23.09.18

23.09.18

എന്തിനെന്ന് നീ ചോദിച്ചില്ലാ

പറയുവാൻ ഞാനും ആഗ്രഹിച്ചില്ലാ...

പക്ഷേ ആ നിമിഷങ്ങൾക്ക്‌ പരസ്പരം പങ്കിടുവാൻ 

ഒരുപാടിഷ്ടങ്ങൾ ഉണ്ടായിരുന്നു...

ആത്മാവിന്റെ ഭാഷയിൽ അവർ സംസാരിച്ചപ്പോൾ 

ആ നിമിഷങ്ങളെ തൊട്ടറിഞ്ഞ 

എന്റെ കാതുകളും മനവും 

ഈ ജന്മത്തിന്റെ സായൂജ്യത്തെ പുൽകി...

എല്ലാം ഉളളാലെ നീയും കാണുന്നുണ്ടെന്ന് 

കേൾക്കുന്നുണ്ടെന്ന് എനിക്കറിയാം...

പരസ്പരം കാണാത്തതും കേൾക്കാത്തതും 

പറയാത്തതുമായ നിമിഷങ്ങളെ നുകർന്ന് 

ആ സായാഹ്നവും വിട ചൊല്ലിയപ്പോൾ...

എന്നും ഓർമ്മിക്കുവാൻ, 

എന്റെ ഹൃദയത്തിൽ എഴുതി ചേർക്കുവാൻ,

ഒരു ഏട്‌ കൂടി 

എന്റെ ജീവിതത്തിൽ നീ കുറിച്ചപ്പോൾ

മനസ്സിൽ തിരതല്ലിയ ആഹ്ലാദത്തിനു 

ഈ ജന്മം മുഴുവൻ

 ഞാൻ നിന്നോട്‌ കടപ്പെട്ടിരിക്കുന്നു...