിരുന്നു. 

പാവം കുഞ്ഞ് എത്ര വേദന സഹിച്ചിട്ടുണ്ടാകും…😔😔 എത്രയധികം പേടിച്ചായിരിക്കും ആ കുഞ്ഞ് ആ വീട്ടിൽ കഴിഞ്ഞിരുന്നത്…😢😢 വേദനകൾ ഇല്ലാത്ത ലോകത്ത് നീ ഇപ്പോൾ സുഖമായിരിക്കുന്നു, സന്തോഷമായിരിക്കുന്നു. വേദനിക്കുവാൻ വേണ്ടി മാത്രം എന്തിനാണ് ദൈവമേ നീ ആ കുഞ്ഞിനെ ഈ ഭൂമിയിലേക്ക് അയച്ചത്??

ഗാർഹിക - ലൈംഗിക പീഢനങ്ങൾക്ക് എതിരെ ശക്തമായ നിയമ സംവിധാനങ്ങൾ വരണം… കുട്ടികളുടെ സംരക്ഷണം ശക്തമായ നിയമ വ്യവസ്ഥിതിയിലൂടെ ഉറപ്പ് വരുത്തണം… നിയമം സംരക്ഷിക്കേണ്ടവരുടെ അനാസ്ഥക്കെതിരെ ശക്തമായ നടപടികൾ സ്വീകരിക്കണം. 

പ്രതീക്ഷയോടെ 🙏

𝓚𝓪𝓻𝓽𝓱𝓲𝓴𝓪 𝓣𝓱𝓪𝓷𝓷𝓲𝓬𝓴𝓪𝓷

ആർത്തവ അവധി!… ഒരു പെൺകുഞ്ഞിന്റെ അവകാശം!..💪💪

ആർത്തവ അവധി പ്രഖ്യാപിച്ച് മണിക്കൂറുകൾക്കുള്ളിൽ അതിനെ പ്രതിരോധിക്കുന്നത് വിവരവും വിദ്യാഭ്യാസവുമുള്ള സ്ത്രീകളാണെന്ന് കാണുമ്പോൾ ശരിക്കും അതിശയവും, അമർഷവും തോന്നുന്നു.

എനിക്കും ഒരു മകളാണ്. അവൾ വളരുന്തോറും എന്റെ മനസ്സിലെ ആകുലത അവൾ എങ്ങനെ ആർത്തവം എന്ന അവസ്ഥയെ സ്വീകരിക്കും, അതിജീവിക്കും എന്നതാണ്. കാരണം ആർത്തവം എന്നത് ഏഴ് ദിവസത്തെ രക്തസ്രാവം മാത്രമല്ല, അതിനോട് അനുബന്ധിച്ചുള്ള വയറ് വേദന, അസ്വസ്ഥതകൾ, മൂഡ് സ്വിങ്സ്, ക്ഷീണം, സ്തനങ്ങളിൽ അനുഭവപ്പെടുന്ന വേദന, നടു വേദന, ചിലർക്ക് വയറിളക്കം, ചിലർക്ക് മലബന്ധം, മറ്റു ചിലർക്ക് ശർദ്ദി, തലകറക്കം അങ്ങനെ ഒരുപാട് ആരോഗ്യ പ്രശ്നങ്ങളിലൂടെ പെൺകുട്ടികൾ കടന്നു പോകേണ്ട ഒന്നാണ്. ഈ സമയത്ത് അവർക്ക് വേണ്ടത് വിശ്രമം ആണ്. അത് ഒരു പെൺകുഞ്ഞിന്റെ അവകാശം ആണ്. 

അവകാശങ്ങൾ എങ്ങനെ നാണക്കേട് ആകും. അത് നേടേണ്ടതും, നേടിയെടുക്കപ്പെടേണ്ടതും ആണ്. 

ഇന്ന് പെൺകുഞ്ഞുങ്ങൾക്ക് 8 വയസ്സ് മുതൽ ആർത്തവം ആരംഭിക്കുന്ന സാഹചര്യമുണ്ട്. കുട്ടികൾക്ക് വളരെ ചെറു പ്രായത്തിലേ ആർത്തവം വരുന്നത് കൊണ്ട് പെണ്മക്കൾ ഉള്ള എല്ലാ അമ്മമാരും എപ്പോഴും പ്രാർത്ഥിക്കുന്നത്, അല്ലെങ്കിൽ ആഗ്രഹിക്കുന്ന ഒന്ന്, “എന്റെ മകൾക്ക് കുറച്ച് പാകത വന്നിട്ടേ ആർത്തവം ആകാവൂ.” എന്നാണ്. ചെറു പ്രായത്തിൽ ആർത്തവം വരുമ്പോൾ അവർ കടന്നു പോകേണ്ട വേദനയും, ബുദ്ധിമുട്ടുകളുമാണ് മിക്ക അമ്മമാരെക്കൊണ്ടും ഇങ്ങനെ ചിന്തിപ്പിക്കുന്നത്.

സാമൂഹിക പ്രതിബന്ധത ഉള്ള ഒരു നേതാവും, ഒരു സ്ത്രീ പുരോഗമന വാദിയും ആർത്തവ അവധി പ്രഖ്യാപനത്തെ ഒരു നാണക്കേടായി കാണുകയില്ല. ഒരു സ്ത്രീയായി ജനിച്ച് ജീവിക്കുന്ന ഓരോരുത്തരും കടന്നു പോകുന്ന അവസ്ഥയാണ് ആർത്തവം. അത് നാണക്കേടല്ല, സ്വകാര്യതയല്ല മറിച്ച് ഒരു സ്വാഭാവിക പ്രക്രിയ മാത്രമാണ്. 

പണ്ട് കാലങ്ങളിൽ കേരളത്തിലെ പഴയ വീടുകളിൽ ആർത്തവ സമയത്ത് സ്ത്രീകളെ വീടിനുള്ളിലെ മുറികളിലോ പ്രത്യേക ‘പുരകളിലോ’ മാറ്റിപ്പാർപ്പിച്ചിരുന്നു. ഈ ദിവസങ്ങളിൽ അടുക്കളയിൽ കയറുവാനും അനുവദിച്ചിരുന്നില്ല. ശരിക്കും പറഞ്ഞാൽ ആ ആചാരങ്ങൾ ആർത്തവമുള്ള ഏഴ് ദിവസം അവർക്ക് വിശ്രമം അനുശാസിക്കുന്ന ആചാരങ്ങൾ ആയിരുന്നു. എന്നാൽ ഇന്ന് വിദ്യാഭ്യാസവും, ജോലിയുമൊക്കെ നേടിയ സ്ത്രീകൾ “ആർത്തവ അവധി” നാണക്കേടായി മാറുന്നത് ഒരു വിരോധാഭാസം തന്നെ…🙄🙄

ആർത്തവത്തെക്കുറിച്ച് മാതാപിതാക്കൾ നൽകുന്ന അവബോധം ആകട്ടെ കുട്ടികൾക്കുള്ള ആദ്യ പാഠം. അതുപോലെ 

ആൺകുട്ടികൾക്കും പെൺകുട്ടികൾക്കും ഒരുമിച്ച് സ്കൂളുകളിൽ ആർത്തവത്തെക്കുറിച്ചും, ലൈംഗികതയെക്കുറിച്ചും അവബോധ ക്ലാസുകൾ എടുക്കുന്നത് വഴി ആർത്തവം എന്നത് സ്വകാര്യതയല്ല എന്നും അതൊരു സ്വാഭാവിക പ്രക്രിയയാണെന്നുമുള്ള ചിന്താഗതി കുട്ടികളിൽ ചെറുപ്പം മുതലേ വേരൂന്നുവാൻ സഹായിക്കും.

ആർത്തവ അവധി!… ഒരു പെൺകുഞ്ഞിന്റെ അവകാശം!..💪💪എന്ന് ഉറക്കെ പ്രഖ്യാപിക്കുന്നു.🙏

അഭിമാനത്തോടെ 🙏🥰

𝓚𝓪𝓻𝓽𝓱𝓲𝓴𝓪 𝓣𝓱𝓪𝓷𝓷𝓲𝓬𝓴𝓪𝓷

HOLY FIRE 🔥വിശുദ്ധ ജ്വാല

നിങ്ങൾ “HOLY FIRE” - നെക്കുറിച്ച് കേട്ടിട്ടുണ്ടോ?

ജറുസലേമിലെ ഹോളി സെപൽച്ചർ പള്ളിയിൽ ഓർത്തഡോക്സ് ക്രിസ്ത്യാനികൾക്കിടയിൽ വിശുദ്ധ ശനിയാഴ്ച നടക്കുന്ന ഒരു വാർഷിക അത്ഭുതമാണ് ഹോളി ഫയർ (അല്ലെങ്കിൽ ഹോളി ലൈറ്റ്). 

യേശുവിന്റെ കല്ലറയ്ക്കുള്ളിൽ, ഒരു ജ്വാല പ്രത്യക്ഷപ്പെടുന്നു, നീല നിറത്തിൽ കാണുന്ന ഈ വെളിച്ചം മെഴുകുതിരികൾ കത്തിക്കാൻ ഉപയോഗിക്കുന്നു. ഗ്രീക്ക് ഓർത്തഡോക്സ് പാത്രിയർക്കീസ് ​​തീപ്പെട്ടികളോ തീയുണ്ടാക്കുന്ന ഉപകരണങ്ങളോ ഇല്ലാതെ മുദ്രയിട്ട കല്ലറയിലേക്ക് (എഡിക്യുലെ) പ്രവേശിക്കുന്നു. പ്രാർത്ഥനകൾക്ക് ശേഷം, ആയിരക്കണക്കിന് ആരാധകർക്ക് പങ്കിടുവാൻ കത്തിച്ച മെഴുകുതിരികളുമായി അദ്ദേഹം പുറത്തുവരുന്നു. ഈ ജ്വാല അമാനുഷികമായി പ്രത്യക്ഷപ്പെടുന്നതായി വിശ്വസിക്കപ്പെടുന്നു. പുനരുത്ഥാനത്തിന്റെ പ്രതീകമായി വിശ്വാസികളിലേക്ക് പകർന്ന് നൽകുന്നു. 

ആദ്യത്തെ കുറച്ച് മിനിറ്റുകളിൽ ഈ തീ ചർമ്മമോ മുടിയോ കത്തിക്കുന്നില്ലെന്ന് പല ദൃക്‌സാക്ഷികളും റിപ്പോർട്ട് ചെയ്യുന്നു, പലപ്പോഴും "തണുത്ത" ജ്വാല എന്ന് വിശേഷിപ്പിക്കപ്പെടുന്ന ഈ ജ്വാലയാണ് അവർ മുഖവും കൈകളും കഴുകാൻ ഉപയോഗിക്കുന്നത്.

The Holy Fire (or Holy Light) is an annual miracle that takes place on Holy Saturday among Orthodox Christians at the Church of the Holy Sepulcher in Jerusalem.

Inside the tomb of Jesus, a flame appears, this light, seen in blue, is used to light candles. The Greek Orthodox Patriarch enters the sealed tomb (edicule) without matches or fire-making devices. After prayers, the priest emerges with lit candles to share with thousands of worshippers. This flame is believed to appear supernaturally, and is passed on to believers as a symbol of resurrection. 

Many eyewitnesses report that this fire does not burn skin or hair for the first few minutes, and this flame, often described as a "cold" flame, is what they use to wash their faces and hands

💝 With Love 💝

𝘬ꪖ​𝘳𝓽ꫝ𝓲𝘬ꪖ​ 𝓽ꫝꪖ​ꪀꪀ𝓲ᥴ𝘬ꪖ​ꪀ