മെഡിക്കൽ കോളേജുകളിൽ പുഴുവരിക്കപ്പെടുന്ന ജീവിതങ്ങൾ …😠😠😡😡

 

തിരുവനന്തപുരം മെഡിക്കൽ കോളേജിൽ ആക്സിഡൻറ് മൂലം അഡ്മിറ്റ് ആയി, കാലിൽ സർജറി കഴിഞ്ഞ ഒരു രോഗിയുടെ മുറിവിൽ പുഴു കണ്ടതായ വാർത്ത കണ്ടപ്പോൾ ശരിക്കും അവിടെയുള്ള രോഗികൾക്കൊക്കെ എന്ത് സേഫ്റ്റി ആണുള്ളതെന്ന് ചിന്തിച്ചു പോയി!… അതും ICU-വിൽ നിന്ന് ഷിഫ്റ്റ് ചെയ്യപ്പെട്ട രോഗിയുടെ മുറിവിലാണ് ഈ പുഴുക്കൾ കണ്ടത് എന്നത് അതിലേറെ ലജ്ജാകരം.

മുറിവ് വൃത്തിയായി സൂക്ഷിക്കാത്തതുകൊണ്ടോ, അണുബാധ മൂലമോ ആണ് രോഗിയുടെ മുറിവിൽ പുഴുക്കൾ ഉണ്ടാകുന്നത്. ഈച്ചകൾ മുറിവിലെ അഴുക്കിലും ദുർഗന്ധത്തിലും ആകർഷിക്കപ്പെടുകയും, മുട്ടയിടുകയും, പിന്നീട് അത് പുഴുക്കളായി മാറുകയും ചെയ്യുന്നു. 

പാവപ്പെട്ട മനുഷ്യരും, മറ്റ് ആശുപത്രികൾ സ്വീകരിക്കാത്ത അതി ഗുരുതരമായ അവസ്ഥയിലുള്ള രോഗികളുമാണ് ഇവിടെ ചികിത്സ നേടുന്നത്. ഇന്നത്തെ വാർത്തയിൽ പറഞ്ഞത് പ്രകാരം പുഴുക്കൾ ഉണ്ടെന്ന് നേഴ്സിനോട് ചെന്ന് പറഞ്ഞപ്പോൾ അത് വളരെ സാധാരണമാണെന്ന രീതിയിൽ പ്രതികരിച്ചുവെന്നും, മണിക്കൂറുകൾ കഴിഞ്ഞാണ് ആ രോഗിയെ വന്ന് നോക്കിയതെന്നും ബന്ധുക്കൾ പറയുന്നു. 

1:4 or 1:6 നേഴ്സ്: രോഗികളുടെ അനുപാതം വേണ്ടയിടത്ത്, 1:50 ആണ് മെഡിക്കൽ കോളേജുകളിലെ വാർഡുകളിൽ എന്നാണ് അറിയുവാൻ കഴിഞ്ഞത്. അപ്പോൾ ആ നേഴ്സുമാർ എങ്ങനെ ഈ രോഗികളെയെല്ലാം പരിചരിക്കുന്നു എന്നത് ശ്രമകരവും, വിഷമം പിടിച്ചതുമായ ജോലി ആണെന്നുള്ളത് മറുവശത്ത്. എന്നിരുന്നാലും ICU-വിൽ 1:1 നേഴ്സ് രോഗി അനുപാതം ഉള്ളപ്പോൾ ഒരു രോഗിയുടെ മുറിവിൽ നിന്ന് പുഴു വരുന്നു എന്നത് ഗുരുതരമായ വീഴ്ച്ച തന്നെയാണ്. പക്ഷേ അവിടെയും ഗവണ്മെന്റ് ആശുപത്രികളിൽ ICU-വിൽ 1:6 - 1:8 വരെ നേഴ്സ്-രോഗി അനുപാതം എന്ന് പറയപ്പെടുന്നു. സ്റ്റാഫ് ഷോർട്ടേജ് എന്നത് അത് ഡോക്ടർമാർ, നേഴ്സുമാർ, ഫിസിയോ, ഫാർമസി അങ്ങനെ എല്ലാ വിഭാഗങ്ങളിലും നമ്മുടെ ഗവൺമെന്റിന്റെ കീഴിൽ ഉള്ള എല്ലാ ആരോഗ്യ കേന്ദ്രങ്ങളിലും ആ കുറവ് ഉണ്ടെന്നുള്ളത് എല്ലാ ഭരണാധികാരികൾക്കും, ജനങ്ങൾക്കും അറിവുള്ള സത്യവും. ഈ ഒഴിവുകൾ എത്രയും വേഗം നികക്കണമെന്നും, ആരോഗ്യ മേഖലയിൽ ഏറ്റവും സുതാര്യവും, മികവുറ്റതുമായ ശുശ്രൂഷ ഉറപ്പ് വരുത്തേണ്ടതും ഈ നാട്ടിലെ ഗവൺമെന്റിന്റെ ഉത്തരവാദിത്വമാണ്. 

വലിയ വലിയ ആശുപത്രികളിലെ ഭീമമായ ആരോഗ്യ ചിലവുകളെ പേടിച്ച് ഗവൺമെന്റ് ആശുപത്രികളിൽ അഭയം തേടുന്ന മനുഷ്യരെ സംരക്ഷിക്കേണ്ടത് നമ്മുടെ ഗവൺമെന്റിന്റെ ഉത്തരവാദിത്വം തന്നെയാണ്. ബഹുമാനപ്പെട്ട ആരോഗ്യമന്ത്രി അതിനുള്ള നടപടികൾ സ്വീകരിക്കുമെന്ന് തന്നെ വിശ്വസിക്കാം..🙏

പ്രതീക്ഷയോടെ 🙏

𝓚𝓪𝓻𝓽𝓱𝓲𝓴𝓪 𝓣𝓱𝓪𝓷𝓷𝓲𝓬𝓴𝓪𝓷

കുഞ്ഞേ മാപ്പ്!..😢😔😔

നിയമ വ്യവസ്ഥിതിയോട് ചില ചോദ്യങ്ങൾ!!. 

 ഒന്നര വയസ്സുള്ള കുഞ്ഞിന്റെ ദാരുണാന്ത്യത്തിന്റെ വാർത്ത കണ്ട് ഹൃദയം നുറുങ്ങുന്നു. 91 മുറിവുകൾ ആ പിഞ്ചു ശരീരത്തിൽ ഉണ്ടാക്കിയ ആ കാട്ടാളൻ ഒരു കൊടും ക്രിമിനൽ ആണെന്നുള്ളതിൽ സംശയമില്ല. അതിനേക്കാൾ ഞെട്ടിച്ചത് സ്വന്തം അമ്മയും ഈ കൊടും ക്രൂരതക്ക് കൂട്ട് നിന്നുവെന്നതാണ്. 

ആമിന എന്ന തന്റെ ആദ്യ ഭാര്യയെ അയാൾ ക്രൂരമായി ശരീകമായും ലൈംഗികമായും പീഢിപ്പിച്ച വാർത്തകൾ മനസ്സാക്ഷിയെ തന്നെ ഞെട്ടിക്കുന്നതാണ്. അയാളുടെ പീഢനം മൂലം കഴിഞ്ഞ രണ്ട് വർഷത്തോളമായി ആ പെൺകുട്ടി കോമയിൽ ആയിരുന്നുവെന്നും, അതിൽ പോലീസിന് പല തവണ ആ പെൺകുട്ടിയുടെ മാതാപിതാക്കൾ പരാതി നല്കിയിട്ടും, ഒരു നിയമ നടപടിയും ഉണ്ടായിട്ടില്ലെന്നുള്ളത് എത്ര ലജ്ജാകരമാണ്. 

ആമിന എന്ന പെൺകുട്ടിയുടെ ഉമ്മ പറയുന്നത് അയാളുടെ അമ്മയും, സഹോദരിയും ആമിനയെ പീഢിപ്പിക്കുന്നതിൽ കൂട്ട് നിന്നുവെന്നാണ്. ഗാർഹിക പീഢനങ്ങൾ ഏറ്റ് വാങ്ങുന ഒരുപാട് സ്ത്രീകൾ നമ്മുടെ സമൂഹത്തിൽ ഉണ്ട്. അതും പതിനെട്ടാം വയസ്സിൽ പഠനം പൂർത്തിയാക്കാതെ, ഒരു ജോലി പോലുമില്ലാതെ കുടുംബത്തിന്റെ ഭാരം ഒഴിച്ച് വിടുവാൻ കെട്ടിച്ച് അയക്കുന്ന പെൺകുട്ടികളാണ് ഏറെ പീഢനങ്ങൾക്ക് ഇരയാകുന്നത്. 

സംരക്ഷണം നൽകേണ്ട പോലീസിന്റെ അനാസ്ഥ ഇന്ന് ഒന്നര വയസുള്ള മറ്റൊരു ജീവനും കൂടി നഷ്ടപ്പെടുവാൻ കാരണമായിരിക്കുന്നു. ആ കുഞ്ഞിന്റെ സുരക്ഷയെ സംബന്ധിച്ച് ആ കുഞ്ഞിന്റെ ഗ്രാൻഡ് പേരന്റ്സ് നൽകിയ പരാതിയെങ്കിലും കാര്യക്ഷമമായി പരിഗണിച്ചിരുന്നെങ്കിൽ ആ കുഞ്ഞിന്ന് ജീവനോടെ ഉണ്ടാകുമായിരുന്നു. 

പാവം കുഞ്ഞ് എത്ര വേദന സഹിച്ചിട്ടുണ്ടാകും…😔😔 എത്രയധികം പേടിച്ചായിരിക്കും ആ കുഞ്ഞ് ആ വീട്ടിൽ കഴിഞ്ഞിരുന്നത്…😢😢 വേദനകൾ ഇല്ലാത്ത ലോകത്ത് നീ ഇപ്പോൾ സുഖമായിരിക്കുന്നു, സന്തോഷമായിരിക്കുന്നു. വേദനിക്കുവാൻ വേണ്ടി മാത്രം എന്തിനാണ് ദൈവമേ നീ ആ കുഞ്ഞിനെ ഈ ഭൂമിയിലേക്ക് അയച്ചത്??

ഗാർഹിക - ലൈംഗിക പീഢനങ്ങൾക്ക് എതിരെ ശക്തമായ നിയമ സംവിധാനങ്ങൾ വരണം… കുട്ടികളുടെ സംരക്ഷണം ശക്തമായ നിയമ വ്യവസ്ഥിതിയിലൂടെ ഉറപ്പ് വരുത്തണം… നിയമം സംരക്ഷിക്കേണ്ടവരുടെ അനാസ്ഥക്കെതിരെ ശക്തമായ നടപടികൾ സ്വീകരിക്കണം. 

പ്രതീക്ഷയോടെ 🙏

𝓚𝓪𝓻𝓽𝓱𝓲𝓴𝓪 𝓣𝓱𝓪𝓷𝓷𝓲𝓬𝓴𝓪𝓷

ആർത്തവ അവധി!… ഒരു പെൺകുഞ്ഞിന്റെ അവകാശം!..💪💪

ആർത്തവ അവധി പ്രഖ്യാപിച്ച് മണിക്കൂറുകൾക്കുള്ളിൽ അതിനെ പ്രതിരോധിക്കുന്നത് വിവരവും വിദ്യാഭ്യാസവുമുള്ള സ്ത്രീകളാണെന്ന് കാണുമ്പോൾ ശരിക്കും അതിശയവും, അമർഷവും തോന്നുന്നു.

എനിക്കും ഒരു മകളാണ്. അവൾ വളരുന്തോറും എന്റെ മനസ്സിലെ ആകുലത അവൾ എങ്ങനെ ആർത്തവം എന്ന അവസ്ഥയെ സ്വീകരിക്കും, അതിജീവിക്കും എന്നതാണ്. കാരണം ആർത്തവം എന്നത് ഏഴ് ദിവസത്തെ രക്തസ്രാവം മാത്രമല്ല, അതിനോട് അനുബന്ധിച്ചുള്ള വയറ് വേദന, അസ്വസ്ഥതകൾ, മൂഡ് സ്വിങ്സ്, ക്ഷീണം, സ്തനങ്ങളിൽ അനുഭവപ്പെടുന്ന വേദന, നടു വേദന, ചിലർക്ക് വയറിളക്കം, ചിലർക്ക് മലബന്ധം, മറ്റു ചിലർക്ക് ശർദ്ദി, തലകറക്കം അങ്ങനെ ഒരുപാട് ആരോഗ്യ പ്രശ്നങ്ങളിലൂടെ പെൺകുട്ടികൾ കടന്നു പോകേണ്ട ഒന്നാണ്. ഈ സമയത്ത് അവർക്ക് വേണ്ടത് വിശ്രമം ആണ്. അത് ഒരു പെൺകുഞ്ഞിന്റെ അവകാശം ആണ്. 

അവകാശങ്ങൾ എങ്ങനെ നാണക്കേട് ആകും. അത് നേടേണ്ടതും, നേടിയെടുക്കപ്പെടേണ്ടതും ആണ്. 

ഇന്ന് പെൺകുഞ്ഞുങ്ങൾക്ക് 8 വയസ്സ് മുതൽ ആർത്തവം ആരംഭിക്കുന്ന സാഹചര്യമുണ്ട്. കുട്ടികൾക്ക് വളരെ ചെറു പ്രായത്തിലേ ആർത്തവം വരുന്നത് കൊണ്ട് പെണ്മക്കൾ ഉള്ള എല്ലാ അമ്മമാരും എപ്പോഴും പ്രാർത്ഥിക്കുന്നത്, അല്ലെങ്കിൽ ആഗ്രഹിക്കുന്ന ഒന്ന്, “എന്റെ മകൾക്ക് കുറച്ച് പാകത വന്നിട്ടേ ആർത്തവം ആകാവൂ.” എന്നാണ്. ചെറു പ്രായത്തിൽ ആർത്തവം വരുമ്പോൾ അവർ കടന്നു പോകേണ്ട വേദനയും, ബുദ്ധിമുട്ടുകളുമാണ് മിക്ക അമ്മമാരെക്കൊണ്ടും ഇങ്ങനെ ചിന്തിപ്പിക്കുന്നത്.

സാമൂഹിക പ്രതിബന്ധത ഉള്ള ഒരു നേതാവും, ഒരു സ്ത്രീ പുരോഗമന വാദിയും ആർത്തവ അവധി പ്രഖ്യാപനത്തെ ഒരു നാണക്കേടായി കാണുകയില്ല. ഒരു സ്ത്രീയായി ജനിച്ച് ജീവിക്കുന്ന ഓരോരുത്തരും കടന്നു പോകുന്ന അവസ്ഥയാണ് ആർത്തവം. അത് നാണക്കേടല്ല, സ്വകാര്യതയല്ല മറിച്ച് ഒരു സ്വാഭാവിക പ്രക്രിയ മാത്രമാണ്. 

പണ്ട് കാലങ്ങളിൽ കേരളത്തിലെ പഴയ വീടുകളിൽ ആർത്തവ സമയത്ത് സ്ത്രീകളെ വീടിനുള്ളിലെ മുറികളിലോ പ്രത്യേക ‘പുരകളിലോ’ മാറ്റിപ്പാർപ്പിച്ചിരുന്നു. ഈ ദിവസങ്ങളിൽ അടുക്കളയിൽ കയറുവാനും അനുവദിച്ചിരുന്നില്ല. ശരിക്കും പറഞ്ഞാൽ ആ ആചാരങ്ങൾ ആർത്തവമുള്ള ഏഴ് ദിവസം അവർക്ക് വിശ്രമം അനുശാസിക്കുന്ന ആചാരങ്ങൾ ആയിരുന്നു. എന്നാൽ ഇന്ന് വിദ്യാഭ്യാസവും, ജോലിയുമൊക്കെ നേടിയ സ്ത്രീകൾ “ആർത്തവ അവധി” നാണക്കേടായി മാറുന്നത് ഒരു വിരോധാഭാസം തന്നെ…🙄🙄

ആർത്തവത്തെക്കുറിച്ച് മാതാപിതാക്കൾ നൽകുന്ന അവബോധം ആകട്ടെ കുട്ടികൾക്കുള്ള ആദ്യ പാഠം. അതുപോലെ 

ആൺകുട്ടികൾക്കും പെൺകുട്ടികൾക്കും ഒരുമിച്ച് സ്കൂളുകളിൽ ആർത്തവത്തെക്കുറിച്ചും, ലൈംഗികതയെക്കുറിച്ചും അവബോധ ക്ലാസുകൾ എടുക്കുന്നത് വഴി ആർത്തവം എന്നത് സ്വകാര്യതയല്ല എന്നും അതൊരു സ്വാഭാവിക പ്രക്രിയയാണെന്നുമുള്ള ചിന്താഗതി കുട്ടികളിൽ ചെറുപ്പം മുതലേ വേരൂന്നുവാൻ സഹായിക്കും.

ആർത്തവ അവധി!… ഒരു പെൺകുഞ്ഞിന്റെ അവകാശം!..💪💪എന്ന് ഉറക്കെ പ്രഖ്യാപിക്കുന്നു.🙏

അഭിമാനത്തോടെ 🙏🥰

𝓚𝓪𝓻𝓽𝓱𝓲𝓴𝓪 𝓣𝓱𝓪𝓷𝓷𝓲𝓬𝓴𝓪𝓷

“മഴ” പോലും ചൂടായി മാറി കേരളം!…😓😰🥵😓

 നാട്ടിലെ കാലാവസ്ഥാ വ്യതിയാനത്തിന് കാരണമായ സാഹചര്യത്തെക്കുറിച്ച് അറിയണമെന്ന് തോന്നിയപ്പോൾ വായിച്ചറിഞ്ഞ കാര്യങ്ങൾ ഇവിടെ പങ്കു വെക്കുന്നു…🥰🙏

കേരളത്തിൽ ഈ വർഷം (2026) അനുഭവപ്പെടുന്ന കനത്ത ചൂടിനും ഉഷ്ണതരംഗത്തിനും പ്രധാനമായും പ്രകൃതിദത്തവും മനുഷ്യനിർമ്മിതവുമായ ഘടകങ്ങളാണുള്ളത്. എൽ നിനോ പ്രതിഭാസം (El Niño), അർബൻ ഹീറ്റ് ഐലൻഡ് പ്രതിഭാസം, അന്തരീക്ഷത്തിലെ ആന്റിസൈക്ലോൺ എന്നിവയാണ് പ്രധാന കാരണങ്ങൾ. 

• എൽ നിനോ (El Niño): ശാന്തസമുദ്രത്തിലെ താപനിലയിലുണ്ടാകുന്ന വർദ്ധനവ് (El Niño) കേരളത്തിലെ വേനൽമഴ കുറയ്ക്കുകയും ചൂട് വർദ്ധിപ്പിക്കുകയും ചെയ്യുന്നു.
• അർബൻ ഹീറ്റ് ഐലൻഡ് (Urban Heat Island): നഗരങ്ങളിലെ കോൺക്രീറ്റ് കെട്ടിടങ്ങൾ, ടാറിട്ട റോഡുകൾ, പച്ചപ്പിന്റെ കുറവ്, എന്നിവ താപം ആഗിരണം ചെയ്യുകയും രാത്രിയിലും ചൂട് നിലനിർത്തുകയും ചെയ്യുന്നു.
• ആന്റിസൈക്ലോൺ (Anticyclone): വടക്കൻ കർണാടകയ്ക്കും മഹാരാഷ്ട്രയ്ക്കും മുകളിലുള്ള ആന്റിസൈക്ലോൺ (ഉയർന്ന മർദ്ദ മേഖല) ചൂടുകാറ്റ് കേരളത്തിലേക്ക് എത്തുന്നതിനും അന്തരീക്ഷത്തിൽ ചൂട് കുടുങ്ങിക്കിടക്കുന്നതിനും (Heat Dome) കാരണമാകുന്നു.
• വേനൽമഴയുടെ കുറവ്: ഡിസംബർ, ജനുവരി മാസങ്ങളിൽ ലഭിക്കേണ്ട മഴ ലഭിക്കാത്തത് ഫെബ്രുവരി മുതൽ തന്നെ ചൂട് വർദ്ധിക്കാൻ കാരണമായി.
• സൂര്യൻ നേരിട്ടു വരുന്നു: മാർച്ച്, ഏപ്രിൽ മാസങ്ങളിൽ സൂര്യൻ ഭൂമധ്യരേഖയ്ക്ക് മുകളിലൂടെ വടക്കോട്ട് സഞ്ചരിക്കുമ്പോൾ കേരളത്തിന് മുകളിൽ സൂര്യരശ്മികൾ നേരിട്ട് പതിക്കുന്നു.
• ഉയർന്ന ആർദ്രത (Humidity):അറബിക്കടലിൽ നിന്നുള്ള ഈർപ്പമുള്ള കാറ്റ് അന്തരീക്ഷത്തിലെ ആർദ്രത വർദ്ധിപ്പിക്കുകയും, ഇത് യഥാർത്ഥ താപനിലയേക്കാൾ കൂടുതൽ ചൂട് അനുഭവപ്പെടാൻ കാരണമാവുകയും ചെയ്യുന്നു

മരങ്ങളും, പച്ചപ്പും പ്രകൃതിയുടെ താപനിലയുടെ സന്തുലനാവസ്ഥക്ക് അത്യന്താപേക്ഷിതമാണെന്ന് എല്ലാവർക്കും അറിയാം!.. ആ മരങ്ങൾ മഴയ്ക്കും കാരണം ആകുന്നുവെന്നും നമ്മൾക്ക് അറിയാം!.. പക്ഷേ നമ്മൾ നഗര വൽക്കരണത്തിന്റെ ഭാഗമായി ആ മരങ്ങൾ വെട്ടി, കാട് തെളിച്ച് ശീതീകരിച്ച മുറികളിലേക്ക് കയറുന്നു… എത്രയോ ദേശങ്ങൾ ഇപ്പോൾ കുടിവെള്ളം ഇല്ലാതെ വരളുന്നു.. ശിതീകരണ സൗകര്യങ്ങൾ ഇല്ലാത്ത വീടുകൾ വേനൽ ചൂടിൽ ചുട്ടു പൊള്ളുന്നു!.. 

ഈ ഭൂമി ഭാവിയിൽ ഭാവിയിൽ അനുഭവിക്കുവാൻ പോകുന്നത് വരൾച്ചയും, കുടിവെള്ള ക്ഷാമവും, ശുദ്ധവായും ഇല്ലായ്മയുമൊക്കെയാണെന്ന് ആരൊക്കെയോ പറഞ്ഞത് അർത്ഥവർത്താകുന്നത് പോലെയാണ് ഇപ്പോഴുള്ള കാലാവസ്ഥ വ്യതിയാനങ്ങൾ!.. ഇനിയും നമ്മൾ വൈകിയിട്ടില്ല.. ഈ ഭൂമിയെ സംരക്ഷിക്കുവാൻ ഒരു 🌳 “മരം” 🌳എങ്കിലും നമ്മുടെ വീട്ടു വളപ്പിലും, പാതയോരത്തും ഒക്കെ നടുവാൻ ഓരോ പൗരന്മാരും, നേതാക്കളും ഉത്സുകാരകട്ടെ..🙏

നല്ലൊരു നാളേക്ക് പ്രതീക്ഷയോടെ..💚

കാർത്തിക താന്നിക്കൻ 

✨✨70th Wedding Anniversary ✨✨

 ദാമ്പത്യ ജീവിതത്തിൽ 70 വർഷങ്ങൾ തികയ്ക്കുന്ന പാലക്കൽ തറവാട്ടിലെ (വാലേൽ പീടികയിൽ) പി എം ഏബ്രഹാം, പൊന്നമ്മ ഏബ്രഹാം എന്ന 

ഞങ്ങളുടെ അപ്പച്ചനും അമ്മച്ചിയും.. 💝💝

ദൈവ കൃപയുടെ അനന്തമായ അനുഗ്രഹത്തിന് സാക്ഷിയാകുവാൻ ഞങ്ങൾക്കും സാധിച്ചു എന്നത് കൊച്ച് മക്കൾ എന്നതിൽ ഞങ്ങളും അത് ഭാഗ്യമായി കാണുന്നു.✨✨💝💝🙏🙏

ഇനി വരുന്ന തലമുറകൾക്ക് 70 വർഷത്തെ വൈവാഹിക ജീവിതമൊക്കെ ഒരു കേട്ടുകേൾവി മാത്രമായിരിക്കും. കാരണം പുതിയ ജീവിത സാഹചര്യത്തിൽ 60-70 വയസ്സിനുള്ളിൽ ആയുസ്സ് തികയ്ക്കുന്നവരാണ് നമ്മൾ. പിന്നെ ഏറി വരുന്ന വിവാഹ മോചനങ്ങളും ദാമ്പത്യ ജീവിതത്തിന്റെ നാൾവഴികളിലെ വർഷങ്ങളെ ചുരുക്കുന്നു. 🙏🙏

എന്നത്തേയും പോലെ അപ്പച്ചന്റെ പ്രിയ ശിഷ്യനും, പുത്രതുല്യനുമായ സുനിലച്ചൻ വീട്ടിൽ വന്ന് പ്രാർത്ഥിച്ച് കേക്ക് മുറിച്ച് ഈ ദിനത്തെ അനുഗ്രഹ പ്രദമാക്കി.. ആ വലിയ ആത്മാക്കൾക്ക് അതിനേക്കാൾ വലിയ സന്തോഷവും അനുഗ്രഹവും വേറെയില്ല… നന്ദി!.. സുനിലച്ചൻ അപ്പച്ചനോടുള്ള സ്നേഹത്തിന്… കരുതലിന്… 🥰🥰🙏🙏

With lots of Love 

Karthika Thannickan 

കുഞ്ഞേ മാപ്പ്!..😢😔😔

നിയമ വ്യവസ്ഥിതിയോട് ചില ചോദ്യങ്ങൾ!!. 

 ഒന്നര വയസ്സുള്ള കുഞ്ഞിന്റെ ദാരുണാന്ത്യത്തിന്റെ വാർത്ത കണ്ട് ഹൃദയം നുറുങ്ങുന്നു. 91 മുറിവുകൾ ആ പിഞ്ചു ശരീരത്തിൽ ഉണ്ടാക്കിയ ആ കാട്ടാളൻ ഒരു കൊടും ക്രിമിനൽ ആണെന്നുള്ളതിൽ സംശയമില്ല. അതിനേക്കാൾ ഞെട്ടിച്ചത് സ്വന്തം അമ്മയും ഈ കൊടും ക്രൂരതക്ക് കൂട്ട് നിന്നുവെന്നതാണ്. 

ആമിന എന്ന തന്റെ ആദ്യ ഭാര്യയെ അയാൾ ക്രൂരമായി ശരീകമായും ലൈംഗികമായും പീഢിപ്പിച്ച വാർത്തകൾ മനസ്സാക്ഷിയെ തന്നെ ഞെട്ടിക്കുന്നതാണ്. അയാളുടെ പീഢനം മൂലം കഴിഞ്ഞ രണ്ട് വർഷത്തോളമായി ആ പെൺകുട്ടി കോമയിൽ ആയിരുന്നുവെന്നും, അതിൽ പോലീസിന് പല തവണ ആ പെൺകുട്ടിയുടെ മാതാപിതാക്കൾ പരാതി നല്കിയിട്ടും, ഒരു നിയമ നടപടിയും ഉണ്ടായിട്ടില്ലെന്നുള്ളത് എത്ര ലജ്ജാകരമാണ്. 

ആമിന എന്ന പെൺകുട്ടിയുടെ ഉമ്മ പറയുന്നത് അയാളുടെ അമ്മയും, സഹോദരിയും ആമിനയെ പീഢിപ്പിക്കുന്നതിൽ കൂട്ട് നിന്നുവെന്നാണ്. ഗാർഹിക പീഢനങ്ങൾ ഏറ്റ് വാങ്ങുന ഒരുപാട് സ്ത്രീകൾ നമ്മുടെ സമൂഹത്തിൽ ഉണ്ട്. അതും പതിനെട്ടാം വയസ്സിൽ പഠനം പൂർത്തിയാക്കാതെ, ഒരു ജോലി പോലുമില്ലാതെ കുടുംബത്തിന്റെ ഭാരം ഒഴിച്ച് വിടുവാൻ കെട്ടിച്ച് അയക്കുന്ന പെൺകുട്ടികളാണ് ഏറെ പീഢനങ്ങൾക്ക് ഇരയാകുന്നത്. 

സംരക്ഷണം നൽകേണ്ട പോലീസിന്റെ അനാസ്ഥ ഇന്ന് ഒന്നര വയസുള്ള മറ്റൊരു ജീവനും കൂടി നഷ്ടപ്പെടുവാൻ കാരണമായിരിക്കുന്നു. ആ കുഞ്ഞിന്റെ സുരക്ഷയെ സംബന്ധിച്ച് ആ കുഞ്ഞിന്റെ ഗ്രാൻഡ് പേരന്റ്സ് നൽകിയ പരാതിയെങ്കിലും കാര്യക്ഷമമായി പരിഗണിച്ചിരുന്നെങ്കിൽ ആ കുഞ്ഞിന്ന് ജീവനോടെ ഉണ്ടാകുമായിരുന്നു. 

പാവം കുഞ്ഞ് എത്ര വേദന സഹിച്ചിട്ടുണ്ടാകും…😔😔 എത്രയധികം പേടിച്ചായിരിക്കും ആ കുഞ്ഞ് ആ വീട്ടിൽ കഴിഞ്ഞിരുന്നത്…😢😢 വേദനകൾ ഇല്ലാത്ത ലോകത്ത് നീ ഇപ്പോൾ സുഖമായിരിക്കുന്നു, സന്തോഷമായിരിക്കുന്നു. വേദനിക്കുവാൻ വേണ്ടി മാത്രം എന്തിനാണ് ദൈവമേ നീ ആ കുഞ്ഞിനെ ഈ ഭൂമിയിലേക്ക് അയച്ചത്??

ഗാർഹിക - ലൈംഗിക പീഢനങ്ങൾക്ക് എതിരെ ശക്തമായ നിയമ സംവിധാനങ്ങൾ വരണം… കുട്ടികളുടെ സംരക്ഷണം ശക്തമായ നിയമ വ്യവസ്ഥിതിയിലൂടെ ഉറപ്പ് വരുത്തണം… നിയമം സംരക്ഷിക്കേണ്ടവരുടെ അനാസ്ഥക്കെതിരെ ശക്തമായ നടപടികൾ സ്വീകരിക്കണം. 

പ്രതീക്ഷയോടെ 🙏

𝓚𝓪𝓻𝓽𝓱𝓲𝓴𝓪 𝓣𝓱𝓪𝓷𝓷𝓲𝓬𝓴𝓪𝓷

ആർത്തവ അവധി!… ഒരു പെൺകുഞ്ഞിന്റെ അവകാശം!..💪💪

ആർത്തവ അവധി പ്രഖ്യാപിച്ച് മണിക്കൂറുകൾക്കുള്ളിൽ അതിനെ പ്രതിരോധിക്കുന്നത് വിവരവും വിദ്യാഭ്യാസവുമുള്ള സ്ത്രീകളാണെന്ന് കാണുമ്പോൾ ശരിക്കും അതിശയവും, അമർഷവും തോന്നുന്നു.

എനിക്കും ഒരു മകളാണ്. അവൾ വളരുന്തോറും എന്റെ മനസ്സിലെ ആകുലത അവൾ എങ്ങനെ ആർത്തവം എന്ന അവസ്ഥയെ സ്വീകരിക്കും, അതിജീവിക്കും എന്നതാണ്. കാരണം ആർത്തവം എന്നത് ഏഴ് ദിവസത്തെ രക്തസ്രാവം മാത്രമല്ല, അതിനോട് അനുബന്ധിച്ചുള്ള വയറ് വേദന, അസ്വസ്ഥതകൾ, മൂഡ് സ്വിങ്സ്, ക്ഷീണം, സ്തനങ്ങളിൽ അനുഭവപ്പെടുന്ന വേദന, നടു വേദന, ചിലർക്ക് വയറിളക്കം, ചിലർക്ക് മലബന്ധം, മറ്റു ചിലർക്ക് ശർദ്ദി, തലകറക്കം അങ്ങനെ ഒരുപാട് ആരോഗ്യ പ്രശ്നങ്ങളിലൂടെ പെൺകുട്ടികൾ കടന്നു പോകേണ്ട ഒന്നാണ്. ഈ സമയത്ത് അവർക്ക് വേണ്ടത് വിശ്രമം ആണ്. അത് ഒരു പെൺകുഞ്ഞിന്റെ അവകാശം ആണ്. 

അവകാശങ്ങൾ എങ്ങനെ നാണക്കേട് ആകും. അത് നേടേണ്ടതും, നേടിയെടുക്കപ്പെടേണ്ടതും ആണ്. 

ഇന്ന് പെൺകുഞ്ഞുങ്ങൾക്ക് 8 വയസ്സ് മുതൽ ആർത്തവം ആരംഭിക്കുന്ന സാഹചര്യമുണ്ട്. കുട്ടികൾക്ക് വളരെ ചെറു പ്രായത്തിലേ ആർത്തവം വരുന്നത് കൊണ്ട് പെണ്മക്കൾ ഉള്ള എല്ലാ അമ്മമാരും എപ്പോഴും പ്രാർത്ഥിക്കുന്നത്, അല്ലെങ്കിൽ ആഗ്രഹിക്കുന്ന ഒന്ന്, “എന്റെ മകൾക്ക് കുറച്ച് പാകത വന്നിട്ടേ ആർത്തവം ആകാവൂ.” എന്നാണ്. ചെറു പ്രായത്തിൽ ആർത്തവം വരുമ്പോൾ അവർ കടന്നു പോകേണ്ട വേദനയും, ബുദ്ധിമുട്ടുകളുമാണ് മിക്ക അമ്മമാരെക്കൊണ്ടും ഇങ്ങനെ ചിന്തിപ്പിക്കുന്നത്.

സാമൂഹിക പ്രതിബന്ധത ഉള്ള ഒരു നേതാവും, ഒരു സ്ത്രീ പുരോഗമന വാദിയും ആർത്തവ അവധി പ്രഖ്യാപനത്തെ ഒരു നാണക്കേടായി കാണുകയില്ല. ഒരു സ്ത്രീയായി ജനിച്ച് ജീവിക്കുന്ന ഓരോരുത്തരും കടന്നു പോകുന്ന അവസ്ഥയാണ് ആർത്തവം. അത് നാണക്കേടല്ല, സ്വകാര്യതയല്ല മറിച്ച് ഒരു സ്വാഭാവിക പ്രക്രിയ മാത്രമാണ്. 

പണ്ട് കാലങ്ങളിൽ കേരളത്തിലെ പഴയ വീടുകളിൽ ആർത്തവ സമയത്ത് സ്ത്രീകളെ വീടിനുള്ളിലെ മുറികളിലോ പ്രത്യേക ‘പുരകളിലോ’ മാറ്റിപ്പാർപ്പിച്ചിരുന്നു. ഈ ദിവസങ്ങളിൽ അടുക്കളയിൽ കയറുവാനും അനുവദിച്ചിരുന്നില്ല. ശരിക്കും പറഞ്ഞാൽ ആ ആചാരങ്ങൾ ആർത്തവമുള്ള ഏഴ് ദിവസം അവർക്ക് വിശ്രമം അനുശാസിക്കുന്ന ആചാരങ്ങൾ ആയിരുന്നു. എന്നാൽ ഇന്ന് വിദ്യാഭ്യാസവും, ജോലിയുമൊക്കെ നേടിയ സ്ത്രീകൾ “ആർത്തവ അവധി” നാണക്കേടായി മാറുന്നത് ഒരു വിരോധാഭാസം തന്നെ…🙄🙄

ആർത്തവത്തെക്കുറിച്ച് മാതാപിതാക്കൾ നൽകുന്ന അവബോധം ആകട്ടെ കുട്ടികൾക്കുള്ള ആദ്യ പാഠം. അതുപോലെ 

ആൺകുട്ടികൾക്കും പെൺകുട്ടികൾക്കും ഒരുമിച്ച് സ്കൂളുകളിൽ ആർത്തവത്തെക്കുറിച്ചും, ലൈംഗികതയെക്കുറിച്ചും അവബോധ ക്ലാസുകൾ എടുക്കുന്നത് വഴി ആർത്തവം എന്നത് സ്വകാര്യതയല്ല എന്നും അതൊരു സ്വാഭാവിക പ്രക്രിയയാണെന്നുമുള്ള ചിന്താഗതി കുട്ടികളിൽ ചെറുപ്പം മുതലേ വേരൂന്നുവാൻ സഹായിക്കും.

ആർത്തവ അവധി!… ഒരു പെൺകുഞ്ഞിന്റെ അവകാശം!..💪💪എന്ന് ഉറക്കെ പ്രഖ്യാപിക്കുന്നു.🙏

അഭിമാനത്തോടെ 🙏🥰

𝓚𝓪𝓻𝓽𝓱𝓲𝓴𝓪 𝓣𝓱𝓪𝓷𝓷𝓲𝓬𝓴𝓪𝓷

HOLY FIRE 🔥വിശുദ്ധ ജ്വാല

നിങ്ങൾ “HOLY FIRE” - നെക്കുറിച്ച് കേട്ടിട്ടുണ്ടോ?

ജറുസലേമിലെ ഹോളി സെപൽച്ചർ പള്ളിയിൽ ഓർത്തഡോക്സ് ക്രിസ്ത്യാനികൾക്കിടയിൽ വിശുദ്ധ ശനിയാഴ്ച നടക്കുന്ന ഒരു വാർഷിക അത്ഭുതമാണ് ഹോളി ഫയർ (അല്ലെങ്കിൽ ഹോളി ലൈറ്റ്). 

യേശുവിന്റെ കല്ലറയ്ക്കുള്ളിൽ, ഒരു ജ്വാല പ്രത്യക്ഷപ്പെടുന്നു, നീല നിറത്തിൽ കാണുന്ന ഈ വെളിച്ചം മെഴുകുതിരികൾ കത്തിക്കാൻ ഉപയോഗിക്കുന്നു. ഗ്രീക്ക് ഓർത്തഡോക്സ് പാത്രിയർക്കീസ് ​​തീപ്പെട്ടികളോ തീയുണ്ടാക്കുന്ന ഉപകരണങ്ങളോ ഇല്ലാതെ മുദ്രയിട്ട കല്ലറയിലേക്ക് (എഡിക്യുലെ) പ്രവേശിക്കുന്നു. പ്രാർത്ഥനകൾക്ക് ശേഷം, ആയിരക്കണക്കിന് ആരാധകർക്ക് പങ്കിടുവാൻ കത്തിച്ച മെഴുകുതിരികളുമായി അദ്ദേഹം പുറത്തുവരുന്നു. ഈ ജ്വാല അമാനുഷികമായി പ്രത്യക്ഷപ്പെടുന്നതായി വിശ്വസിക്കപ്പെടുന്നു. പുനരുത്ഥാനത്തിന്റെ പ്രതീകമായി വിശ്വാസികളിലേക്ക് പകർന്ന് നൽകുന്നു. 

ആദ്യത്തെ കുറച്ച് മിനിറ്റുകളിൽ ഈ തീ ചർമ്മമോ മുടിയോ കത്തിക്കുന്നില്ലെന്ന് പല ദൃക്‌സാക്ഷികളും റിപ്പോർട്ട് ചെയ്യുന്നു, പലപ്പോഴും "തണുത്ത" ജ്വാല എന്ന് വിശേഷിപ്പിക്കപ്പെടുന്ന ഈ ജ്വാലയാണ് അവർ മുഖവും കൈകളും കഴുകാൻ ഉപയോഗിക്കുന്നത്.

The Holy Fire (or Holy Light) is an annual miracle that takes place on Holy Saturday among Orthodox Christians at the Church of the Holy Sepulcher in Jerusalem.

Inside the tomb of Jesus, a flame appears, this light, seen in blue, is used to light candles. The Greek Orthodox Patriarch enters the sealed tomb (edicule) without matches or fire-making devices. After prayers, the priest emerges with lit candles to share with thousands of worshippers. This flame is believed to appear supernaturally, and is passed on to believers as a symbol of resurrection. 

Many eyewitnesses report that this fire does not burn skin or hair for the first few minutes, and this flame, often described as a "cold" flame, is what they use to wash their faces and hands

💝 With Love 💝

𝘬ꪖ​𝘳𝓽ꫝ𝓲𝘬ꪖ​ 𝓽ꫝꪖ​ꪀꪀ𝓲ᥴ𝘬ꪖ​ꪀ

𝓔𝓪𝓼𝓽𝓮𝓻 𝓑𝓾𝓷𝓷𝔂 & 𝓔𝓪𝓼𝓽𝓮𝓻 𝓔𝓰𝓰𝓼 ..🐇🐇 🧆ഈസ്റ്റർ ബണ്ണിയും ഈസ്റ്റർ മുട്ടകളും... 🧆🐇🐇

 

𝓔𝓪𝓼𝓽𝓮𝓻 𝓑𝓾𝓷𝓷𝔂 & 𝓔𝓪𝓼𝓽𝓮𝓻 𝓔𝓰𝓰𝓼

..🐇🐇 🧆ഈസ്റ്റർ ബണ്ണിയും ഈസ്റ്റർ മുട്ടകളും... 🧆🐇🐇

13-ാം നൂറ്റാണ്ടിൽ ജർമ്മൻ നാടോടി കഥകളിൽ നിന്നാണ് ഈസ്റ്റർ ബണ്ണിയുടെയും, ഈസ്റ്റർ മുട്ടകളുടേയും ഉത്ഭവമെന്ന് പറയപ്പെടുന്നൂ. ശരിക്കും പറഞ്ഞാൽ ഈസ്റ്റർ ബണ്ണിയെന്ന് പറയുന്നത്‌ നീണ്ട ചെവികളുളള കാട്ടുമുയലുകളെയാണ്. ആ മുയലുകളെ വിളിക്കുന്നത്‌ ഹെയർ (Hare/ Osterhase /Oschter Haws) എന്നാണ്. നാടോടി കഥ അനുസരിച്ച്‌ ഈസ്റ്റർ ഹെയർ വന്ന് വീടിന്റെ മുന്നിലുളള പൂന്തോട്ടത്തിൽ നിറമുളള മുട്ടകൾ ഇടുകയും, കുട്ടികൾ അത്‌ കണ്ടെത്തുകയും ചെയ്യുന്നതാണ് ഈസ്റ്റർ എഗ്ഗ്‌ ഹണ്ട്‌ എന്ന് പറയുന്നത്‌. കുട്ടികൾ മര്യാദയോടെ പെരുമാറുന്ന വീടുകളിൽ മാത്രമേ ഈസ്റ്റർ ബണ്ണി വരികയുളളൂവെന്ന് പറഞ്ഞ്‌ കുട്ടികളുടെ സ്വഭവ രൂപവത്കരണത്തിന്റെ ഭാഗമായും ഈസ്റ്റർ ബണ്ണികൾ മാറാറുണ്ട്‌. 

The origin of the Easter Bunny and Easter eggs is from German folklore in the 13th Century. It is said that the Easter Bunny is not a rabbit; it is a hare, which is also called Osterhase or Oschter Haws instead. It has a long ear and is bigger. According to German folklore, Easter bunnies visit the house and lay colored eggs in their garden. Collecting these eggs is considered an egg hunt. It is also another belief that bunnies visit the houses only after evaluating whether children were good or disobedient in behavior in the season of Eastertide. So Easter bunnies play a vital role in developing an integral behavior in kids. 

17-ാം നൂറ്റാണ്ടിൽ പ്രൊട്ടസ്റ്റന്റ്‌ ജർമ്മൻ കുടിയേറ്റക്കാരിലൂടെയാണ് ജെർമ്മനിയിൽ നിന്ന് അമേരിക്കൻ നാടുകളിലേക്ക്‌ ഈ സംസ്കാരം എത്തുന്നത്‌. ഈസ്റ്റർ മുട്ടകൾ പുതിയ ജീവിതത്തേയും, പുത്തൻ പ്രതീക്ഷകളേയും അനുസ്മരിപ്പിക്കുന്നൂ. ക്രിസ്‌തുമതത്തിൽ ഈസ്റ്റർ മുട്ടകൾ കർത്താവിന്റെ ശവക്കല്ലറയോടും, പുനരുത്ഥാനത്തിനോടും ഉപമിക്കുന്നൂ. പുരാതന കാലങ്ങളിൽ വലിയ നോമ്പിന്റെ ആചാരനുഷ്ഠാനങ്ങളുടെ ഭാഗമായി മാംസാഹാരങ്ങളും, മുട്ടയുമൊക്കെ വർജ്ജിക്കുകയും, ഈ മുട്ടകൾ ശേഖരിച്ച്‌ പ്രകൃതിദത്തമായ നിറങ്ങൾ കൊണ്ട്‌ അലങ്കരിച്ചാണ് ഈസ്റ്റർ മുട്ടകൾ ഉണ്ടാക്കിയിരുന്നത്‌. എന്നാൽ ഇന്ന് ചോക്ലേറ്റ്‌ ഈസ്റ്റർ മുട്ടകളാണ് ഏറ്റവും കൂടുതൽ പ്രചാരത്തിലിരിക്കുന്നത്‌. 

The folklore of egg-laying-hare was brought to the U.S. by Protestant German immigrants in the 17th century. Easter eggs represent new life and new beginning. In Christianity, Easter eggs represent the tomb of Jesus Christ and His resurrection. In ancient days, as part of Great Lent, people abstained from consuming animal products and eggs. They collect the eggs, decorate them with natural colors and use them for easter egg hunts. Nowadays, those eggs are replaced with chocolate eggs. 

🐇🧆

𝓚𝓪𝓻𝓽𝓱𝓲𝓴𝓪 𝓣𝓱𝓪𝓷𝓷𝓲𝓬𝓴𝓪𝓷

ഉത്രട്ടാതി നക്ഷത്രം ...🌟

                                   Pic Courtesy: Google 

ജ്യോതിശാസ്ത്രത്തിലെ 26-മത്തെ നക്ഷത്രമാണ് ഉതൃട്ടാതി (Sanskrit: उत्तरभाद्रपदा).  വെസ്റ്റേൺ ആസ്‌ട്രോളജി അനുസരിച്ച്‌ പെഗസസ്‌ നക്ഷത്ര സമൂഹത്തിലെ ഗാമ പെഗസി (Algenib), ആൻഡ്രൊമെഡ നക്ഷത്രസമൂഹത്തിലെ ആൽഫ ആൻഡ്രൊമെഡ (Alpheratz) എന്നീ നക്ഷത്രങ്ങളാണ് ഉത്രട്ടാതി. കട്ടിലിന്റെ കാലുകളുടെ ആകൃതിയിലാണിത്‌ കാണപ്പെടുന്നത്‌. 

ഹൈന്ദവ വിശ്വാസം അനുസരിച്ച്‌ നക്ഷത്ര ദേവത അഹിര്‍ബുധ്നി. ശുഭകർമ്മങ്ങൾക്ക്‌ മികച്ച നക്ഷത്രമായും ഇതിനെ കരുതുന്നു.

ജീവിതത്തെ വളരെ ഗൗരവമായി കാണുന്നവരും, വ്യക്തി സ്വാതന്ത്ര്യത്തിന് വലിയ പ്രാധാന്യം നൽകുന്നവരും, ഒരുപാട്‌ ആഗ്രഹങ്ങൾ മനസ്സിൽ കൊണ്ട്‌ നടക്കുന്നവരും, പൊതുവിജ്ഞാനം കൂടുതൽ ഉളളവരും, നല്ല ഓർമ്മ ശക്തിയുളളവരും, എന്നാൽ ഒന്നിലും ഉറച്ച്‌ നിൽക്കാത്തവരുമാണ് ഈ നക്ഷത്രക്കാർ. ഒരു ലക്ഷ്യത്തിലേക്ക്‌ അടുക്കുമ്പോൾ അതുപേക്ഷിച്ച്‌ അടുത്തതിലേക്ക്‌ എടുത്ത്‌ ചാടുന്നവരാണെങ്കിലും, ജീവിത വിജയത്തിനുവേണ്ടി വളരെ അധികം കഠിനമായി പരിശ്രമിക്കുന്നവരുമാണിവർ. മറ്റുളളവരോട്‌ വളരെ സൗഹാർദ്ദമായി പെരുമാറുന്ന ഇവർ, എല്ലാവരെക്കുറിച്ചും ഒരു സംശയം ഉളളിൽ സൂക്ഷിക്കുന്നവരാണ്. എന്നാൽ തങ്ങളുടെ സങ്കടങ്ങളെല്ലാം ഉളളിൽ ഒതുക്കുന്നുവരാണ്. എല്ലാവരോടും ഒരു അകലം സൂക്ഷിച്ച്‌ പെരുമാറുന്ന ഇവർക്ക്‌ സ്നേഹത്തിന്റെയും, വിശ്വാസത്തിന്റേയും പേരിൽ തിരിച്ചടികൾ ലഭിക്കാറുമുണ്ട്‌. 

വളരെ തുറന്ന പെരുമാറ്റരീതിയാണിവരുടെ. അതുകൊണ്ട്‌ മനസ്സിൽ തോന്നുന്നതൊക്കെ ഒരു മടിയുമില്ലാതെ തുറന്ന് പറയും, അതിന്റെ വരും വരായ്കകളെക്കുറിച്ച്‌ ചിന്തിക്കാറുമില്ല. അവരുമായ്‌ പൊരുത്തപ്പെടാത്ത വ്യക്തികളെ അവർ പെട്ടെന്ന് തന്നെ അകറ്റി നിർത്തും. പെട്ടെന്ന് പിണങ്ങുമെങ്കിലും ആരോട്‌ വ്യക്തിവിരോധം വെച്ചുപുലർത്താറില്ല. മാനസ്സികമായി വളരെ ദുർബലരാണിവർ. എന്നാൽ തന്റെ ഇഷ്ടങ്ങൾ ആർക്കുമുൻപിലും അടിയറവു വെക്കാറില്ല. സത്യസന്ധരായ ഇവർ കപടതയുളളവരേയും, കളളം പറയുന്നവരേയും എപ്പോഴും അകറ്റി നിർത്താറുണ്ട്‌. പക്ഷേ താൻ പറയുന്നത്‌ ശരിയെന്ന് എപ്പോഴും വാദിക്കുന്നവരുമാണ്. കുറച്ച്‌ ദേഷ്യം കൂടുതലുളളവർ ദേഷ്യം വരുമ്പോൾ ഒരു നിയന്ത്രണവുമില്ലാതെ പെരുമാറാറുണ്ട്‌. സാമ്പത്തിക കാര്യത്തിൽ പണം ചിലവഴിക്കാൻ മടിയുളളവരാണിവർ. എല്ലാ തൊഴിൽ മേഖലയിലും ശോഭിക്കുന്നവരാണിവർ. 

• ദേവത - അഹിര്‍ബുധ്നി
• അധിപന്‍ - ശനി
• മൃഗം - പശു
• പക്ഷി - മയില്‍
• വൃക്ഷം - കരിമ്പന
• ഭൂതം - ആകാശം
• ഗണം - മനുഷ്യഗണം
• യോനി - സ്ത്രീ
• നാഡി - മധ്യം
• ചിഹ്നം - ഇരട്ടക്കുട്ടികള്‍

ശനിദശ (10 വയസ്സ്‌ വരെ)

ബാലാരിഷ്ടകൾ കൂടുതൽ ഉളളവരും, പഠനത്തിൽ പ്രതിസന്ധികൾ, അച്ഛനമ്മമാർക്ക്‌ ദോഷങ്ങൾ എന്നിവ ഉണ്ടാകാറുണ്ട്‌. 

ബുധദശ (11-27 വയസ്സ്‌)

നല്ല സമയമായി കണക്കാക്കപ്പെടുന്നു. ജീവിത പുരോഗതിയുടെ പാതയിൽ ഈ കാലഘട്ടം മുന്നോട്ട്‌ പോകുന്നു.

കേതു ദശ ( 28-34 വയസ്സ്‌)

പ്രതിസന്ധികളുടെ കാലമായി കേതുദശയെ രേഖപ്പെടുത്തുന്നൂ. തൊഴിൽ പ്രതിസന്ധി, സാമ്പത്തിക ബുദ്ധിമുട്ട്‌, ബന്ധങ്ങളിൽ വിളളൽ, ഒറ്റപ്പെടൽ, ഒരുപാട്‌ അപവാദങ്ങൾ കേൾക്കുക അങ്ങനെ ഒരുപാട്‌ പ്രശ്നങ്ങൾ തുടർകഥയാകുന്ന കാലം.

ശുക്രദശ (35-54 വയസ്സ്‌)

വലിയ പ്രതിസന്ധികൾക്ക്‌ ശേഷം ജീവിതം പുരോഗതിയുടെ പാതയിൽ മുന്നേറുന്ന കാലം. ജീവിതത്തിൽ നഷ്ടമായതെല്ലാം തിരിച്ച്‌ പിടിക്കുന്ന കാലം.

സൂര്യദശ (55-60 വയസ്സ്‌)

ആരോഗ്യപരമായ പ്രശ്നങ്ങൾ, മാനസ്സികപരമായി സ്വസ്ഥതയില്ലായ്മ അങ്ങനെ ചെറിയ ചെറിയ പ്രശ്നങ്ങളിലൂടെ കടന്നു പോകുന്ന നാളുകൾ. 

ചന്ദ്രദശ (61 -71 വയസ്സ്‌)

വാർദ്ധക്യസഹജമായ അസ്വസ്ഥതകൾ, സന്താനങ്ങളെക്കൊണ്ടുളള മനോദുഃഖം, ഒറ്റപ്പെടൽ എന്നിവക്ക്‌ സാധ്യതയുളള കാലം.

 🔥⛎🔥

      KR