നന്ദി! നീ ചൊരിഞ്ഞ സ്നേഹത്തിനു...
നന്ദി! നീ നൽകിയ സഹകരണങ്ങൾക്ക്‌...
നന്ദി! നീ ചേർത്തുവെച്ച നിമിഷങ്ങൾക്ക്‌...
നന്ദി! തനിച്ചായ നേരങ്ങളിൽ-
പങ്കുകൊണ്ട ജീവിത യാത്രക്ക്‌...
നന്ദി! ആത്മാംശമാം സ്വപ്നങ്ങൾക്ക്‌ -
നീ നൽകിയ ജീവനു...
നന്ദി! കാലം നിഷേധിച്ച നീതിക്ക്‌ മുൻപിൽ,
എന്നെ തനിച്ചാക്കി നീ തുടർന്ന യാത്രക്ക്‌...
നന്ദി! തനിച്ചാകുമ്പോൾ മാത്രം-
നാമറിയുന്ന ചില ജീവിത സത്യങ്ങൾക്ക്‌...
ഏകാംഗ പഥികയായി തുടരുമീ യാത്രയിൽ,
എന്നും സ്നേഹം മാത്രം ..
നന്ദി... നന്ദി...നന്ദി....
❤️
KR
"ഈശ്വരൻ ഒരു കർമ്മത്തിനും കൂട്ടു നിൽക്കുന്നില്ലാ... പക്ഷേ ഈശ്വരനെ കൂടെക്കൂട്ടേണ്ടത്‌ നമ്മുടെ ആവശ്യകതയാണു..."
ധർമ്മം പാലിക്കുന്ന യുധിഷ്ഠിരൻ ചൂതുകളിയിൽ ഏർപ്പെടുന്നത്‌ മാനഭംഗമെന്ന് ധരിച്ച്‌ മാധവൻ അറിയാതെ ചൂതുകളിച്ചു. എല്ലാം അറിയുന്ന മാധവനിൽ നിന്ന് ചൂതു കളി മറച്ചുവെച്ചത്‌ ചെറിയ തെറ്റായാരിക്കാം പക്ഷേ അതിന്റെ ഭവിക്ഷത്ത്‌ വളരെ വലുതുമായിരുന്നു.
ധർമ്മം പാലിക്കുന്നവർ നിർബദ്ധത്തിനു വഴിങ്ങിയിട്ടാണെങ്കിലും ചെറിയ തെറ്റുകളോ പാപങ്ങളോ ചെയ്യേണ്ടതായിട്ട്‌ വരുന്നു, അല്ലെങ്കിൽ ചെയ്യുവാൻ കൂട്ടു നിൽക്കേണ്ടതായിവരുന്നു, അതുമല്ലെങ്കിൽ ചെയ്യുന്നത്‌ കണ്ടു നിൽക്കേണ്ടതായി വരുന്നു. പക്ഷേ ആ അവസരത്തിൽ ഈശ്വരനെ കൂടെക്കൂട്ടുവാൻ മറന്നു പോകുന്നു. കാരണം ഈശ്വരൻ ഈ കർമ്മത്തിനു കൂട്ടുനിൽക്കില്ലായെന്ന ചിന്തയാണു. എന്നാൽ ഈശ്വരൻ ഒരു കർമ്മത്തിനും കൂട്ടു നിൽക്കുന്നില്ലാ, അത് പുണ്യമായാലും പാപമായാലും. ഈശ്വര വിശ്വാസത്തെ കൂടെക്കൂട്ടുമ്പോൾ നമ്മളിൽ നിന്ന് പുറത്തുവരുന്ന പാപത്തിന്റെ അളവ്‌ കുറയുന്നതാണു, അതു മൂലമുണ്ടാകുന്ന ദുഃഖവും കുറയുന്നതാണു. ഈശ്വരൻ ചെയ്യുന്നത്‌ പാപത്തിന്റെ സങ്കീർണ്ണതകളെ കുറച്ച്‌ മാനവനെ പുണ്യമാർഗ്ഗത്തിലേക്ക്‌ നയിക്കുകയെന്നതാണു. അതുകൊണ്ട്‌ ഈശ്വരനെ എല്ലായിടത്തേക്കും ക്ഷണിക്കുക.
❤️
KR
21/09/21
നന്ദി തന്ന സ്നേഹത്തിനു...
നന്ദി നൽകിയ സഹകരണങ്ങൾക്ക്‌...
നന്ദി ചേർത്തുവെച്ച നിമിഷങ്ങൾക്ക്‌...
നന്ദി എന്റെ ജീവിതത്തിൽ ഏറ്റവും -
ഒറ്റപ്പെട്ട നിമിഷത്തിൽ എന്റെ യാത്രയിൽ-
പങ്കു ചേർന്നതിനു....
നന്ദി എന്റെ ഏറ്റവും മോശപ്പെട്ട സമയമെന്ന്,
കാലം തെളിയിച്ച നിമിഷങ്ങളിൽ
എന്നിൽ നിന്നകന്ന് എന്നെ -
തനിയെ ജീവിക്കുവാനുളള ധൈര്യത്തിലേക്ക്‌ -
നയിച്ചതിനു....
നന്ദി.... നന്ദി....
എന്നും സ്നേഹം മാത്രം ..❤️
കണ്ടതും കേട്ടതും മാത്രം സത്യമെന്ന് വിശ്വസിക്കുന്ന മനുഷ്യർക്കിടയിൽ, കാണാത്ത സത്യങ്ങൾ കേൾക്കാത്ത സത്യങ്ങൾ എത്രയോ അധികമെന്ന് അറിയാതെ നമ്മളെ തളളിക്കളയുമ്പോൾ ഒരു പ്രാർത്ഥനയോടെ ആ പടിയിറങ്ങുവൻ മാത്രം നമുക്ക്‌ സാധിക്കുന്നു... എന്റെ സ്നേഹമെന്താണെന്നും എന്തായിരുന്നുവെന്നും തെളിയിക്കുവാൻ ഒരു പാട്‌ കാരണങ്ങളും നേരുകളും എന്നിലുണ്ട്‌ പക്ഷേ ആ വെളിപ്പെടുത്തലുകൾ ഇല്ലാണ്ടാക്കുന്നത്‌ ഒരു പറ്റം മനുഷ്യരുടെ സന്തോഷത്തെയാണു... അതിനേക്കാൾ എത്രയോ നല്ലതാണു.... മനസ്സിലാക്കുവാനും മറക്കുവാനും പൊറുക്കുവാനും സാധിക്കാതെ വരുന്നവരുടെ മുൻപിൽ നിശബ്ദമായി പടിയിറങ്ങുന്നത്‌... കാലവും കർമ്മവും കാത്തുവെച്ചിരിക്കുന്ന തിരിച്ചറിവുകൾ നല്ല അനുഭവങ്ങളായി എല്ലാവരിലും പരിണമിക്കട്ടെ....
എന്റെ കുട്ടികൾ...❤️❤️❤️❤️❤️❤️
വെറുപ്പ്‌ ഭക്ഷിക്കുന്നവർ....
ഇന്ന് സൈബർ ലോകത്തിലൂടെ മാനവരാശിയുടെഹൃദയത്തിലേക്ക്‌ ആഴ്‌ന്നിറങ്ങുന്ന വിഷം ...
സ്നേഹമെന്ന ദിവ്യാഔഷധം കൊണ്ട്‌ മാത്രം സൗഖ്യമാക്കുവാൻ സാധിക്കുന്ന വിഷം...
സ്നേഹത്തിലേക്കുളള വാതിൽ കേഴ്‌വിയാകുമ്പോൾ .... ആ സ്നേഹത്തിന്റെ സങ്കേതംനിങ്ങളുടെ ഹൃദയങ്ങളായി മാറുന്നു...
കുലീനങ്ങളായ പരിസരങ്ങളും, ഭാഷണങ്ങളും ആ സ്നേഹം സൃഷ്ടിച്ചെടുക്കുന്നു...
LOVE IS FORGIVENESS….
സ്നേഹം ദീർഘ ക്ഷമയുളളതാണു.... കാലങ്ങളോളം കാത്തിരുന്നാലുംമടങ്ങിപ്പോയവരെല്ലാം തിരിച്ചു വരുമെന്ന് വിശ്വസിക്കുന്ന ക്ഷമ... ഒരിക്കലെങ്കിലും ഒരുസ്നേഹാനുഭവം നിങ്ങൾ അറിഞ്ഞിട്ടുണ്ടെങ്കിൽ ആ സ്നേഹം നിങ്ങളെ തേടി വരിക തന്നെചെയ്യും...
LOVE IS KIND….
സ്നേഹമെന്നത്‌ കരുണയാണു.... ആ കരുണയുടെ മൂന്ന് തലങ്ങൾ ....
Cognitive Component : നമ്മൾ കടന്നു പോകുന്ന സാഹചര്യങ്ങളെ ബുദ്ധിപരമായിനോക്കികാണുക... Understanding എന്ന അടിസ്ഥാനമാണു കരുണയുടെ ആ തലത്തെനിലനിർത്തുന്നത്‌.
Affective Component: വൈകാരികമായ തലത്തിൽ നമ്മളെങ്ങനെ ഓരോസാഹചര്യങ്ങളേയും നോക്കികാണുന്നു, അതിനോടെങ്ങനെ പ്രതികരിക്കുന്നു എന്നത്‌ ഈതലത്തിൽ പ്രസക്തമാണു.
Motivative Component: ബുദ്ധിപരമായ അനുയാത്രയും ഹൃദയ ഐക്യവും മാത്രം ഒരുപ്രശ്നങ്ങളുടേയും പരിഹാരമാകുന്നില്ലാ. ഓരോ സാഹചര്യങ്ങളിൽ നിന്നും നമ്മൾ എങ്ങനെപുറത്തുവരുന്നു എന്നത്‌ നമ്മുടെ നിലനിൽപ്പിന്റെ സുവിശേഷമായി മാറുന്നു. അവിടെകരുണയും സ്നേഹവും കൈകോർക്കുമ്പോൾ നമ്മൾ നമ്മളെ മാത്രമല്ലാ... മറ്റൊരാളുടെകണ്ണിലൂടെയും ഹൃദയത്തിലൂടെയും ചിന്തയിലൂടെയും നമ്മൾ ഈ ലോകത്തെ കാണുന്നു .... നമ്മളെല്ലാവരും ഈ ഭൂമിയിൽ ഓർമ്മിക്കപ്പെടുവാൻ പോകുന്നത്‌ നമ്മളോരോരുത്തരുംചെയ്ത കരുണയുടെ അടയാളങ്ങൾ ഒന്ന് കൊണ്ട്‌ മാത്രമായിരിക്കും. എന്നോ ലഭിച്ച, അനുഭവിച്ച കരുണയുടെ വെളിച്ചത്തിലാവട്ടെ മനുഷ്യന്റെ എല്ലാ കടന്നു പോകലുകളും....
LOVE IS NOT JEALOUS…
സ്നേഹം അസൂയപ്പെടുന്നില്ലാ... അസൂയയെന്നത്‌ അഗ്നിപോലെയാണു... ആളിപ്പടരുന്നതിനു മുൻപ്‌ നമ്മളത്‌ അണച്ചില്ലെങ്കിൽ അത് വിതക്കുന്ന വിനാശത്തിനുതിരികെ നൽകുവാൻ നമ്മുടെ ജീവിതം പോലും അവശേഷിക്കാതെ വരുന്നസാഹചര്യങ്ങളുണ്ടാവുന്നു... അസൂയയെന്നത്‌ നമ്മളിൽ തീർക്കുന്ന വിപത്തുകൾ -
Loneliness - നമ്മൾ നമ്മിലേക്ക്‌ തന്നെ ചുരുങ്ങിപ്പോകുന്ന അവസ്ഥയിൽ അസൂയ നമ്മെകൊണ്ടെത്തിക്കുന്നു.
Lack of trust- നമ്മളുടെ കുറവുകൾ നമ്മൾ അംഗീകരിക്കുമ്പോൾ ഉണ്ടാകുന്ന ചൈതന്യംനമുക്ക്‌ നഷ്ടപ്പെടുമ്പോൾ പിന്നീട്‌ ഒന്നിനേയും ആരേയും വിശ്വസിക്കുവാൻ പറ്റാത്തഅവസ്ഥയിലേക്ക്‌ അസൂയ നമ്മെ കൂട്ടിക്കൊണ്ട്‌ പോകുന്നു.
Aggressiveness: ഏകാന്തതയും, വിശ്വാസമില്ലായ്മയും ഒരു മനുഷ്യനിൽഅവശേഷിപ്പിക്കുന്നത്‌ ദേഷ്യവും, ദുശാഠ്യവുമായിരിക്കും.
നമുക്ക്‌ ചുറ്റും നല്ലത്‌ പറയുകയും, പ്രവൃത്തിക്കയും, നമ്മുടെ കൊച്ച്‌ കൊച്ച്‌ വിജയങ്ങളിൽപോലും നമ്മോട്‌ അസൂയയില്ലാത്ത മനുഷ്യരോടുത്തുളള സഹവാസമാണുനാമോരോരുത്തരുടേയും ജീവിത വിജയങ്ങൾ.... മറ്റുളളവരുടെ സന്തോഷം നമ്മുടേയുംസന്തോഷമാണെന്ന് തോന്നിതുടങ്ങുന്നിടത്തുനിന്ന് തുടങ്ങുന്ന സ്നേഹത്തിന്റെഅനുയാത്ര... അതാണു ഈ കൊച്ച്‌ ജീവിതം ..
അപരന്റെ ഭംഗികളെ നോക്കി ചിരിക്കുവാൻസാധിക്കുന്ന കാലത്തിലേക്കുളള യാത്രയാവട്ടെനമ്മുടെ ഈ യാത്രയും ...
എവിടെയായാലും സന്തോഷമായി ജീവിക്കുക... എന്റെ സ്നേഹത്തിനു അതിനേക്കാൾവലിയ സമ്മാനങ്ങൾ നിനക്ക്‌ നൽകുവാൻ ഇല്ലാ....
❤️
KR
എല്ലാം ഓർമ്മകളാണു....
പക്ഷേ ആ ഓർമ്മകൾക്കൊപ്പം അറിയാതെ നനയുന്ന കണ്ണുകളും ....
ചാലിട്ടൊഴുകുന്ന കണ്ണീർക്കണങ്ങളുടെ ഉപ്പുരസവും മാത്രം കൂട്ട്‌...
❤️
KR
It is what it is, pure and simple.
Love is the water of life. And a lover is a soul of fire! The universe turns differently when fire loves water.”
❤️ Forty Rules of Love ❤️
❤️
KR
ജീവിത യാത്രയിൽ മാർഗ്ഗ ദീപം തെളിച്ച എല്ലാ അധ്യാപകർക്കും ഹൃദയം നിറഞ്ഞ നന്ദി ...
Happy Teacher’s Day
ഓർമ്മിക്കുവാൻ ഞാൻ നിനക്കെന്തു നൽകണം ...
ഓർമ്മിക്കണം എന്ന വാക്കു മാത്രം...
രേണുകേ നീ രാഗ രേണു
കിനാവിന്റെ നീലക്കടമ്പിന്‍ പരാഗ രേണു
പിരിയുമ്പോള്‍ ഏതോ നനഞ്ഞ കൊമ്പില്‍ നിന്നു
നില തെറ്റി വീണ രണ്ടിലകള്‍ നമ്മള്‍
രേണുകേ നാം രണ്ടു മേഘശകലങ്ങലായ്
അകലേക്ക്‌ മറയുന്ന ക്ഷണ ഭംഗികള്‍
മഴവില്ലു താഴെ വീണുടയുന്ന മാനത്ത്
വിരഹമേഘ ശ്യാമ ഘനഭംഗികള്‍
പിരിയുന്നു രേണുകേ നാം രണ്ടു പുഴകളായ്‌
ഒഴുകിയകലുന്നു നാം പ്രണയശൂന്യം
ജലമുറഞ്ഞൊരു ദീര്‍ഘ ശിലപോലെ നീ
വറ്റി വറൂതിയായ് ജീര്‍ണമായ് മൃതമായി ഞാന്‍
ഓര്‍മ്മിക്കുവാന്‍ ഞാന്‍ നിനക്കെന്തു നല്‍കണം
ഓര്‍മ്മിക്കണം എന്ന വാക്കു മാത്രം
ഓര്‍മ്മിക്കുവാന്‍ ഞാന്‍ നിനക്കെന്തു നല്‍കണം
ഓര്‍മ്മിക്കണം എന്ന വാക്കു മാത്രം
എന്നെങ്കിലും വീണ്ടും എവിടെ വച്ചെങ്കിലും
കണ്ടുമുട്ടാമെന്ന വാക്കു മാത്രം
നാളെ പ്രതീക്ഷതന്‍ കുങ്കുമപൂവായി
നാം കടംകൊള്ളൂന്നതിത്ര മാത്രം
രേണുകേ നാം രണ്ടു നിഴലുകള്‍
ഇരുളില്‍ നാം രൂപങ്ങളില്ലാ കിനാവുകള്‍
പകലിന്റെ നിറമാണ്‌ നമ്മളില്‍
നിനവും നിരാശയും
കണ്ടുമുട്ടുന്നു നാം വീണ്ടുമീ സന്ധ്യയില്‍
വര്‍ണ്ണങ്ങള്‍ വറ്റുന്ന കണ്ണുമായി
നിറയുന്നു നീയെന്നില്‍ നിന്റെ കണ്മുനകളില്‍
നിറയുന്ന കണ്ണുനീര്‍ തുള്ളി പോലെ
ഭ്രമമാണ് പ്രണയം വെറും ഭ്രമം
വാക്കിന്റെ വിരുതിനാല്‍ തീര്‍ക്കുന്ന സ്പടിക സൌധം
എപ്പോഴോ തട്ടി തകര്‍ന്നുവീഴുന്നു നാം
നഷ്ട്ടങ്ങലറിയാതെ നഷ്ട്ടപ്പെടുന്നു നാം
സന്ധ്യയും മാഞ്ഞു നിഴല്‍ മങ്ങി
നോവിന്റെ മൂകാന്ധകാരം കനക്കുന്ന രാവതില്‍
മുന്നില്‍ രൂപങ്ങളില്ലാ കനങ്ങലായ്
നമ്മള്‍ നിന്നൂ നിശബ്ദ ശബ്ദങ്ങളായ്
പകല് വറ്റി കടന്നുപോയ് കാലവും
പ്രണയമൂറ്റി ചിരിപ്പു രൌദ്രങ്ങളും
പുറകിലാരോ വിളിച്ചതായ് തോന്നിയോ
പ്രണയം അരുതെന്നുരഞ്ഞതായ് തോന്നിയോ 2
ദുരിതമോഹങ്ങള്‍ക്ക്മുകളില്‍ നിന്നൊറ്റക്ക്
ചിതറി വീഴുന്നതിന്‍ മുന്പല്പ മാത്രയില്‍
ക്ഷണികമായെങ്കിലും നാം കണ്ട കനവിന്റെ
മധുരം മിഴിപ്പൂ നനച്ചുവോ രേണുകേ
രേണുകേ നീ രാഗ രേണു
കിനാവിന്റെ നീലക്കടമ്പിന്‍ പരാഗ രേണു
പിരിയുമ്പോള്‍ ഏതോ നനഞ്ഞ കൊമ്പില്‍ നിന്നു
നില തെറ്റി വീണ രണ്ടിലകള്‍ നമ്മൾ
❤️# HOME….❤️
റിവ്യൂസുകൊണ്ട്‌ സോഷ്യൽ മീഡിയയിലും, ജനഹൃദയങ്ങളിലും നിറഞ്ഞു നിൽക്കുന്ന#HOME എന്ന സിനിമയെക്കുറിച്ച്‌ എഴുതണമെന്ന് ആഗ്രഹിച്ചിട്ട്‌ കുറച്ചു ദിവസമായി. അങ്ങനെയിരിക്കുമ്പോൾ മലയാള മനോരമയിൽ ഹോമിന്റെ ഡയറക്ടറായ റോജിൻ തോമസ്സിന്റെ ഇന്റർവ്യൂ ഞാൻ ഇന്ന് കണ്ടു.സ്വന്തം പിതാവിന്റെ ജീവിതാനുഭവത്തിൽ തുടങ്ങിയ ഒരു വൺ ലൈൻ ത്രെഡ്‌. ഏഴ്‌ തവണ ഏഴു നടീ-നടന്മാരെ സങ്കൽപ്പിച്ച് മാറ്റിയെഴുതിയ സ്ക്രിപ്റ്റ്‌. അഞ്ചാറു വർഷങ്ങളുടെ കാത്തിരിപ്പിനൊടുവിൽ പിറന്ന വീണ ഒരു കുഞ്ഞ്‌. ഹോമെന്ന ജനകീയ സിനിമയിലേക്കുളള യാത്ര എനിക്കൊരുപാടിഷ്ടപ്പെട്ടു. കാത്തിരിപ്പും, കഠിനാധ്വാനവും വെറുതെയായില്ലായെന്ന് ഒരു നല്ല സിനിമ വീണ്ടുംതെളിയിച്ചിരിക്കുന്നു.
ഇന്ദ്രൻസും, മഞ്ജുപിളളയും അതിലഭിനയിച്ച എല്ലാവരും തന്നെ ജീവിച്ചു കാണിച്ച സിനിമ. ആദ്യം കുറച്ച്‌ സ്ലോയായി തുടങ്ങിയെങ്കിലും പിന്നീട്‌ ഹൃദയത്തിനുളളിലേക്ക്‌ ആഴ്‌ന്നിറങ്ങികണ്ണു നനയിച്ച്‌ നമ്മളെ കൂടെക്കൂട്ടുമ്പോൾ... ഇനിയുമെന്തൊക്കെയോ പറയാൻ ബാക്കിവെച്ചതുപോലെ.... ഒരു നിമിഷം സ്വന്തം ഫോണിലേക്ക്‌ നോക്കി ഇത്രയുമൊക്കെ പ്രഭാവം ഞങ്ങളുടെ ജീവിതത്തിലുണ്ടല്ലേയെന്ന് അപ്പോഴും കൈയ്യിലിരിക്കുന്ന ഫോണിനെ നോക്കി ചോദിക്കുമ്പോൾ... അടുത്തിരിക്കുന്ന മകൾ എന്നോട്‌ ചോദിച്ചു, "Amma… Why are you crying Amma?”… സിനിമാ കണ്ട്‌ കഴിഞ്ഞപ്പോൾ ഞാൻ നിന്നെക്കുറിച്ചോർത്തു. നമ്മുടെ കൊച്ച്‌ വീടിനെക്കുറിച്ചോർത്തു. വളരെക്കുറച്ച്‌ മാത്രം മൊബൈയിൽ ഉപയോഗിക്കുവാൻ ഇഷ്ടപ്പെടുന്ന ആളാണു ഞാനെങ്കിലും, ചിലപ്പോഴൊക്കെ മൊബൈയിൽ കൈയ്യിലെടുത്താൽ ചുറ്റും നടക്കുന്നത്‌ കാണുവാനും, കേൾക്കുവാനും സാധിക്കാതെ വേറൊരു ലോകത്തെത്തപ്പെടുന്നതായിട്ട്‌ തോന്നിയിട്ടുണ്ട്‌. എന്റെ മകൾ അവൾക്ക്‌ കിട്ടേണ്ട ശ്രദ്ധ കിട്ടാതെയാവുമ്പോൾ, അമ്മേയെന്ന് പറഞ്ഞ്‌ കരയുമ്പോളണു ചിലപ്പോൾ ബോധം തിരിച്ചു വരുന്നത്‌. പല തവണ ഇതാവർത്തിച്ചപ്പോൾ കുഞ്ഞ്‌ അടുത്തു വരുമ്പോഴെ മൊബെയിൽ മാറ്റിവെക്കുവാൻ തുടങ്ങി... ആ സിനിമയിലും സ്വന്തം മാതാപിതാക്കളെ കാണാതെ, അവരെ കേൾക്കാതെ മക്കൾ ഓൺലൈനിൽ മുങ്ങിതാഴുന്നത്‌ കണ്ടപ്പോൾ തോന്നി, മക്കളെ കാണാതെ മുങ്ങിത്താഴുന്ന മാതാപിതാക്കളുമുണ്ടെന്ന്..
ആ സിനിമയിലെ ചില ഡയലോഗുകൾ ഒരുപാടിഷ്ടപ്പെട്ടു...
"മറ്റൊരാളുടെ കുറ്റം പറയുന്ന, മറ്റൊരാളെ മോശക്കാരാക്കുന്ന ഓർമ്മകൾ പങ്കുവെക്കാതിരിക്കുന്നതല്ലേ നല്ലത്‌." (My favorite)
"അവനെ ഫോണിലാരെങ്കിലും വിളിച്ചാൽ ഭയങ്കര ചിരിയും, കളിയും, തമാശയുമൊക്കെയാണു. അടുത്തു നിന്ന് നമ്മളെന്തെങ്കിലും പറഞ്ഞാൽ ഹെ..ഹാ..ഹൂ.. ഇങ്ങനെ രണ്ടുമൂന്ന് മൂളൽ മാത്രമേ ഉണ്ടാവുകയുളളൂ..."
"ഫ്രിഡ്ജുമതെ... ഫോണുമതേ ... അകത്തൊന്നുമില്ലാന്നറിയാമെങ്കിലും ഇടക്കുവന്നൊന്ന് തുറന്നു നോക്കിയില്ലെങ്കിൽ മനസ്സിനൊരു വിഷമമാ..."
"ഇത്രയും നാൾ ഞാനന്വേഷിച്ച്‌ നടന്ന എന്റെ ദൈവത്തെ കാണാൻ..."
അങ്ങനെ ഒരു പാട്‌ നല്ല ഡയലോഗുകൾ...
ഏറ്റവും ഇഷ്ടപ്പെട്ട സീൻ - ഇന്ദ്രൻസേട്ടൻ ഉറക്കത്തിൽ നിന്ന് ഞെട്ടിയെണീക്കുന്ന സീൻ... റോജിൻ തോമസ്സും തന്റെ ഇന്റർവ്വ്യൂവിൽ പറയുന്നുണ്ട്‌, ഇന്ദ്രൻസേട്ടൻ ശരിക്കും ജീവിച്ച ഒരു സീനായിരുന്നു അതെന്ന്. അതിലെ ഓരോ കഥാപാത്രവും അവരുടെ കൈയ്യൊപ്പ്‌ ആ സിനിമയിൽ അവശേഷിപ്പിച്ചു. നസ്ലിൻ ഭാവിയിലെ വാഗ്ദാനം. മഞ്ജുചേച്ചി കുട്ടിമ്മയായിജീവിച്ചു.
എല്ലാ സിനിമകളേയും പോലെ കണ്ടു രണ്ടു ദിവസം കൊണ്ട്‌ അതുന്റെ പ്രഭാവം ജീവിതത്തിൽ നിന്ന് പോകുന്നതു പോലെ, ഈ സിനിമ നൽകുന്ന സന്ദേശവും നമ്മുടെയെല്ലാം ജീവിതത്തിൽ നിന്ന് പോവാതിരിക്കട്ടെ.
#HOME … Live your moments… #
❤️
KR
