കുഞ്ഞേ ഈ അമ്മയെ നീ ശപിക്കരുത്.....



കുഞ്ഞേ നീ ഇനി എന്‍റെ ഓര്‍മകളില്‍ മാത്രം!!!

വര്‍ഷങ്ങളുടെ പ്രാര്‍ത്ഥനയും, കാത്തിരിപ്പുമുണ്ടായിരുന്നു നീ എന്‍റെ ഉദരത്തില്‍ ജന്മം കൊള്ളുവാന്‍... എന്‍റെ വാത്സല്യവും, സ്നേഹവും  മുഴവന്‍ ഞാന്‍ നിനക്കായി കാത്തു വെച്ചു... എന്‍റെ സ്വപ്നങ്ങളില്‍ നിന്‍റെ കളിചിരികളും കുസൃതികളും നിറഞ്ഞുനിന്നിരുന്നു.............

 

പക്ഷേ ജൂണ്‍ പതിനഞ്ചാം തീയതി നീ എന്നെ തനിച്ചാക്കി ഈ ലോകത്തോട് വിടപറഞ്ഞപ്പോള്‍ ഞാന്‍ വീണ്ടും ജീവിതത്തില്‍ തനിച്ചാവുകയായിരുന്നു..... ഇരുപത്തിമൂന്നാം തീയതി നീ എന്‍റെ ശരീരത്തില്‍ നിന്നും ആത്മാവില്‍ നിന്നും പൂര്‍ണമായി മുറിച്ചുമാറ്റപ്പെട്ടപ്പോള്‍ ഈ അമ്മക്ക് ഒരു അപേക്ഷയെ നിന്നോട് ഉണ്ടായിരുന്നുള്ളു ഒന്‍പത് മാസം നിന്നെ ഉദരത്തില്‍ സംരക്ഷിക്കാന്‍ കഴിയാഞ്ഞ, നിനക്ക് ജന്മം തരാന്‍ സാധിക്കാഞ്ഞ ഈ അമ്മയെ നീ ഒരിക്കലും ശപിക്കരുതേയെന്ന്‍......

 

നിന്‍റെ ആത്മാവ് എന്‍റെ ഈ മുറിക്കുള്ളില്‍ ഇരുന്ന് തേങ്ങുന്നത്‌ എനിക്ക് കേള്‍ക്കാം.... കുഞ്ഞേ നിന്‍റെ പുനര്‍ജന്മത്തിനായി ഞാന്‍ കാത്തിരിക്കുന്നു... ഈ അമ്മ അതിനു യോഗ്യയെങ്കില്‍ നിന്‍റെ ഈ തേങ്ങലുകള്‍ വീണ്ടും കളിചിരികളായി എന്‍റെ ഉദരത്തില്‍ ജന്മം എടുക്കുട്ടെ.... കുഞ്ഞേ വീണ്ടും നിന്‍റെ വരവിനായി ഞാന്‍ പ്രാര്‍ത്ഥനയോടെ കാത്തിരിക്കുന്നു.... നീയെങ്കിലും എന്നെ തനിച്ചാക്കില്ലാ എന്ന്‍ ഞാന്‍ വിശ്വസിക്കുന്നു....

 

           എന്ന് നിന്‍റെ സ്വന്തം അമ്മ.....

എന്‍റെ സൗഹൃദങ്ങള്‍

എന്നും ഞാന്‍ തനിച്ചായിരുന്നു എന്‍റെ യാത്രകളില്‍ ഇനിയും ഞാന്‍ തനിച്ചാണ് എന്‍റെ യാത്രയില്‍....

ഞാന്‍ പലപ്പോഴും ചിന്തിക്കാറുണ്ട് എന്‍റെ സൌഹൃദങ്ങള്‍ക്കെന്തേ ഇയ്യാംപാറ്റകളുടെ ആയുസ്സ് ഉള്ളതെന്ന്... അവ ചിറകിട്ടടിച്ചു പറന്നുയരുന്നതിനെ മുന്‍പേ ഭൂമിയില്‍ കൊഴിഞ്ഞുവീഴുന്നു.

 കൈയ്യിലിരിപ്പ്‌ അല്ലാണ്ടെന്ത്!!!!! എന്നു മനസില്‍ തോന്നിയവര്‍ ആരെങ്കിലും കാണും ഇത് വായിച്ചപ്പോള്‍. എന്നാല്‍ തെറ്റി.... ഞാന്‍ സൗഹൃദങ്ങളുടെ സുഹൃത്ത് അല്ല.. മറിച്ച് വളരെക്കുറച്ച് നല്ല സുഹൃത്തുക്കളില്‍ നിന്നും ഒരു നല്ല സൗഹൃദം കണ്ടെത്താന്‍ ശ്രമിച്ച ഒരു നല്ല സുഹൃത്ത് മാത്രമാണ് ഞാന്‍... ഒന്നും മനസ്സില്‍ ആയില്ലാ അല്ലേ!!! അതാണ് എന്‍റെ സൗഹൃദവും....

 

ജീവിതം നമ്മള്‍ക്ക് മുന്‍പില്‍ തുറന്നു വെച്ചിരിക്കുന്ന ഏറ്റവും മനോഹരമായ ബന്ധങ്ങളില്‍ ഒന്നാണ് സൗഹൃദം.... നമ്മളുടെ പ്രതിബിംബങ്ങളാണ് ചിലപ്പോള്‍ അവര്‍.

പത്തു വര്‍ഷത്തെ പള്ളിക്കൂടജീവിതം ഒരുപാട് സുഹൃത്തുക്കുളെ നല്‍കി. ആ സൗഹൃദം പിന്നെ കലാലയജീവിതത്തിന് വഴിമാറിയപ്പോള്‍ അതാണ് ഏറ്റവും തീവ്രവും ഒരിക്കലും പിരിയാത്തതുമായ സൌഹൃദമെന്നു ഉറപ്പിച്ചു. എന്തിന് അത് ചിന്തിച്ചുതീര്‍ന്നില്ല അതിലും വലിയ ലോകവും തുറന്നുകൊണ്ട് പിന്നെയും ഓരോ സൗഹൃദങ്ങളും വിടര്‍ന്നു. പക്ഷേ ഒന്നും ജീവിതത്തില്‍ സ്ഥായിയല്ല എന്നു വിളിച്ചുപറഞ്ഞുകൊണ്ട് അവയെല്ലാം എന്നെ വിട്ട് ദൂരേക്ക് പറന്നകന്നു പോവുകയും ചെയ്തു....

 

പക്ഷേ വളരെ കുറച്ചു സുഹൃത്തുക്കളില്‍ മാത്രമേ ഞാന്‍ ആത്മാര്‍ത്ഥമായ സൗഹൃദങ്ങള്‍ കണ്ടിട്ടുള്ളു... അവര്‍ തമ്മില്‍ പരസ്‌പരം വര്‍ഷങ്ങളായി സംസാരിച്ചിട്ടില്ലെങ്കില്‍കൂടിയും ഏതോ ജന്മത്തിലെ ഏതോ ബന്ധത്തിന്‍റെ നൂലുകളാല്‍ അവ കൂട്ടികെട്ടപ്പെട്ടിരിക്കുന്നതുപോലെ എനിക്കു തോന്നിയിട്ടുണ്ട്. അങ്ങനെയുള്ള സൗഹൃദങ്ങള്‍ ഉറപ്പായും നിങ്ങളുടെ ജീവിതത്തിലും കാണുമെന്ന് ഞാന്‍ വിശ്വസിച്ചിട്ടോ, മറ്റുള്ളവരെ വിശ്വസിപ്പിച്ചിട്ടോ വല്ല കാര്യവുമുണ്ടോ???? ഇല്ലാ...

 

എനിക്ക് പറഞ്ഞിട്ടുള്ള പണിയുമായി മുന്‍പോട്ടു പോകുവാന്‍ ഞാന്‍ തീരുമാനിച്ചു... അതാകുമ്പോള്‍ ആരെയും ഞാന്‍ വേദനിപ്പിച്ചു എന്ന്‍ കുത്തിയിരുന്ന് തല പുകച്ച് ആലോചിക്കണ്ടല്ലോ... ഇനിയിപ്പോ എന്‍റെ പണി എന്താണെന്നായിരിക്കും അടുത്ത ആലോചന അല്ലേ... എന്‍റെ ബ്ലോഗും, എന്‍റെ എഴുത്തുകളും, എന്‍റെ കൊച്ചു സ്വപ്നങ്ങളും....

 അതുകൊണ്ട് നല്ല നാളെകള്‍ നല്ല സൗഹൃദങ്ങള്‍ക്ക് വഴിതുറക്കട്ടെ എന്നു പ്രാര്‍ത്ഥിച്ചുകൊണ്ട്... ഇതുപോലൊരു ബ്ലോഗ്‌ എന്‍ട്രി നടത്താന്‍ എനിക്ക് അവസരം ഒരുക്കി തന്ന എന്‍റെ ആ നല്ല സുഹൃത്തിന് ദൈവം നല്ലതു മാത്രം വരുത്തട്ടെയെന്നും ആശംസിച്ചുകൊണ്ട് നിര്‍ത്തുന്നു...

 

                      .........കാര്‍ത്തിക...........

 

 

THE SECRET ... (BOOK REVIEW)

My life , my experiences and my perceptions were totally masked by lots of adversities'... the lost my precious baby at the age of 10 weeks was the last series in it..


I look forwarded to have a new beginning in my life and I never wanted to portrait myself as a desperate person.... there my life has started to change through a book named "The Secret" which was introduced in my life by my ever loving friend SUMI ANIRUDHAN. Expressing my sincere gratitude to you Sumi for changing my perception towards my hardships...


I started to read this book with no expectations but when the pages of my book were turned one by one, I realized it's just inculcating me with lot of positive energy. I started to redefine my life and thoughts. It is explaining about all the major factors and facts of life, like money, wealth, health, relationships etc. I would like to recommend this book for your must read list.


Now I am more confident and my way is clear ... Yes! my passion towards my writing, my dream about launching a charitable organization, to experience my inner most happiness and love. I am ready to fill this universe with my happiness, love and confidence.


 Thanks to Al mighty!..


                                                           ...........KARTHIKA..........

UNDEFINED...

നിലാവെളിച്ചം നിശയെ പുൽകുമ്പോൾ ഇളം തെന്നലായി വരുമെൻ ചാരെ നിന്നോർമ്മകൾ, എതോ സ്വപ്‌നത്തിൻ ചിറകിലേറി പോയീടാൻ.. ആ യാത്രകൾ ഒരിക്കലും അവസാനിക്കരുതെന്നാഗ്രഹിക്കുമ്പോൾ അവയെല്ലാം ഒരു സ്വപ്നമായിരുന്നുവെന്ന് എന്റെ കാതിൽ മെല്ലെ മൊഴിഞ്ഞ്‌ അവ ദൂരേക്ക്‌ പറന്നകലും...

ഇനിയും തുടരേണ്ടയീയാത്രയിൽ ജീവിതം എത്ര നാൾ ബാക്കി.. ചിൽപ്പോൾ നിമിഷങ്ങൾ, അല്ലെങ്കിൽ ദിനങ്ങൾ അതുമല്ലെങ്കിൽ മാസങ്ങൾ ..വർഷങ്ങൾ ..

ചിലപ്പൊൾ ആ കാത്തിരിപ്പ്‌ ഒരു സ്വപ്നമായി മാത്രം അവശേഷിച്ചാൽ!!!.. ഈ ജന്മം ബാക്കിവെക്കുന്നത്‌ ഒരു പിടി ഓർമ്മകൾ മാത്രമായിരിക്കും..

 ഒരുപാട്‌ നല്ല ഓർമ്മകൾ ബാക്കി വെക്കാൻ നമ്മുടെ ഈ ജീവിതം സാക്ഷിയാവട്ടെ...

                                                                                           KARTHIKA.....

പ്രണയാര്‍ദ്രമാമിയാത്രകള്‍

CORAL ISLAND

                                                           

യാത്രകളെ ഞാന്‍ ഒരിക്കലും പ്രണയിച്ചിട്ടില്ല പക്ഷേ അക്ഷരങ്ങളോടുള്ള എന്‍റെ പ്രണയം യാത്രകളെ എനിക്ക് പ്രിയങ്കരമാക്കുകയായിരുന്നു... അതെ ഞാന്‍ തുടുങ്ങുകയാണ് എന്‍റെ യാത്രകള്‍ എന്‍റെ പ്രണയത്തിലൂടെ സൗഹൃദത്തിലൂടെ എനിക്ക് ഏറ്റവും പ്രിയപ്പെട്ട എന്‍റെ അക്ഷരങ്ങളിലൂടെ...

                            

എല്ലാവരുടെയും ജീവിതത്തില്‍ വഴിത്തിരിവുകള്‍ ഉണ്ടാകാറുണ്ട്. അത് ഏത് സമയത്ത് വേണമെങ്കിലും സംഭവിക്കാം. അങ്ങനെയൊരു വഴിത്തിരിവിലൂടെയാണ് എന്‍റെ യാത്രകളും ആരംഭിച്ചത്. ആ യാത്രകള്‍ എനിക്കായി കാത്ത് വെച്ചത് അറിവിന്‍റെയും, പ്രകൃതിയുടെ അനന്തമായ സൗന്ദര്യത്തിന്‍റെയും അവിശ്വസനീയമായ കാഴ്ചകള്‍ ആയിരുന്നു.

Ko Laan (or Lan or Larn, or Coral Island)

View from the top of the hill

  തായിലന്‍റിലെ കിഴക്കന്‍ കടല്‍ത്തീരങ്ങളിലെ ദ്വീപുസമൂഹങ്ങളില്‍ ഒന്നാണ് കൊ ലാന്‍ / കോറല്‍ ദ്വീപ്. കടലും അതിലെ തിരകളും അതില്‍ അലിഞ്ഞുചേരുന്ന സൂര്യനും എന്നും എനിക്ക് എന്‍റെ പ്രണയത്തിന്‍റെ ദൃഷ്ടാന്തങ്ങള്‍ ആണ്. ഏപ്രില്‍ 26 2015 ഞാനും റെഞ്ചിയും പട്ടയാ എന്ന ചെറിയ പട്ടണത്തില്‍ നിന്നും ഒരു കടത്തുബോട്ടില്‍ ആ മനോഹര തീരത്തേക്ക് യാത്ര ആരംഭിച്ചു. കടലിലൂടെയുള്ള ആ യാത്ര എന്‍റെ എല്ലാ വികാരങ്ങള്‍ക്കും ഒരു പുതു ജീവന്‍ നല്‍കി. കാതുകളില്‍ സംഗീതവും മനസ്സില്‍ പ്രണയവും ആ യാത്രയുടെ മനോഹാരിത വര്‍ദ്ധിപ്പിച്ചു. തിരകള്‍ മുറിച്ചു കീറി ആ ബോട്ട് യാത്ര തിരിച്ചപ്പോള്‍ സമയം 8 മണി. അവിടെ നിന്നും അരമണിക്കൂറിന് മുകളില്‍ എടുത്തു ആ മനോഹര തീരത്ത്c എത്തുവാന്‍. അതിനുള്ളില്‍ എന്‍റെ കൈയില്ലുണ്ടായിരുന്ന കൊന്തമണികളിലെ പ്രാര്‍ത്ഥനയും ഞാന്‍ തികച്ചിരുന്നു. ആ പ്രാര്‍ത്ഥന ഞാന്‍ സമര്‍പ്പിച്ചത് എന്‍റെ ജീവിതത്തിലെ ഏറ്റവും നല്ല ഒരു സൗഹൃദത്തിനു വേണ്ടിയായിരുന്നു.   

ഉഷ്ണമേഖല വനാന്തരങ്ങളാലും മലഞ്ചെരുവുകളാലും അണിയിച്ചൊരുക്കപ്പെട്ടതായിരുന്നു ആ ദ്വീപുസമൂഹങ്ങള്‍. ഇത്രയും സൗന്ദര്യം ആ കൊച്ച് ദ്വീപിനുണ്ടാകുമെന്ന് ഞാന്‍ ഒരിക്കലും പ്രതീക്ഷിച്ചിരുന്നില്ല. ഏകദേശം 205 മീറ്റര്‍ ഉയരമുള്ള കുന്നിന്‍റെ  താഴ്വാരത്തായിരുന്നു ആ  ദ്വീപുസമൂഹം വലയം ചെയ്യപ്പെട്ടിരുന്ന മനോഹരമായ ആ കടല്‍തീരം സ്ഥിതി ചെയ്തിരുന്നത്. ആ കുന്നിന്‍റെ  മുകളില്‍ അതിന്‍റെ സൌന്ദര്യത്തിന് ഒരു ദൈവീകമായ പരിവേക്ഷം നല്‍കി ഒരു ബുദ്ധക്ഷേത്രം നിലകൊള്ളുന്നു. കടലിന്‍റെ സൗന്ദര്യം ആസ്വദിക്കുന്നതിന് മുന്‍പ് ആ മലഞ്ചെരുവിലേക്ക് ഒരു സാഹസിക യാത്രയാകാമെന്ന് ഞങ്ങള്‍ തീരുമാനിച്ചു. കടലിനോടു തൊട്ടു കിടക്കുന്ന ആ മലയടിവാരത്ത് ഞങ്ങള്‍ എത്തി.

Our bike rider - Boy

കുന്നിന്‍റെ മുകളിലേക്ക് പോകുവാന്‍ അവിടെ വാഹനങ്ങള്‍ സജ്ജമായിരുന്നു.  രഞ്ജിക്ക് ജീപ്പിന് പോകുവാനായിരുന്നു താല്‍പ്പര്യം. പക്ഷേ എന്നെ ആകര്‍ഷിച്ചത് ബൈക്ക് ആണ്. എന്‍റെ ആവേശം ആകാശത്തോളം ഉയര്‍ന്നു. ബൈക്കിന് പുറകില്‍ ഇരുന്ന്‍ യാത്ര ചെയ്യുക എന്നത് എനിക്ക് എന്നും ഒരാവേശം ആയിരുന്നു. ഞങ്ങള്‍ മൂന്നു പേരും, ബൈക്ക് ഓടിക്കുന്ന ബോയി എന്ന തായവാനിയും, രഞ്ജിയും പിന്നെ ഞാനും ഒരു ബൈക്കില്‍ ആ മലയുടെ മുകളിലേക്ക് യാത്ര തിരിച്ചു. മലമുകളിലേക്ക് കയറും തോറും പ്രകൃതിയുടെ സൗന്ദര്യം എന്‍റെ സിരകളില്‍ ഉന്മാദം എന്ന ഭാവം നിറച്ചുകൊണ്ടേയിരുന്നു. ഞാന്‍ എല്ലാം മറക്കുകയായിരുന്നു അവിടെ എന്‍റെ ദുഃഖങ്ങള്‍, നിരാശകള്‍... എല്ലാം ഒരു നിമിഷത്തേക്ക് എന്നില്‍ നിന്നും പറന്നകന്നു. ഞാനും പ്രകൃതിയും അതിന്‍റെ സൗന്ദര്യവും പിന്നെ എന്‍റെ പ്രണയവും മാത്രമായ നിമിഷങ്ങള്‍.

ബുദ്ധന്‍റെ ക്ഷേത്രത്തിലും അവിടുത്തെ ചില പ്രതിഷ്ഠകളുടെ മുന്‍പിലും ഞാന്‍ പ്രാര്‍ത്ഥനാ നിരതയായി നിന്നു. ഈ ലോകത്തില്‍ എല്ലാ മതങ്ങളും ഒന്നാണെന്ന് വിശ്വസിക്കുന്ന ഞാന്‍ അവിടെ അര്‍പ്പിക്കപ്പെട്ട പ്രാര്‍ത്ഥനകള്‍ എന്‍റെ ഏറ്റവും പ്രിയപ്പെട്ടവര്‍ക്ക് അനുഗ്രഹങ്ങളായി വര്‍ഷിക്കട്ടെ എന്ന് ആഗ്രഹിക്കുന്നു. ആ മലയുടെ മുകളില്‍ നിന്നും താഴേക്ക്‌ നോക്കുമ്പോള്‍ മനോഹരമായ കടലും, അതിന്‍റെ തീരവും, അതില്‍ ഓടിക്കളിക്കുന്ന സ്പീഡ് ബോട്ടുകളും കാണാമായിരുന്നു. അതിന്‍റെ ഭംഗി അനര്‍വചനീയമാണ്. അവിടെ നിന്നും തിരികെ പോകുവാന്‍ തോന്നിയില്ല. പക്ഷേ സമയ പരിധിയും ഇനിയും കാണുവാനുള്ള പുതിയ സൗന്ദര്യത്തിന്‍റെ ആകര്‍ഷണതയും ഞങ്ങളെ താഴ്വാരത്തിന്‍റെ അടിത്തത്തിലേക്ക് തിരികെ കൊണ്ടുവന്നു. ബോയിക്ക് 300 ബാട്ട് പ്രതിഫലം നല്‍കി. പിന്നെ എന്‍റെ സന്തോഷത്തിന്‍റെ ഭാഗമായി ഞാന്‍ കുറച്ചു പൈസാകൂടി ബോയിക്ക്‌ കൊടുത്തു. അപ്പോള്‍ അയാളുടെ മുഖത്ത് വിരിഞ്ഞ ചിരിക്ക് ഞാന്‍ അവിടെ കണ്ട എല്ലാ സൗന്ദര്യങ്ങളെക്കാളും അധിക സൗന്ദര്യമുള്ളതായി തോന്നി.

പിന്നെ ഒരു കരിക്കിന്‍ വള്ളം ഒക്കെ വാങ്ങിച്ച് കുടിച്ചു നേരെ കടലിലേക്ക്. ആളും തിരുക്കും ഒഴിഞ്ഞ ഒരു തീരം ഞാന്‍ കണ്ടെത്തി. അവിടെ ഞാന്‍ എന്നെ തന്നെ മറന്നു. കുറെ നേരം തിരകള്‍ പുല്‍കുന്ന തീരത്ത് വെറുതെ ഇരുന്നു. എന്‍റെ മടിത്തിട്ടിലേക്ക് ഒരു കുഞ്ഞിന്‍റെ ആവേശത്തില്‍ തിരകള്‍ ആഞ്ഞടിച്ചുകൊണ്ടിരുന്നു. എന്‍റെ മനസ്സിലും പ്രണയം നിറഞ്ഞു. അവ ചിറകുകള്‍ വിടര്‍ത്തി എവിടെയൊക്കെയോ സഞ്ചരിച്ചു. മനസിനെ അങ്ങനെ വെറുതെ അഴിച്ചു വിടുമ്പോള്‍ ഒരു സുഖമാണ്. അപ്പോള്‍ നമ്മള്‍ ഈ ലോകത്തില്‍ നിന്നും പൂര്‍ണമായും മാറ്റപ്പെടുന്നു. അവിടെ ഓര്‍മിക്കുവാന്‍ ഇഷ്ടപ്പെടുന്ന കുറെ നല്ല സ്വപ്‌നങ്ങള്‍ മാത്രമേ ഉണ്ടായിരിക്കുകയുള്ളു. പിന്നെ ഞാന്‍ മൌനമായി ആ കടലിനോട് സംസാരിക്കുന്നുണ്ടായിരുന്നു. എന്‍റെ ഭാഷ മനസിലായിട്ടെന്നോണം തിരകളുടെ ശക്തി കൂടുവാന്‍ തുടങ്ങി. പിന്നെ അവയുടെ ആകര്‍ഷണത്തില്‍ ഞാന്‍ കടലിലേക്ക് ഇറങ്ങി. കടലിനോടുള്ള പ്രണയവും, തിരകളോടുള്ള വാത്സല്യവും മനസ് നിറഞ്ഞ് ഞാന്‍ ആസ്വദിച്ചു.

സുര്യന്‍റെ ചൂട് അസഹനീയമായി അനുഭവപ്പെടാന്‍ തുടങ്ങിയപ്പോള്‍ ഞങ്ങള്‍ കടലിനോടും ആ തീരങ്ങളോടും യാത്ര പറഞ്ഞ് തിരികെ ബോട്ട് ജെട്ടിയിലേക്ക് യാത്ര തുടങ്ങി. വീണ്ടും തിരികെ കടലിലൂടെ അതിന്‍റെ സൗന്ദര്യത്തില്‍ മതിമറന്ന് സംഗീതത്തില്‍ ലയിച്ച് യാത്ര ആരംഭിച്ചു. തിരികെയുള്ള യാത്രയില്‍ ജീവിതത്തില്‍ ഇത്രയും മനോഹരമായ നിമിഷങ്ങള്‍ തന്ന സര്‍വേശ്വരന് നന്ദി പറയാന്‍ മറന്നില്ലാ! ഇനിയും എന്‍റെ യാത്ര തുടരും എന്‍റെ പ്രണയത്തിനു വേണ്ടി, എന്‍റെ സൗഹൃദത്തിന് വേണ്ടി, എന്‍റെ അക്ഷരങ്ങള്‍ക്ക് വേണ്ടി....

                    ....... കാര്‍ത്തിക ......

ഐശ്വര്യത്തിന്‍റെ കണിക്കൊന്ന പൂത്തപ്പോള്‍.. വീണ്ടും വരവായി ഒരു വിഷു കൂടി...

    എല്ലാവര്‍ക്കും ഐശ്വര്യത്തിന്‍റെയും സമ്പല്‍ സമൃദ്ധിയുടേയും വിഷു ദിനാശംസകള്‍...



ഒരു വിഷു കൂടി ഐശ്വര്യത്തിന്‍റെയും സമ്പല്‍ സമൃദ്ധിയുടേയും സന്ദേശവുമായി വന്നെത്തിയിരിക്കുന്നു... ഈ വിഷുവിന് എന്‍റെ കണിക്കൊന്ന പൂത്തത് എന്‍റെ ഈ കൊച്ചു ബ്ലോഗിലെ അക്ഷരങ്ങളിലൂടെയാണ്... ആദ്യമായി ഞങ്ങള്‍ ഒന്നിക്കുന്ന, ആശംസകള്‍ നേരുന്ന ഞങ്ങളുടെ ആദ്യത്തെ വിഷു..

 നാട്ടില്‍ നിന്ന് അനിയത്തി മുറ്റത്തെ കണിക്കൊന്ന പൂവിട്ട പടം അയച്ചുതന്നപ്പോള്‍ എവിടെയോ നഷ്‌ടമായ ബാല്യത്തിന്‍റെ ഓര്‍മ്മകള്‍ എന്‍റെ അക്ഷരങ്ങളിലൂടെ പിറവിയെടുക്കുകയായിരുന്നു...

 ബാല്യത്തിന്‍റെ ഓര്‍മകളില്‍ ഏറ്റവും സുന്ദരമായിരുന്നു ആ കൊന്നപ്പൂക്കള്‍...അവ എന്‍റെ കാന്‍വാസില്‍ ചിത്രങ്ങളായി വിടര്‍ന്നപ്പോള്‍ ഞാന്‍ വര്‍ണങ്ങളുടെ ലോകത്ത് പിച്ചവെക്കുന്നതേയുണ്ടായിരുന്നുള്ളു... ഇന്നും കൊന്നപ്പൂക്കള്‍ മനസില്‍ നിറക്കുന്ന സന്തോഷത്തിന് അതിരില്ലാ..

 ഈ പ്രവസജീവിത്തത്തില്‍ നമുക്ക് നഷ്ടമാകുന്ന ആ സൗന്ദര്യങ്ങള്‍ ഇനി ഒരിക്കലും തിരിച്ചുകിട്ടില്ല എന്നറിയാമായിട്ടും ജീവിതത്തിന്‍റെ രണ്ട്‌ അറ്റങ്ങള്‍ കൂട്ടി മുട്ടിക്കുവാന്‍ നാം എല്ലാം മറക്കുന്നു... പരിമിതികള്‍ക്കുള്ളില്‍ നിന്ന് ഓരോ ആഘോഷങ്ങളെയും നമ്മള്‍ നെഞ്ചോടു ചേര്‍ക്കുന്നു... എന്നെങ്കിലും ഒരിക്കല്‍ നമുക്ക് നഷ്‌ടമായ ആ ആഘോഷങ്ങളിലേക്ക് വീണ്ടും നമുക്ക് തിരികെയെത്താം എന്ന പ്രതീക്ഷയില്‍...

 എല്ലാവര്‍ക്കും ഐശ്വര്യത്തിന്‍റെയും സമ്പല്‍ സമൃദ്ധിയുടേയും വിഷു ദിനാശംസകള്‍...

 പുതിയ വര്‍ഷത്തില്‍ ദൈവം നിങ്ങളുടെ എല്ലാ ആഗ്രഹങ്ങളും സഫലീകരിക്കട്ടെ എന്ന പ്രാര്‍ത്ഥനയോടെ നിങ്ങളുടെ സ്വന്തം  കാര്‍ത്തിക....

 

എന്‍റെ നാള്‍ വഴികള്‍

ഇനിയും എത്ര കാതങ്ങള്‍ ഞാന്‍ എന്‍റെ നാള്‍ വഴികളിലൂടെ താണ്ടണം....




ജീവിത്തില്‍ ഒരു യാത്ര കൂടി ഇന്ന്‌ അവസാനിക്കുന്നു...

 

 പുറകിലേക്ക് തിരിഞ്ഞു നോക്കുമ്പോള്‍ എനിക്ക് കാണുവാന്‍ കഴിയുന്നത്‌ ഒരു ശൂന്യത മാത്രമാണ്... എന്നെ എപ്പോഴും തനിച്ചാക്കി എവിടേക്കോ ഓടിയൊളിക്കാന്‍ ബദ്ധപ്പെട്ടോടിയ സ്വപ്‌നങ്ങള്‍... എന്നും വേദനകളും നിരാശകളും മാത്രം ആ ഒളിച്ചുകളിയില്‍ അവ എനിക്കായി അവശേഷിപ്പിച്ചു...

 

 

 ഞാന്‍ തനിയെ നടന്ന എന്‍റെ നാള്‍ വഴികള്‍... ഇടയ്ക്ക് എവിടെയോ ആ യാത്രകളില്‍ കൂട്ടായെത്തിയ ഒരു പിടി നല്ല സൗഹൃദങ്ങള്‍.... ജീവിതത്തില്‍ എല്ലാം ക്ഷണികമാണെന്നു ഉറക്കെ വിളിച്ചുപറഞ്ഞുകൊണ്ട് ആ സൗഹൃദങ്ങള്‍ തന്നെ തനിച്ചാക്കി വിടപറഞ്ഞപ്പോളും ഞാന്‍ എന്‍റെ യാത്ര തുടരുകയായിരുന്നു...

 

പിന്നെയും ജീവിതം അവശേഷിപ്പിച്ചത് എനിക്ക് മാത്രമായി താലോലിക്കുവാന്‍ എവിടെയോ എന്നെ ഉപേക്ഷിച്ചു പോയ ഒരു പിടി നല്ല ഓര്‍മ്മകള്‍ മാത്രമായിരുന്നു.... ആ ഓര്‍മകളിലൂടെ ഞാന്‍ ചാലിച്ച വര്‍ണങ്ങള്‍ എന്‍റെ ഹൃദയത്തിന്‍റെ കാന്‍വാസില്‍ ഒരിക്കലും മായാത്ത വര്‍ണചിത്രങ്ങളായി പിറവിയെടുത്തു...

 

ഇനിയും തുടരേണ്ടിയ ഈ യാത്ര എനിക്കായി എന്‍റെ നാള്‍ വഴികളില്‍ കാത്തുവെച്ചിരിക്കുന്നത് എന്താണെന്ന് എനിക്കറിയില്ല!!!! പക്ഷേ എന്‍റെ ജീവിതത്തിനു ഇപ്പോള്‍ ലക്ഷ്യങ്ങള്‍ ഉണ്ട് നിറങ്ങള്‍ ഉണ്ട്...

 

ഇനിയും  എന്നെ ജീവിക്കാന്‍ പ്രേരിപ്പിച്ച എന്‍റെ പ്രണയത്തിലൂടെ ... എന്‍റെ അക്ഷരങ്ങളോടുള്ള പ്രണയത്തിലൂടെ എനിക്ക് ജീവിക്കണം... എന്‍റെ നാള്‍ വഴികള്‍ താണ്ടണം..

                      

                                കാര്‍ത്തിക