ശിവദാസ്‌ വാര്യർ - 🕯️സങ്കീർത്തനം 23

 4️⃣0️⃣0️⃣0️⃣0️⃣ K Views…🥰🙏🥰🙏🥰

https://youtu.be/v5pRvq1BGLY?si=ALb233khiiiP4roi  - Link of the Song

💕🕯️സങ്കീർത്തനം 23 📖Psalm 23 🕯️💕

#സങ്കീർത്തനം_23 എന്ന പാട്ടിന്റെ സംഗീത സംവിധായകനും, ഗായകനുമായ വാര്യർ മാഷെന്ന് ഞങ്ങളെല്ലാം വിളിക്കുന്ന ശ്രീ ശിവദാസ്‌ വാര്യർ എന്ന കലാകാരനെക്കുറിച്ച്‌ ഒരുപാട്‌ പേർ എന്നോട്‌ ചോദിച്ചു... അതിനു മറുപടിയായി അദ്ദേഹത്തെക്കുറിച്ച്‌ ഒരു കുറിപ്പ്‌ ചുവടെ ചേർക്കുന്നൂ...

ശ്രീ ശിവദാസ്‌ വാര്യർ ഗായകൻ, സംഗീത സംവിധായാകൻ, അഭിനേതാവ്‌, സംഗീതാദ്ധ്യാപകൻ എന്നീ നിലകളിൽ പ്രശ്തനാണ്. 2500-നു മുകളിൽ പാട്ടുകൾ ചെയ്ത, സംഗീത ലോകത്ത്‌ ഇരുപത്തിയാറോളം പുരസ്‌കാരങ്ങൾ നേടിയ അദ്ദേഹം ഇപ്പോഴും സംഗീത ലോകത്ത്‌ തന്റെ സപര്യ തുടരുന്നൂ.

കോഴിക്കോട്‌ ജില്ലയിലെ മുക്കത്ത്‌ കിഴക്കേപ്പാട്ട്‌ വാര്യത്ത്‌ ജനനം. താഴക്കോട് LP സ്കൂൾ പഠനം, പിന്നെ മുക്കം ഹൈസ്കൂളിൽ തുടർ പഠനം. അദ്ദേഹത്തിന്റെ അച്ഛന്റെ മരണ ശേഷം മലപ്പുറം, കോട്ടക്കലേക്ക്‌ വരികയും, പിന്നീട്‌ പി.എസ്.എം.ഒ, അലനല്ലൂർ കോളേജിൽ പഠനം തുടരുകയും ചെയ്തു.

ശ്രീ ചെമ്പൈയ്യുടെ ശിഷ്യനായ ആരനല്ലൂർ ശ്രീ കുഞ്ഞിരാമൻ ഭാഗവതരുടെ അടുത്ത്‌ സംഗീത പഠനം തുടങ്ങുന്നത്‌ കോളേജ്‌ കാലഘട്ടത്തിൽ. പിന്നീട്‌ ശ്രീ ശെമ്മാൻ കുടിയുടെ ശിഷ്യനായ പാലാ ശ്രീ സി. കെ. രാമചന്ദ്രൻ, അതുപോലെ ശ്രീ ടൈഗർ വരദാചാര്യരുടെ ശിഷ്യൻ ശ്രീ കെ ജി മാരാർ മാഷ്ടെ അടുത്തും സംഗീതം പഠിച്ചു. 

കോളേജ്‌ പഠനത്തിനു ശേഷം കോട്ടക്കൽ ആര്യവൈദ്യ ശാലയിൽ ജോലിയിൽ പ്രവേശിച്ചു. പിന്നീട്‌ നന്ദിനി കെ എന്ന സഹപാഠിയെ വിവാഹം കഴിച്ചു, ‌ രണ്ട്‌ കുട്ടികൾ, നിതാന്ത്‌, ശാശ്വതി. കുടുംബ ജീവിതം തുടങ്ങി ഏകദേശം 10 വർഷങ്ങൾ കഴിഞ്ഞാണ് ജോലി രാജിവെച്ച്‌‌ സിനിമ മോഹവുമായ്‌ ചെന്നൈക്ക്‌ പോകുന്നത്‌. എന്നാൽ സിനിമ ലോകത്തെ രീതികളോടും, ആൾക്കാരോടും പൊരുത്തപ്പെടുവാൻ സാധിക്കാതെ അദ്ദേഹം തിരികെ നാട്ടിലേക്ക്‌ പോന്നൂ. 

സംഗീതത്തെ ഒരു സപര്യയായി കൊണ്ട്‌ നടന്ന അദ്ദേഹം പിന്നീട്‌ ചില പ്രമുഖ സംഗീത സംവിധായകരുടെ അടുത്ത്‌ പാടുവാനുളള ആഗ്രഹത്താൽ സമീപിച്ചെങ്കിലും, അവസരം കിട്ടണമെങ്കിൽ സാമ്പത്തികമായ പ്രയോജനം അവർക്ക്‌ ലഭിക്കണം എന്നയറിവിൽ അവസരങ്ങൾ തേടിപ്പോകുന്നതും ഉപേക്ഷിച്ച്‌ സ്വന്തമായി സംഗീതം ചെയ്യുവാനും, പാടുന്നതിനുമെല്ലാം തുടക്കം കുറിക്കുകയായിരുന്നൂ. അങ്ങനെ ഗാന മേളകളിൽ സജീവമായി. സ്വന്തമായി ദേവീസ്തുതികളുടെ ഒരു കാസറ്റിറക്കി, അത്‌ നന്നായി സ്വീകരിക്കപ്പെട്ടു. ശബരീശ്വരം എന്ന ഭക്തിഗാനത്തിനു ശേഷം പിന്നീട്‌ ഒരുപാട്‌ അവസരങ്ങൾ ലഭിച്ചു. റേഡിയോയിൽ ലളിത ഗാനങ്ങൾ പാടുവാൻ തുടങ്ങി. അങ്ങനെ 2500-നു മുകളിൽ പാട്ടുകൾ ചെയ്തു. മലയാള സംഗീത ലോകത്തെ പ്രശസ്തരായ എല്ലാ ഗായകരെക്കൊണ്ടും തന്റെ സംഗീത സംവിധാനത്തിൽ പാട്ട്‌ പാടിപ്പിക്കുവാൻ കഴിഞ്ഞൂ എന്നതും അദ്ദേഹത്തിന്റെ നേട്ടങ്ങളിൽ എടുത്ത്‌ പറയേണ്ട ഒന്ന് തന്നെയാണ്. 

അഭിനയവും അത്രമേൽ ഇഷ്ടപ്പെടുന്ന ഈ കലാകാരൻ പതിമൂന്നോളം സിനിമകളിൽ അഭിനയിച്ചിട്ടുണ്ട്‌. സ്വാമി ശ്രീനാരായണഗുരു എന്ന സിനിമയിൽ നായകനായിട്ട്‌ അഭിനയിച്ചു. ഹരിഹരൻ സാറിന്റെ പരിണയത്തിലും അഭിനയിക്കുവാൻ അവസരം ലഭിച്ചു. നയനം എന്ന സിനിമയിൽ താൻ സംഗീത സംവിധാനം ചെയ്ത, ജ്യോത്സന പാടിയ പാട്ടിന് ഫിലിം ക്രിട്ടിക്സ്‌ അവാർഡ്‌ ലഭിക്കുകയുണ്ടായി. ഓൾ ഇൻഡ്യ റേഡിയോയിലും, ദൂരദർശ്ശനിലും ഗ്രേഡഡ്‌ ഗായകൻ, സംഗീത സംവിധായകൻ അംഗീകാരം ലഭിച്ചിട്ടുണ്ട്‌.

സംഗീതം പഠിച്ച അന്ന് മുതൽ സംഗീത പഠന ക്ലാസ്സുകൾ എടുക്കുന്നൂ. ഇപ്പോഴും ഒരുപാട്‌ ശിഷ്യന്മാർക്ക്‌ നേരിട്ടും, ഓൺലൈനിലും സംഗീത ക്ലാസ്സുകൾ നടത്തുന്നു. പുരസ്കാരങ്ങൾ‌ ലഭിക്കുന്നതിന് വേണ്ടി പരിശ്രമങ്ങളൊന്നും അദ്ദേഹം നടത്താതിരുന്നിട്ടും സംഗീതത്തിൽ അത്രമേൽ ആഴത്തിൽ അറിവുളള  മാഷിനെത്തേടി ഇരുപത്തിയാറോളം അവാർഡുകൾ എത്തിയെന്നതും അഭിനന്ദനാർഹം തന്നെയാണ്. ഗായകൻ, സംഗീത സംവിധായാകൻ എന്ന നിലയിൽ കേശവദാസ്‌ പുരസ്കാരം, സംഗീതത്തിലുളള സമഗ്ര സംഭാവനക്ക്‌ നെടുമുടി വേണു പുരസ്കാരം അങ്ങനെ അദ്ദേഹത്തിന്റെ കലാജീവിതം തുടരുന്നൂ.

സംഗീതത്തിൽ ഗാഢമായ ജ്ഞാനമുളള അദ്ദേഹത്തിന് മലയാള സംഗീത ലോകത്തിൽ ഇനിയും ഒരുപാട്‌ നല്ല പാട്ടുകളുടെ ഭാഗമാകുവാൻ സാധിക്കട്ടെയെന്നും, അർഹമായ ഒരുപാട്‌ നല്ല പുരസ്കാരങ്ങൾ അദ്ദേഹത്തെ തേടി വരട്ടെയെന്നും ആശംസിക്കുന്നൂ. 

പാട്ടിനിയും കേൾക്കാത്തവർക്ക്‌ ലിങ്ക്‌ ഇവിടെ കൊടുക്കുന്നൂ...https://youtu.be/v5pRvq1BGLY?si=ALb233khiiiP4roi Thank You all for your great support and love..🙏🥰🙏

🌿🎶Proudly presents Our Team 🌿🎼

****************************************

Lyrics: Psalms 23

Music Director & Vocal: Sivadas Warrier 

Song concept: Martha Rengith Mathew

Production: KR Media Productions

🎬🎞️Video Production 🎬🎞️

******************************

Story, Camera & Direction: Karthika Thannickan 

Camera (Studio), Cuts & Edits: Anish Nair

Poster: Sherin

Aerial Photography: Rafeek Mohammed 

🎹🎵Music Production 🎶🪈

****************************

Programing: Manoj & Jibin

Mixing & Mastering: Manoj Karukachal @ Mozart Studio, Karukachal

Flute: Rajesh Vaikal

Recording Studio: Hima Studio, Malappuram

Voice Mixing: Ameen Yazir

Voice Recordist: Muthu 

🎭 Cast 🎭

************

Justin Paul

Rejani Andrews

Abychan

Vipin Mohan

Joel Jose

Linda Justin

Liya Joel

സ്നേഹപൂർവ്വം💕

കാർത്തിക താന്നിക്കൻ

🌹🌹REMEMBERENCE DAY🌹🌹1️⃣1️⃣🕯️1️⃣1️⃣ Lest We Forget 🕯️🌹🕯️

 Remembrance Day is to acknowledge the military people who died or suffered while serving in wars, conflicts and peace operations. It is observed on 11 November to recall the end of First World War hostilities. Hostilities ended "at the 11th hour of the 11th day of the 11th month" of 1918, in accordance with the armistice signed by representatives of Germany and the Entente between 5:12 and 5:20 that morning. ("At the 11th hour" refers to the passing of the 11th hour, or 11:00 am.) 

It is also known as Poppy Day because a remembrance poppy is an artificial flower worn in some countries to commemorate their military personnel who died in war. The First World War formally ended with the signing of the Treaty of Versailles on 28 June 1919.

Schools, universitiesand different organizations celebrate the Remembrance Day by making these Poppy flowers and placing them in places where they acknowledge the service of the military personals.

ഒന്നാം ലോകമഹായുദ്ധത്തിൽ ജീവൻ പൊലിഞ്ഞവരേയും, യുദ്ധത്തിന്റെ ബാക്കിപത്രമായ്‌ അംഗവൈകല്യങ്ങളോടെ ജീവിക്കേണ്ടി വന്ന ജവാന്മാരേയും അവരുടെ കുടുംബങ്ങളേയുമൊക്കെ സ്മരിക്കുന്ന ദിനമാണ് നംവബർ 11. ഒന്നാം ലോകമഹായുദ്ധം അവസാനിപ്പിക്കുവാൻ ലോകരാജ്യങ്ങൾ തീരുമാനമെടുക്കുന്നത്‌ 1918-ൽ 11-മത്തെ മാസത്തിലെ 11-മത്തെ ദിനത്തിൽ, 11-മത്തെ മണിക്കൂറിലാണ്... ജർമ്മനിയും ത്രിലോക സംഖ്യങ്ങളും തമ്മിൽ ഈ ദിനത്തിൽ പുലർച്ചെ 5:12 നും 5:20 നുമിടക്കാണ് യുദ്ധം നിർത്തൽ കരാറിൽ ഒപ്പ്‌ വെക്കുന്നത്‌.

റിമമ്പറെൻസ്‌ ദിനത്തെ പോപ്പി ഡേയെന്നും വിളിക്കാറുണ്ട്‌.. യുദ്ധത്തിൽ മരിച്ചവരെ ഓർമ്മിക്കുന്നതിനായ്‌ ധരിക്കുന്ന കൃത്രിമമായി ഉണ്ടാക്കുന്ന ചുവന്ന പൂക്കളാണ് പോപ്പി. ഇവിടെ സ്കൂളുകളിൽ എല്ലാ കുട്ടികളും പേപ്പർ കട്ടിംങ്ങ്സ്‌ വെച്ച്‌ അതുണ്ടാക്കുകയും, ഗ്രൗണ്ടിൽ അസംബ്ലിക്ക്‌ ശേഷം ആ പൂക്കൾ അവരുടെ ഓർമ്മക്കായി സ്ഥാപ്ക്കുകയും ചെയ്യുന്നത്‌ ഒരു ചടങ്ങാണ്.. അതുപോലെ യുദ്ധസ്മരണയുടെ സ്മാരകങ്ങളിലൊക്കെ ആ പൂക്കൾ സമർപ്പിക്കുന്ന ഔപചാരിക ചടങ്ങുകളും നടത്തപ്പെടാറുണ്ട്‌...

War is not an answer to anything… Lest We Forget and Let we remember the World Peace!..💕🙏💕

Love

Karthika

🕷️🕸️ HALLOWEEN 🎃👻

🎃👻💀🕷️🕸️ HALLOWEEN 🎃👻🕷️🕸️💀🦉

ഹാലോവീൻ അഥവാ ഓൾ ഹാലോസ് ഈവ് എന്നത്‌ ആത്മാക്കളുടെ ദിനമായ്‌ ഒക്ടോബർ 31-നു പാശ്ചാത്യ രാജ്യങ്ങളിൽ ആഘോഷിക്കുന്ന ഒരു ഉത്സവമാണ്... പുരാതന കെൽറ്റിക് ഉത്സവമായ സാംഹെയിനിൽ നിന്നാണ് ഈ പാരമ്പര്യം ഉത്ഭവിച്ചതെന്ന് പറയപ്പെടുന്നു. മരണ ദേവനായ സാഹയിൻ മരിച്ചവരുടെ ആത്മാക്കൾക്ക്‌ തങ്ങളുടെ വീടുകൾ സന്ദർശ്ശിക്കാൻ അനുവദിക്കുന്ന ദിവസമാണത്രേ ഒക്ടോബർ 31. അവരെ സ്വീകരിക്കുവാൻ വീട്ടുകാർ ഭീകരവേഷം ധരിക്കുകയും അപ്പോൾ ആത്മാക്കൾ അവരെ ഉപദ്രവിക്കാതെ കടന്നുപോകുമെന്നുമാണ് വിശ്വാസം.

ഹാലോവീൻ എന്ന പദം വിശുദ്ധൻ എന്നർത്ഥമുള്ള ഹാലോ (Hallow), വൈകുന്നേരം എന്നർത്ഥമുള്ള ഈവെനിങ് (evening) എന്നീ പദങ്ങളിൽനിന്നു രൂപംകൊണ്ടതാണ്. ഹാലോവീന്റെ പ്രധാന ആഘോഷം വീടുകൾക്ക് മുന്നിൽ ഹാലോവീൻ രൂപങ്ങളായ അസ്ഥികൂടങ്ങൾ 💀💀 , മത്തങ്ങ ഉപയോഗിച്ചുള്ള തല 🎃🎃,കാക്ക, മൂങ്ങ🦉🦉,എട്ടുകാലി 🕷️🕷️🕸️🕸️, പ്രേതങ്ങളുടെ രൂപം 👻👻

തുടങ്ങിയ പേടിപ്പെടുത്തുന്ന രൂപങ്ങൾ വച്ച് അലങ്കരിക്കുക എന്നതാണ്. കുട്ടികൾ ഓരോ വീടുകളിലും പോയി "ട്രിക്ക് ഓർ ട്രീറ്റ്"(വികൃതി അല്ലെങ്കിൽ സമ്മാനം) എന്ന് ചോദിക്കുന്നു. ട്രിക്ക് പറഞ്ഞാൽ വികൃതിയും ട്രീറ്റ് പറഞ്ഞാൽ സമ്മാനവുമാണ് രീതി. കുട്ടികൾക്ക്‌ ഒരുപാട്‌ ചോക്ലേറ്റുകൾ ലഭിക്കുന്ന ദിവസമാണിന്ന്. 

ഹാലോവീനെക്കുറിച്ച്‌ പല ചരിത്രങ്ങൾ ഉളളതായി പറയപ്പെടുന്നു. 

രണ്ടായിരം വർഷങ്ങൾക്ക് മുമ്പ് ഇംഗ്ലണ്ട്, സ്‌കോട്ട്‌ലൻഡ്, അയർലൻഡ്, വടക്കൻ ഫ്രാൻസ് എന്നിവിടങ്ങളിൽ ജീവിച്ചിരുന്ന തികച്ചും അപരിഷ്‌കൃതരായ ജീവിച്ച സെല്‍ട്സ് എന്ന സമൂഹത്തോളം പഴക്കമുണ്ട് ഹാലോവീനിന്റെ ചരിത്രത്തിന്. ‘ഡ്രൂയിഡ്സ്’ എന്നറിയപ്പെടുന്ന പ്രാചീന പുരോഹിതവർഗമാണ് ആ ജനതയെ നിയന്ത്രിച്ചിരുന്നത്. നവംബര്‍ ഒന്നിനായിരുന്നു അവരുടെ പുതുവര്‍ഷം.

സാംഹൈന്‍ എന്നായിരുന്നു ഈ ഉത്സവത്തിന്റെ പേര്. വേനൽകാലത്തിന്റെ അവസാനവും വിളവെടുപ്പിന്റേയും ശൈത്യകാലത്തിന്റേയും (dark winter) ആരംഭമായും നവംബർ 1 പുതുവത്സരമായ്‌ ആഘോഷിച്ചപ്പോൾ, ഒക്ടോബർ 31 ഹാലോവീനായി കൊണ്ടാടി. 

പാശ്ചാത്യ ക്രിസ്തുമത വിശ്വാസമനുസരിച്ച്‌ എട്ടാം നൂറ്റാണ്ടിൽ ഗ്രിഗറി മൂന്നാമൻ മാർപ്പാപ്പ നവംബർ 1 വിശുദ്ധന്മാരുടെ തിരുനാളായി നിശ്ചയിച്ചു. ഇതിന് തലേദിവസമായ ഒക്ടോബർ 31 മരിച്ചു പോയ പരേതാത്മക്കൾക്കുളള ഹാലോവിൻ ദിനമായും ആചരിക്കുന്നു. 

ഇന്നലെ അമ്മുവും അപ്പനും trick or treat-നു പോയി ഹാലോവീൻ ആഘോഷിച്ചു. എനിക്ക്‌ ജോലിയായത്‌ കൊണ്ട്‌ അപ്പനെ ഏൽപ്പിച്ചു ഇത്തവണത്തെ ആഘോഷം. കഴിഞ്ഞ വർഷം എന്റെ പൊന്നു ഉണ്ടായിരുന്നു ഞങ്ങൾക്കൊപ്പം ഹാലോവീൻ ആഘോഷിക്കുവാൻ... അവൾ കൂടെയില്ലായെന്ന വേദനയിലും കുട്ടികളുടെ കൊച്ച്‌ കൊച്ച്‌ സന്തോഷങ്ങൾ സാധ്യമാക്കുക എന്നത്‌ ഞാൻ ഏറ്റവും ഇഷ്ടപ്പെടുന്ന കാര്യം ആയത്‌ കൊണ്ട്‌ അമ്മുവും ഹാലോവിൻ ആഘോഷം നന്നായി ആസ്വദിച്ചു..

🎃

Karthika Thannickan

#halloween2024 #halloweencostume #Halloween