ഒരു സഹവാസ അപാരത...

ഒന്നര വർഷത്തിനു ശേഷം വീണ്ടുമൊരു ഒത്തുചേരൽ....

മ്മടെ ജെഫി മോളും, റിജോയും, അവരുടെ മുത്തിന്റേയുമൊപ്പം....

പിൻ വാതിലിലൂടെ പ്രവേശിച്ചതുകൊണ്ടാകണം, മുറിയിൽ കയറിയ ഉടനെ ഒരശരീരിപോലൊരു പ്രവചനം ഉണ്ടായി;

"ചേച്ചി... ഈ ....കർത്താവിനേയും പന്ത്രണ്ട്‌ ശിഷ്യന്മാരേയും എവിടുന്ന് കിട്ടി?" 

ഒരു ചെറിയ മേശമേൽ നിരത്തിവെച്ചിരിക്കുന്ന കരുക്കളെ നോക്കി വളരെ ഉത്സാഹത്തിൽ ജെഫിമോൾ ചോദിച്ചു.

റിജോയും രെഞ്ചിയും ഞാനും ഒരു പോലെ ഞെട്ടി; ഞങ്ങൾ പരസ്പരം നോക്കി.

റിജോ: "ജെഫി എന്താ പറഞ്ഞേ??!!"

ജെഫി: "കർത്താവും ശിഷ്യന്മാരും ഇരിക്കുന്നൂന്ന്."

ജെഫി ഒഴിച്ച്‌ ഞങ്ങൾ മൂന്നു പേരും ചിരിക്കുവാൻ തുടങ്ങി, ഒന്നും മനസ്സിലാകാതെ ജെഫി ഞങ്ങളെ നോക്കി.

റിജോ: "ജെഫി... അത്‌ ചെസ്സ്‌ ബോർഡും കരുക്കളുമാണു."

ജെഫി: "ആണോ.... 

ചേച്ചി ... ചേച്ചി പറ .. ആ കുതിര പുറത്തിരിക്കുന്ന ആളെ കണ്ടാൽ യൂദാസ്ലീഹായെ പോലുണ്ട്‌. ദേ .. ഈ സ്ത്രീ രൂപത്തെ കണ്ടാൽ മാതാവിനെ പോലുണ്ട്‌.... ഇത്‌ ജോസഫ് ‌പിതാവ്‌...." 

(അങ്ങനെ നിമിഷങ്ങൾക്കുളളിൽ ചെസ്സ്‌ ബോർഡിലെ മിക്ക ആൾക്കാരും കർത്താവിന്റെ കുടുംബക്കാരും, വിശുദ്ധന്മാരുമായി മാറി.)

ഞാൻ: "എന്നാലും ... കുന്തോം പിടിച്ച്‌ നിൽക്കുന്ന ആ ആൾക്കാരെ നീയെങ്ങനെ കർത്താവിന്റെ ശിഷ്യന്മാരാക്കിയെന്ന് ഒരു പിടുത്തവും കിട്ടുന്നില്ലാ ന്റെ ജെഫിയേ.... ഒരു കൊച്ചിന്റെ അമ്മയായിട്ടും നിനക്ക്‌ ഒരു മാറ്റവുമില്ലാല്ലേ??"

ജെഫി: "ചേച്ചി .... അത്‌ പിന്നെ സഹവാസത്തിന്റെ കുഴപ്പമാ..." 

ഞാൻ റിജോയെ നോക്കി ചിരിക്കുവാൻ തുടങ്ങി...

ഞാൻ: "റിജോ.... നിനക്കിട്ടാണു വെപ്പ്‌... ഒരു സഹവാസ അപാരത."

റിജോ: "ഞാനോ..."

അവിടേയും ജെഫിമോൾ തന്നെ സ്റ്റാർ... അന്ന് തൊട്ട്‌ ആ ചെസ്സ്‌ കരുക്കളെ നോക്കുന്ന ഞങ്ങൾക്ക്‌ കർത്താവിനേയും, പന്ത്രണ്ടു ശിഷ്യന്മാരേയും, വിശുദ്ധന്മാരേയുമല്ലാതെ വേറാരേയും കാണുവാൻ സാധിച്ചിട്ടില്ലായെന്നത്‌ വേറൊരു വസ്തുതയും.

❤️

KR

തിരികെയൊരു യാത്ര....

 9.4.22

4 വർഷങ്ങൾക്ക്‌ ശേഷം ഒരു യാത്ര...

ഒരു പക്ഷേ എല്ലാവരും കൊതിയോടെ കാത്തിരിക്കുന്ന യാത്ര... അത്‌ എല്ലാവർക്കും സാധ്യമാകട്ടെയെന്ന പ്രാർത്ഥനയോടെ ഈ കുറിപ്പ്‌ തുടങ്ങുന്നു...

പന്ത്രണ്ട്‌ വർഷത്തെ പ്രവാസ ജീവിതത്തിൽ ഒരിക്കൽ പോലും അവധി ആഘോഷിക്കുക എന്ന ഭാഗ്യം ഉണ്ടായിട്ടില്ലാ.... പോയ യാത്ര അത്രയും ആരുടെയെങ്കിലും മരണം, എന്തെങ്കിലും അത്യാഹിതങ്ങൾ അങ്ങനെ പലതുമായിരുന്നു. ഈ യാത്രയിലും ചില സമസ്യകൾക്ക്‌ ഉത്തരം കണ്ടെത്തേണ്ടതുണ്ട്‌ .... എന്നാലും തിരികെ ബാല്യകാലത്തേക്കുളള ഒരു യാത്രയാണിത്‌. നാട്ടിലെ തൊടിയിലും, പാടവരമ്പത്തും, തോട്ടുവക്കിലുമൊക്കെ എന്റെ മകളേയും കൂട്ടി വീണ്ടും ഒന്നുകൂടി നടക്കണം. ഞാൻ ശ്വസിച്ച, ഞാനറിഞ്ഞ എന്റെ നാടിന്റെ ആത്മാവിലേക്ക്‌ അവളേയും കൈപിടിച്ച്‌ നടത്തണം. പിന്നെ എന്റെ കളിക്കൂട്ടുകാരിക്കൊപ്പം ഞാൻ പഠിച്ച വിദ്യാലയത്തിലേക്ക്‌, വീണ്ടും ഒരു കൊച്ചു കുട്ടിയെപ്പോലെ ആ ഓർമ്മകളെ പുൽകണം. പിന്നെ കാണുവാൻ സാധിക്കുന്ന സൗഹൃദങ്ങളെയെല്ലാം കാണണം. 

തിരികെ വരുമ്പോൾ ഒരു കുന്നോളം ഓർമ്മകൾ നെഞ്ചിലേറ്റണം.

എത്രയോ മനുഷ്യർ പ്രവാസത്തിന്റെ തടവറയിൽ ജീവിക്കുന്നു, വർഷങ്ങൾ കാത്തിരിക്കുന്നു തങ്ങളുടെ പ്രിയപ്പെട്ടവരെ ഒരു നോക്ക്‌ കാണുവാൻ. അവരെ ഓർത്തുകൊണ്ട്‌, അവരുടെ വേദനയെ അറിഞ്ഞുകൊണ്ട്‌, എല്ലാവർക്കും സാധ്യമാകട്ടെ തിരികെ ജന്മനാട്ടിലേക്കുളള മടക്കയാത്രകൾ എന്ന പ്രാർത്ഥനയോടെ......

❤️

KR

അവൾ ....

 5.4.22

ഈ കൈവഴികൾ .....

ഞാനും അവളും ഒന്നായ-

കൈവഴികൾ...

അവളെ അവസാനമായി കണ്ട-

കൈവഴികൾ...

അവൾ ...

തീഷ്ണമായിരുന്നു ....

പൂർണ്ണയായിരുന്നു....

സ്വതന്ത്രയായിരുന്നു...

ഞാൻ...

പ്രണയമാണിപ്പോൾ ....

കാത്തിരിക്കേണ്ടവൾ....

ക്ഷമിക്കേണ്ടവൾ ....

ഞങ്ങൾ...

അവളും, ഞാനും..

ഞങ്ങളൊന്നായ  കൈവഴികൾ...

നിന്നിലേക്കുളളതും...

❤️

KR

Anish Nair- Niveditha Sai Musical Tribute to Lata Mangeshkar

https://youtu.be/Me_J6UeIno0

 ചില നിമിഷങ്ങൾ വാക്കുകൾക്കതീതമായി വരുമ്പോൾ നിശബ്ദമായി ആ നിമിഷത്തെ നമ്മുടെ നെഞ്ചോട് ‌ചേർക്കുക....

ആ നിശബ്ദതക്ക്‌ ഉളളിൽ പറയുവാൻ ആഗ്രഹിക്കുന്നതിനേക്കാൾ കൂടുതൽ ധ്വനിയുണ്ടാവും....

അനീഷ്‌ ഒരു അഭിമുഖത്തിൽ പറഞ്ഞിരുന്നു പാട്ട്‌ കേൾക്കുവാനുളളതാണെന്ന്... തീർച്ചയായും സംഗീതത്തിന്റെ കേൾവി ഭംഗി ആസ്വദിക്കണമെങ്കിൽ അത്‌ "Head Set”‌ വെച്ച് ‌തന്നെ കേൾക്കണം.... സായി നിവേദിതയെന്ന ഗായിക വളരെ മനോഹരമായിട്ട്‌ ആപാട്ടുകളെ നമ്മുടെ ഹൃദയത്തിലേക്ക്‌ പാടി ലയിപ്പിച്ചിരിക്കുന്നു ....

ആ സംഗീതത്തിന്റെ ദൃശ്യ ഭംഗി ആസ്വദിക്കുവാൻ തീർച്ചയായുംഅത്‌ “Big Screen”- ൽ തന്നെ കാണണം... ദൂരങ്ങൾ താണ്ടും തോറും നിങ്ങളുടെ കണ്ണുകൾ ഒപ്പിയെടുക്കുന്നതിന്റെ സൗന്ദര്യവും കൂടിക്കൂടി വരുന്നു .... അനീഷ്‌ ❤️

❤️

KR

https://youtu.be/Me_J6UeIno0

I am blessed….❤️

31.12.2021 - കരയുവാൻ മാത്രമേ കഴിഞ്ഞൊളളൂ.... അതിൽ സന്തോഷവും പ്രാർത്ഥനയും മാത്രമായിരുന്നു താനും ...

1.1.2022

 HAPPY NEW YEAR TO ME….. ❤️

ഞാൻ സന്തോഷമായിട്ടിരുന്നാൽ എന്റെ ചുറ്റുമുളളവരും സന്തോഷമായിട്ടിരിക്കും ...

❤️

KR

സൗഹൃദങ്ങൾ ...

 ജീവിതത്തിന്റെ ഓരോ കാലഘട്ടങ്ങളിലും ഓരോ സൗഹൃദങ്ങൾ... ഓരോ സൗഹൃദങ്ങൾക്കും ഓരോ നിയോഗങ്ങൾ ...

പത്തു വര്‍ഷത്തെ പള്ളിക്കൂടജീവിതം ഒരുപാട് സുഹൃത്തുക്കുളെ നല്‍കി. ആ സൗഹൃദം പിന്നെ കലാലയജീവിതത്തിന് വഴിമാറിയപ്പോള്‍ അതാണ് ഏറ്റവും തീവ്രവും ഒരിക്കലും പിരിയാത്തതുമായ സൌഹൃദമെന്നു ഉറപ്പിച്ചു. എന്തിന് അത് ചിന്തിച്ചുതീര്‍ന്നില്ല അതിലും വലിയ ലോകവും തുറന്നുകൊണ്ട് പിന്നെയും ഓരോ സൗഹൃദങ്ങളും വിടര്‍ന്നു. പക്ഷേ ഒന്നും ജീവിതത്തില്‍ സ്ഥായിയല്ല എന്നു വിളിച്ചുപറഞ്ഞുകൊണ്ട് അവയെല്ലാം നമ്മെ വിട്ട് ദൂരേക്ക് പറന്നകന്നു പോവുകയും ചെയ്യുന്നു....

 സൗഹൃദങ്ങളാണോ ഏറ്റവും വലിയ ബന്ധമെന്ന് ചോദിച്ചാൽ ഓരോരുത്തർക്കും ഓരോ ഉത്തരങ്ങൾ... എവിടെയൊക്കെയോ നമ്മുടെ ചിന്തകളും, ആശയങ്ങളും, ഇഷ്ടങ്ങളുമൊക്കെ ഒന്നാകുമ്പോൾ അവിടെയൊരു സൗഹൃദം പിറക്കുന്നു. പരസ്പര വിശ്വാസവും, പരസ്പര ബഹുമാനവും അതിനെ ഊട്ടി ഉറപ്പിക്കുന്നു. ഒരാളുടെ സ്വാതന്ത്ര്യത്തിന് സ്വാർത്ഥത കൊണ്ടും, അസൂയ കൊണ്ടും വിലങ്ങുതടികൾ തീർക്കാതെ ഈ ഭൂമിയിലെ അയാളുടെ യാത്ര പൂർണ്ണമാക്കുവാൻ നിശബ്ദമായി ആ സൗഹൃദത്തിനൊപ്പം ഒഴുകുക ... ആ യാത്ര ചിലപ്പോൾ പാതി വഴിയിൽ അവസാനിച്ചേക്കാം, അല്ലെങ്കിൽ ഒരായുസ്സ്‌ മുഴുവൻ കൂടെ കണ്ടേക്കാം ... 

എന്നോ ഒരു പിടി ചാരമാകേണ്ടവർ, മണ്ണിന്റെ ആഴങ്ങളിൽ അഴുകി തീരേണ്ടവർ എന്ന ബോധ്യം ഒന്നും സ്ഥായിയല്ലെന്ന് പറയാതെ നമ്മോട്‌ പറയുന്നു... അവിടെ ആ യാത്രയും പൂർണ്ണമാകുന്നു ...

❤️

KR

❤️

 ഈ ഭൂമിയിലെ പൂമ്പാറ്റകളാണ് 

നമ്മുടെ കുഞ്ഞുങ്ങൾ...

അവർക്ക്‌ തേൻ നുകരുവാനുളള പൂവായി...

അവരുടെ സത്വത്തെ കണ്ടെത്താനുളള പ്രകൃതിയായി...

അവർക്ക്‌ പറന്നുയരുവാനുളള ആകാശമായി 

നമുക്ക്‌ മാറുവാൻ സാധിക്കട്ടെ...

❤️DESMOND MPILO TUTU ❤️

You were an epitome of  Peace to a nation and the entire world…. So Rest In Peace is not the phrase to enunciate my condolences in your loss….

Live Long in the heart of coming generation and be the guardian Angel for people who are destined to be the Peaceful existence in this beautiful Earth.

Desmond Mpilo Tutu OMSG CH GCStJ was a South African Anglican bishop and theologian, known for his work as an anti-apartheid and human rights activist. 

Resentment and vengeance were not for him. As apartheid fell, he set his nation on a more profound path: freedom and forgiveness.

Awards: Nobel Peace Prize, Albert Schweitzer Prize for Humanitarianism, Gandhi Peace Prize etc.

🙏

KR

#DesmondTutu , #WorldPeace, #NobelprizeForPeace

(PC and information: Google)

The Mindfulness Key by Sarah Silverton

MINDFULNESS… Have a control over your thoughts and live in the present moment..

In this comprehensive guide, Sarah Silverton explains how the gentle yet highly effective mindfulness approach will help you to live in a calmer, wiser and more positive way. By engaging fully in the present moment, you can still your mind’s negative chatter and escape unhelpful automatic reactions that hold you back. 

Mindfulness എന്ന വാക്കിന്റെ ആഴം തേടിയുളള യാത്ര. ഗൂഗിളിൽ സേർച്ച് ചെയ്താൽ കിട്ടാത്തതായി ഒന്നുമില്ലാ. പക്ഷേ ഒരു കോഫിയും, കൈയ്യിലൊരു പുസ്തകവുമായി നമുക്ക്‌ സമയം ചിലവഴിക്കുവാൻ ഇഷ്ടപ്പെട്ട ഒരു സ്ഥലത്തിരുന്ന് അതിനെക്കുറിച്ച്‌ അറിയുവാൻ, വായിക്കുവാൻ സാധിക്കുന്നതിൽ പരം സന്തോഷം വേറൊന്നുമില്ലാ.... 

നമ്മുടെ ചിന്തകളെ എങ്ങനെ നിയന്ത്രിക്കാമെന്നതാണു ഈ പുസ്തകത്തിന്റെ ഇതിവൃത്തം.  പക്ഷേ അതേറ്റവും പ്രയാസകരവും, എന്നാൽ അതിൽ വിജയിച്ചാൽ ഏറ്റവും വലിയ ഒരുകാര്യത്തെ ജീവിതത്തിൽ അതിജീവിക്കുവാനും സാധിക്കുമെന്ന് ഈ വായനയിലൂടെ നമ്മൾക്ക്‌ പറഞ്ഞു തരുന്നു.

നമ്മൾ അന്വേഷിക്കുന്നത്‌ നമ്മളെ തേടി വരുക തന്നെ ചെയ്യും.... 

❤️

KR

Mindfulness… A new path to discover yourself…

 We focus on what’s is lacking within us and that dominates us and miss the right aspects of life.

Jon Kabat -Zinn , molecular biologist and a Buddhist stated “there is more right with you than wrong with you.”

I am not perfect, but there’s more right with Me than wrong with Me.

❤️

KR